Тексты
Вернуться к списку | редактировать | удалить | Создать новый | История изменений | Статистика | ? Помощь
Olʾga Smotrova. Kuvvei – karjalua, nelläi – vepsiä
Olʾga Smotrova
Kuvvei – karjalua, nelläi – vepsiä
карельский: ливвиковское наречие
Новописьменный ливвиковский
Petroskoin
valdivonyliopiston filolougien instituutan suomelasugrilazen filolougien laitoksele tänä vuon tuli opastumah yheksä hengie .
Kaikkiedah enzimäzel kursal karjalan (vepsän ), suomen kieli da literatuuru-liiniel opastuu kymmene hengie .Kolme neidisty rubei opastumah vienankarjalua , kolme – liygii da kolme – vepsän kieldy .Yksi vepsän kieldy opastui on kiändynyh enzimäzeh kursah akadeemizel lomalpäi .
Tänä vuon opastumah laitoksele otettih toizeh luaduh , migu mennyt vuozin .Sen-tämän vuvven peräkkäi otettih opastumah karjalan kieldy nenga , ku yhtenny vuon kaikin , ket tuldih opastumah karjalan kieldy , opastuttih vienua , sit toizennu vuon kaikin opastuttih vaiku liygii .Nenga ei olluh hyvä , sildy ku , sanommo , suvikarjalazele , kudai školas opastui liygii , yliopistos pidi opastuo vienua .
Kui otettih tänä vuon abiturientoi opastumah suomelas-ugrilazen filolougien laitoksele , saneli laitoksen piälikkö Tatjana Paškova .
– Minä kyzyin rektoral , ku opastujii otettas kahtele liiniele , kui se oli enziallus . Täkse vuotu se on muga .Kui rodieu ielleh , vie en malta sanuo .Tänäpäi laitoksel on kymmene b’udžiettupaikkua da kymmene maksollistu paikkua .B’udžiettupaikat jagavutah nenga , ku yksi paikku on miärättyh opastujah niškoi , kaksi on kvoutan mugah tulluzih niškoi da seiččie paikkua on kaikile himoniekoile .Kilvas läbi piäzijöile opastujile myö annammo täytettäväkse ankietat : tiijustammo , kuspäi hyö ollah rodužin , mittumua kieldy da piämurrehtu tahtotah opastuo da muga ielleh .Sit myö juammo heidy kolmeh joukkoh , yhtet opastutah liygii , toizet – vienua da kolmandet – vepsän kieldy .
Karjalan kielen vienankarjalan piämurrehtu jo äijän vuottu opastau Jevgenii Karakin , liygii – Tatjana Paškova , vepsän kieldy tänä vuon tuli opastamah nuori opastai Daniil Balandin .
Yliopiston seinis olles paikan piäl puutui paista enzimäzen vuozikursan nellän opastujanke .
Anuksen karjalaine Aleksandra Kornilova da Voulogdan čupun Babajevon eläi Lina Zvereva opastutah liygii .
– Minä kuulin karjalua lapsusaijas , alguškolas opastuin kieldy ylen hyvin , kaikkie , midä opastettih , minä mustan tänäpäigi , sendäh minä piätin piästä opastumah tänne , sanou Aleksandra .
Lina sanou , ku hänel ei ole nigo karjalazii , nigo vepsäläzii juurii , ga vepsäläzienke rinnal eläjes karjalazien da vepsäläzien kul’tuuru oli ainos lähäine , sih nähte puaksuh saneltih muzeilois , sen hyvin tietäh Voulogdan rahvas .Opastuttuu Lina tahtos tulla lingvistakse , kiändäjäkse libo lehtitoimittajakse .
Petroskoilaine Anna Gračova da murmanskalaine Jelizaveta Guttorm vallittih opastettavakse vienankarjalua .
– Muaman puoles minun juuret ollah lyydiläzes Kuujärves . Kieldy minä kuulin puaksuh , sanou Anna .
Jelizavetal ei ole karjalazii perehes , ga tuatal ollah saamelazet juuret .Neidine mielihyväl tuli opastumah suomen kieldy .
Tänäpäi yliopisto luadiu statistiekkua , kunne yliopiston jälles opastujat mennäh ruadoh .Ruaduo karjalan da vepsän kielen alal löydiä on vaigei , a ku sit maksettas hyvin – vie on vaigiembi .
– Erähät jatketah opastustu magistratuuras , toizet lähtietäh repetitoroikse , eri kursoin opastajikse , lähtietäh školih opastajikse , erähät opitah omii maltoloi GTRK-Karelian TV :n da raadivon toimittajinnu . Erähät jo nelländel vuozikursal opastujes lähtietäh ruadoh školih , sanelou Tatjana Paškova .
Kuvvei – karjalua, nelläi – vepsiä
карельский: ливвиковское наречие
Новописьменный ливвиковский