Тексты
Вернуться к списку | редактировать | удалить | Создать новый | История изменений | Статистика | ? Помощь
Nina Zaiceva. Sit' - sarnaline jogi
Nina Zaiceva
Sit' - sarnaline jogi
вепсский
Младописьменный вепсский
Laukas
, kus Vas’ka osti sapkad pit’kiden säridenke i botinkaižed , mödihe oružjad-ki .Tozi sanuda , niid mödihe vaiše mecnikoile , kudambil oma mectuzbiletad .Vas’kal ei olend nimittušt biletad .Kus sen otta , hän ei tedand .Hän seižui möndlaudanno , i ei tedand , midä tehta i varaiži kacuhtada tedolaudaižehe .
Hanh' läksižihe jo , no nor' möi , ruskedtukaine , erašti kacui hänehe , i hänen kaceges oli mitte-se magii , mitte ei andoind lähtta Vas'kale .
No hän kaiken-se küzui möjal :
– Minä tahtoižin oružj ostta .
– Ka osta .
– Ka minai ei ole biletad .
– Ei-ik ole , vai unohtid kodihe ?
Küzund oli pandud muga , miše voiži kelastada : tozi , hän voi unohtada biletan kodiš .No Vas’ka ei navedind kelastada .
– Ei ole !
– Kuspäi oled ? Ik Seminihaspäi ?
– Semenihaspäi .
– Nu osta biletata . Mitte oružj-se ?
– Naku nece , – Vas’ka ozuti oružjale .
Möi johtuti händast i sanui :
– Minä sindai tundištin .Midä muga kacud ?Ved’ sinä oled Vas’ka Gusev .
– Ka .
– Midä ka ? Mö ved’ ühtes openzimoiš .Konz sinä läksid videndehe klassaha , ka minä lopin ühesanden .Muštan , kut sinä joksenzid školan katustme .
Vas’kale tegihe huiged .Hän hotkašti maksoi oružjas i tahtoi jo mända .| – A porohad ei-ik tarbiž ? – Möi-neižne küzui .
– Ka , porohad i drobid .
Kodiš händast varastiba Vit’ka i Sergei .Darja pezi sobid keitimpoles .
– Kacu-ške , mitte oruižj ! – Prihad tarkas kacuiba sidä kaikiš polišpäi .
– Ostid-ik botinkad ? - Heikahti Darja keitimpolespäi .
– Ka , ostin !
– Nu ka i hüvä , – virki Darja .
– A minun tatoi vaiše pühäpäivän lähteb oružj ostmaha , – hengahtaden sanui Vit’ka .
– Nimidä , mö ühtenke kävum ... Minä völ sapkad-ki pit’kiden säridenke ostin , – Vas’ka ozuti sapkad .
Vit’ka märiči sapkad ičeze jaugha , no ned hänele oliba surehkod .
– Konz tö tahtoit mecha-se mända ? - Sergei küzui .
– Ka voim hot’ homen .
Sergei kacuhti Vas’kaha :ved’ homen Tan’aine ajab lidnaha .
– Paremba homnesjäl’ghe .
Sergei küzui : – Otat-ik mindai ?
– Ka mecas kaikile sijad täudub .
Necen paginan aigan Sergei peitošti andoi Vas’kale penikaižen zapiskaižen .Se oli Tan’alpäi : "Vas’a ,tahtoižin sinunke pagišta .Sanu Sergejan kal’t , kus i konz voim vastatas ?"
Vas’ka peiti bumagaižen kormanaha .
– Ei-ik ole tämbei kinod ? – küzui Vas’ka .
– Ei ole , homen linneb .
– Ka , pidab kaik ostmižed otta täspäi , – sanui hän mamale .
A päs punoi : kus vastatas Tan’anke ?Ku ei linne vihmad , siloi Sitile läksižim .Sid’ hän nägišti , miše mamoi tahtoib mända huhtoimaha sobad jogel .Siloi-se Tan’a voiži tulda .Nügüd’ tarbiž prihoid kodihe kut-se sabutada , kudambad voiba ištta täs ani ehthasai .
– Vas’a , sa long’ päčipäi i sö , - kidasti mamoi keitimpolespäi , - a minä pezen sobad lophusai .
– Ka sön . Vaiše ton vet !– Vas’ka oti vädrad . Vit’ka küzui , ei-ik pida abutada .
– Ka min sinä ?! Iče ton .Sinä mäne , mecha vaumištade .Homnesjäl’gen lähtem aigoiš .
Prihad kaik ühtes läksiba Vas’kan i Vit’kan taga .Vas’ka šuhahti Sergejale : "Tulgha Tan’aine , konz mamoi lähteb jogele ".Sergei läksi kodihe .Kaik toižed-ki rigehtiškanziba hänen jäl’ghe .Vas’ka läksi vet kaivole .
Sit' - sarnaline jogi
вепсский
Младописьменный вепсский
–
–
Анатолии Петухов
Сить - таинственная река
русский
—
—