Тексты
Вернуться к списку | редактировать | удалить | Создать новый | История изменений | Статистика | ? Помощь
Nina Zaiceva. Sit' - sarnaline jogi
Nina Zaiceva
Sit' - sarnaline jogi
вепсский
Младописьменный вепсский
Tan’aine meleti
, miše hänele niken ei tule vastha .No nece ei ole gor’a .Te kodihe om tutab .Ku ei ole völ pimed , voib mectehutme joksta .Holduti vaiše se , miše Vas’ka voi möst mecha mända .A kahesandel päiväl hänele pidi jo tagaze ajada .I Tan’kale oli zal’ , miše hän starinoiči neciš ekskursijas Moskvaha , mittušt ei olend !
Stancijal oli vaiše üks’ fonar’ .Nägui kaks’ akad i völ ken-se .Om-ik Vas’a ?Ka hän !Udes pinžakos , ed voi tundištada-ki .A vagon ajab jo siriči .
– Vas’a , – heikahti Tan’a i mahni kädel .
No Vas’ka nägišti jo händast i joksi pidust’ pojezdad .Lopuks pojezd seižutihe , i Tan’a hüppähti čurule .
– Voi kut hüvä , miše sinä tulid vastha ! Oled-ik üksnäiž ?
– Aga !
– A Sergei ?
– Magadab . Tahtoitihe heraštoitta , da minä en andand .
– Mikš muga ?
– Väzui . Mö ved’ mecas olim ...
Hö läksiba tedme , mitte oli levedamb .
– Kävelit-ik mecadamha ?
– Ka . Öduim mecas .
– I kut ?
– Vit’ka toi kaks’ püd , a minä nimidä . Mugoižen ristitunke tunduštimoiš .Ezmäi hän ei tulend minei mel’he .I vaiše konz zavodim pagišta , ka minä nägištin , mitte hän om avoin mez’ !Hän Vit’kanke i Sergejanke ödui .Hö kaiken ön pagižiba .
– A sinä-k ? Jose sinä ed kävelend ?
– Minä ehthasai mänin edahan , i piminzui jo , en voind tagaze mända . Uksnäin jäin .Minunke oli koiraine , Tobka .
– Olid-ik mecas üksnäiž ? – Tan’a eskai seižutihe .
– Nu ka midä ?
– Ka nügüd’ ved’ ei ole keza . Ka i opak om .
– Ka sinä kundle . Ezmäi prihad hänele starinoičiba Kaizeras , Paitjärves , siš , kut mö verkon panlim , i Tol’ka habi ei uptand .Sid’ hän prihoile starinoiči ičesaze , rados .Hän radab mecankaičijan .Veriba magadamha jo ön aigan .Hän katoi prihoid ičeze pinžakol , a iče ištui ühtes paidas nodjonno .Minä-se en tedand necidä .Minei eskai huiged tegihe , miše ezmäi nece mez’ ei tulend minei mel’he .
– Vas’a , kut sinä oled vajehtanus ! – sanui Tan’aine . – Muštad-ik majun , konz sinä ujuid joges üliči ?
– Muštan , – sanui Vas’ka .
– Ka siloi minä rižin ičtain vanhemba , mi sinä , äjan sindai vanhemba , hot’ mö olem sinunke üks’igäižed . A nügüd’ tundub , miše sinä oled vanhemb .Siloi sinä olid kuti meletoi prihaine .Voib olda , sikš ku sinä tedad , midä tegeškanded edehepäi .
– A sinä-k ? Jose sinä ed teda ?Lopid tehnikuman i lähted institutha .
No Tan’aine sanui :
– En .Tehnikuman jäl’ghe minä lähten radole .Tahtoin pakitas meiden medpunktale ,– hän vaikištui , sid’ ližazi : – Lähemba Sitinnoks .
Sit' - sarnaline jogi
вепсский
Младописьменный вепсский
–
Анатолии Петухов
Сить - таинственная река
русский
—