Тексты
Вернуться к списку | редактировать | удалить | Создать новый | История изменений | Статистика | ? Помощь
“Verez tullei”: süväd meletused vepsän kul’turas da istorijas
“Verez tullei”: süväd meletused vepsän kul’turas da istorijas
вепсский
Младописьменный вепсский
"Periodika "-painištos eloho
läksi uz’ "Verez tullei "- al’manahan nomer . Al’manah vepsän kelel ühtenzoiti tetabid da zavodijoid kirjutajid i runoilijoid .Sen lehtpolil voib lugeda süvid meletusid vepsän kul’turas da istorijas , a mugažo kirjutesid melentartuižiš vepsän man ristituiš .
Al’manahad avaidab Nina Zaicevan päkirjutez vepsän kirjkelen sündundas , ezmäižiden abekirjoiden da openduzkirjoiden tegemižes , ezmäižiš vepsläižiš kirjutajiš , ked paniba augun vepsläižele literaturale .
Nece nomer om omištadud Suren Vägestusen 80-voččele jubilejale .Päsijal om Rürik Loninan "Voinal korbetud laps’aig " -povest’ – süväd johtutesed külän eläjiden polhe , kudambad eliba suomalaižil saldatoil okkupiruitud voinan aigan Šoutjärven rajonan sijal .Sur’ Kodiman voin jäti suren jäl’gen meiden man istorijaha .Ei sa unohtada tragižiš voinan poliš , gerojiš , kudambad tegiba suren panendan meiden man Vägestusehe .Mugoižed ristitud oma vepsän-ki rahvahan keskes .Üks’ heišpäi – partizan Anna Mihailovna Lisicina .Tarkas hänen elos , urohontegos , znamasižiš azjoiš hänen muštoks voib lugeda neciš nomeras .
Proza da runotuz om ezitadud erazvuiččil avtoroil .Heiden keskes oma Nina Zaiceva , Oleg Mošnikov , Jelena Filina , Galina Baburova , Alevtina Andrejeva , Anatolii Petuhov i toižed .
Necil vodel täuduiži 95 vot Šoutjärven muzejan augonpanijale Rürik Loninale sündundpäiväspäi .Natalja Anhimova vaumišti al’manahan täht melentartuižen kirjutesen hänen elos da rados , a mugažo bohatas kul’turjäl’gestuses , miččen Rürik jäti toižile sugupol’vile .
Al’manahan lehtpolil lugii voib löuta Galina Lokkinan lämid muštlotesid Väräsjärv-kodiküläs , laps’aigas , küläelos .Südäntkoskii starin om Viktor da Kapitolinan Rogozinoiden polhe , heiden ozan peitusiš .Irina Vinokurova starinoičeb aigaližes tundištoituses vepsläižidenke , ičeze elotes etnografijaha , ekspedicijoiš Vologdan da Piterin agjoihe , Änižröunaha ."Jousnen järved " -kollektivan pajanik Anna Vasiljeva starinoičeb , kut erine vepsläine il’mišt painasti hänen sädandradoho da mirunkacundaha .
Al’manahan tegijad vaumištiba melentartuižen rubrikan lapsiden täht .Pened lugijad voiba tundištadas živatoidenke runoiden kal’t , tedištada starinan vauktas pedr-emäs vai važenkas , da lugeda prihaižen polhe , kudamb käveli mamanke mecha babukoihe .A äjak hän kerazi babukoid , tö tedištat , konz luget starinan .
Mujukahil al’manahan lehtpolil oma čomad kuvad "Vepsän kul’tursebran " jubilejaspäi , a mugažo čomad vepsläižiden küliden londuzkuvad .Pirdatused tegi taidehpirdai Darja Hil’ .
Al’manahan voib ostta "Periodika "-painištos , sen arv om 130 rubl’ad .
“Verez tullei”: süväd meletused vepsän kul’turas da istorijas
вепсский
Младописьменный вепсский