Тексты
Вернуться к списку | редактировать | удалить | Создать новый | История изменений | Статистика | ? Помощь
L’ubov’ Baltazar. Hieru, kuspäi algau kodimua
L’ubov’ Baltazar
Hieru, kuspäi algau kodimua
карельский: ливвиковское наречие
Новописьменный ливвиковский
"Vaigu meijän
lapset tiettäs karjalakse enne paistih tiä ...".
Anatolii Nazarov on tundiettu ristikanzu Anuksen mual .Endine muatalovusalanruadai häi kirjuttau čomii runoloi Karjalah nähte .
Anatolii Nazarovua Alavoizes dai Anuksen rajonas tietäh ylen äijät ristikanzat .Ezmäzekse sen periä , ku häi vuozinnu1985 –1995
ruadoi Alavoizen sovhozan piäagronuomannu .
Toizekse – hänen čomien runoloin periä mit ylen ollah mieleh lugijoil .Nygöi niidy puaksuh suau lugie internetas .Runot vuvvennu 2022 on painettu kniigazeh "Žizn’ naša – na zemle sledi ("Elaigu meijän jället mual ) - Verso-julguamos Petroskoil .
Anatolii F’odorovič on rodinuhes Priäžäs .Mollembat vahnembat oldih karjalazet , kois paistih karjalakse .Perehes oli seiččie lastu .
Oma karjalan kieli vie on tämän runoilijan mustos ; ga kirjuttau runoloi ven’an kielel .Runohus ainos miellytti händy , ga kirjuttamah runoloi rubei vaste 25 vuottu tagaperin .Runohuol nygöi on tärgei sija Anatolii Nazarovan elokses , da se vai suurenou .
En ruvennuh kyzelemäh kui ,konzu da mindäh tullah runot mieleh .Runoloin kirjutandu on kaikil yhtenjyttyine dai jogahizel on oma .Anatolii Nazarovan runolois tulou ilmih se , kui äijäl kirjuttai armastau omua randua , ristikanzoi , omua ruaduo da luonduo .Elaijanmeno , omat maltot , meijän luonnon čomevus vaikutetah runoloin sizäldöh ga kaikis niilöis nägyy oman muan armastus da kibu karjalazien kylien kohtalon periä .
Sen ližäkse Anatolii suvaiččou ruadua mual da kogo ijän kazvattau erilazii kazviloi .Onhäi Anatolii opastunnuh agronoumakse Petroskoin valdivonyliopistos .Nygöi Anatolii johtau omua fermaran talovuttu , kazvattau kartohkua da muu da muuloi muatalovuskazviloi .
Tämän ruavon periä hyö tunnustuttihes Anna Serm’onovna Jermolinanke , kudaman elokses da ruavos oli jo kirjus meijän lehtes .Tämä naine on kerännyh äjiän tieduo Tahtahalan hierun histouries da luadinuh al’bouman endizien dai jälgivuozien kuvienke , kudamat on otettu Tahtahalas piettävien kyläpruazniekoin aigua .Häi andoi net Anatouliel kačottavakse da kehoitti kirjuttamah runuo Tahtahalan hieruh näh .Muga rodih tämä runo ven’an kielel .Runo muga miellytti kaikkii lugijoi , sit luvus karjalaziigi , ga minä opin kiändiä sen karjalan kielel .
Tahtahalan hieru
Yheks’kymmen piäle buabal vuottu ,
Roinduhieruh näh häi kyzyy kirjuttua .
Lapsiaigu oli jygei , se on tottu ,
Muamua-tuattua ei sua unohtua .
Tahtahalas oli suuri pereh :
"Seičče lastu , on vai sanuo ".
Mustos nouzou oma čuppu edeh ,
Oma ainavo da kaikis pyhin mua .
Tahtalahan hieru seizou jogirannal .
sadoi vuozii rahvas elettih .
Kirikkösty ainos piettih arvos
Ylen ammui , vuottu menetiijämi .
Enne rahvastu tiä oli äijy .
Ruistu kylvettih da pelvastu .
Elos eulluh kebjei , midäi sano ,
Omakse et sano vierastu .
Hieruh jiädih kovat jället voinan ,
Harvu omahiine eloh jäi .
mendih puoilistajat joga koispäi .
Äijy miesty loitos surman sai .
Kohtua nengomua on äijy mieros ,
Kyliä , kuspäi algau kodimua .
Vaigu bunukat da lapset meijän tiettäs
Karjalakse enne paisti tiä .
Buabal yheks’kymmen piäle vuottu ,
Roinduhieruh näh häi kyzyy kirjuttua ...
Hieru, kuspäi algau kodimua
карельский: ливвиковское наречие
Новописьменный ливвиковский
"
Балтазар Любовь
Деревня – родины моей начало
русский
"