Тексты
Вернуться к списку | редактировать | удалить | Создать новый | История изменений | Статистика | ? Помощь
Tumaš Aleksandra. Pohjosešša kašvattua
Tumaš Aleksandra
Pohjosešša kašvattua
карельский: собственно карельское наречие
Новописьменный севернокарельский
Nadežda Sinitsa eläy
Koštamukšešša ta ruatau kaupunkie muovoštajašša yritykšeššä .Hiän on luatin oikien ihmehen omalla mökkimuapalalla .
Nadežda Sinitsa on kašvattan mökkimuapalalla arpuusija ta rypälehviinamarjua – niitä kašvija perintehellisešti yhissetäh šuvialovehih .
Mie pakauttelin puutarhankašvattajua ta šain šelväkši mitein hänen onnistuu voittua ankarie pohjosie oloja ta šuaha rikašta šatuo .
Eksperimenttien kaipauš
Kešällä koštamukšelaini viettäy šuurimman ošan ajaštah mökillä ta kašvattau šatuo .Talvikuukaušina Nadežda ta hänen puoliso löyvetäh aikua mieliruatoh : naini kutou rottinkista kukkapatojen šuojapiällykšie ta muovuau polimerišavešta , a mieš harraštau tankkien šuunnittelomista ta šotačohojen entistämistä .
Pereh ošti mökkimuapalan , konša Nadeždalla oli 24 vuotta .Enšin rakennettih kyly ta kašvihuoneh , missä kašvatettih pohjosella perintehellisie okurččoja ta tomattija .Ka eksperimenttien kaipauš toi šuurenmoisempih tarkotukših .
Kymmenen vuotta takaperin Nadežda ošti rypälehviinamarjua Piiteristä .Enšin kašvi issutettih avomuah , ka kolmen vuuvven piäštä huomattih , jotta marjat ei keritty kypšyö ta šiirrettih niitä kašvihuoneheh .Kohta hyö šuatih tuloš : jo kolmen vuuvven piäštä rypälehviinamarja alko antua šatuo .
– Enšimmäisenä vuotena korjasima nellä kiluo , toisena – šeiččemen kiluo . Joka vuosi šato kašvau .Kašvatan arpuusija ta melonija noin viisi vuotta .On tosi mielenkiintoista tarkkual’l’a , mitein ne kašvetah joka päivä , kertou Nadežda .
Šamoin Nadeždan muapalalla kašvetah šuurikurpičča , maissi , vavarno , vuapukka , piärynä -, omena - ta luumupuut , meččämanšikka ta kiršikkapuut .
Rakkahuš muah
Kaččomatta pohjoseh ilmaštoh , kumpani tuou omie yllätykšie , monivuotini kokemuš ta käršivällisyš autetah Nadeždua voittua vaikeukšie .Hiän joka vuosi kuot’t’elou uušie kašvilajija , tarkkaseh tarkkual’ou niijen kehityštä ta valiččou šopivimpie varianttija omalla muapalalla .Puutarhankašvattaja ei käytä uušie vaikeita teknologijie , vain ruatau tavallisien agroteknillisien keinojen mukah ta kiinittäy erikoista huomijuo yksityiskohtih .
Ennein muah issutantua Nadežda ehottomašti panou lantua muah ta kiinittäy huomijuo kašvien šiännölliseh ta oikieaikaseh kašteluh .Kašvien lisäruokkimista varoin naini käyttäy hauvotettuo heinyä , kumpasella ajoittain šyöttäy kašvija .
– Lapšuošta tykkyän muata , ämmö kehitti miušša tätä rakkahutta . Šeiččemenvuotisena mie kävin Nuori luonnontutkija -kerhošša , missä meitä opaššettih .Äšen kävimä Šuomešša , jotta vajehtua kokemušta , muistelou koštamukšelaini .
Mieš kannattau naisen harraššušta , vaikka iče rakentau uutta taluo .Nyt Nadežda vähitellen vähentäy kašvien miäryä tervehyštilan takie , ka hänen kokemuš näyttäy , jotta äšen ankarissa pohjosissa oloissa voipi kašvattua šuvikašvija .Tärkein on uško lykkyh ta ämmön kehittämä rakkahuš muah .
Pohjosešša kašvattua
карельский: собственно карельское наречие
Новописьменный севернокарельский