Тексты
Вернуться к списку | редактировать | удалить | Создать новый | История изменений | Статистика | ? Помощь
Petroskoin valdivonyliopisto sai “Sammon”
Petroskoin valdivonyliopisto sai “Sammon”
карельский: ливвиковское наречие
Новописьменный ливвиковский
Petroskoin
valdivonyliopiston 85-vuozipäiväle omistetus pivos Karjalan piämies andoi tazavallan piälimäzen kunnivomerkin yliopiston rektorale Anatolii Voroninale .
Tänä vuon 85 vuottu täyttänyh Petroskoin valdivonyliopisto oli perustettu vuvvennu 1940.Ven’an Jevroupan pohjaispuolen suurin yliopisto kuuluu Ven’an 50 parahan yliopiston luvetteluh .Olemas olemizen aigah yliopisto valmisti enämbän 90 tuhattu spetsialistua .
— Petroskoin yliopisto on kuulužu omil perindölöil , opastajien korgiel tazol , nygyaigazel infrastruktuural . Petroskoin valdivonylopiston loppenuot pannah oman panoksen tazavallan ekonoumiekan , sotsioalan kehittämizeh .Sanommo , roubottutehniekku , informatsiitehnolougiet , tegointellektu , biotehnolougii , mašinoinrakendamine , dizain da äijät toizet , sanoi Anatolii Voronin Karjalan piämiehen lehtistöpalvelule .
Korgielois suavutuksis da arvotegolois tiedo - da opastusalal , korgeitazozien spetsialistoin valmistamizes Petroskoin yliopisto on suannuh Sampo-ordenan Karjalan piämiehen Artur Parfenčikovan käzis .
— Yliopisto 85 vuvven suuren ruavos on luannastannuh tämän kunnivonmerkin . Sampo-ordenu ei ole vaigu merki , se on Karjalan rahvahan hengen todevutandumerki , elaijan da kukistamizen merki .Tämän kunnivomerkin säjehis yliopistuo vuottau vie pitkyaigaine da tulokas ruado Karjalan hyväkse , sanoi Artur Parfenčikov .
Karjalan piämies andoi kunnivomerkit yliopiston ruadajile .Palkittuloin joukos ongi baltiekkumerensuomelazen filolougien laitoksen piälikkö — histourien doktoru Tatjana Paškova on suannuh arvonimen "Karjalan tazavallan tiedoalan arvostettu ruadai ".
Petroskoin valdivonyliopisto sai “Sammon”
карельский: ливвиковское наречие
Новописьменный ливвиковский