Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Sinitskaja. Karjal, vepsä da suomi ei kiinnitetä nuorien mieldy
Natalja Sinitskaja
Karjal, vepsä da suomi ei kiinnitetä nuorien mieldy
карельский: ливвиковское наречие
Новописьменный ливвиковский
Karjalazien
, vepsäläzien da suomelazien probliemat oldih paginal syvyskuun jälgimäzenny piän pietys Karjalan piämiehen tyves toimijan karjalazien , vepsäläzien da suomelazien edustajien nevvoston istundos .
Syvyskuun jälgimäzenny piän pietyn Karjalan piämiehen tyves toimijan karjalazien , vepsäläzien da suomelazien edustajien nevvoston istundon paginanvedäjänny oli Roman Golubev , syväinpoliitiekas vastai Karjalan varapiämies .Paginal oldih Karjalan da toizien suomelas-ugrilazien alovehien yhtehine ruado , karjalan , vepsän da suemen kielien opastus Petroskoin valdivonyliopistos da Karjalazien X kerähmön vallittuloin nevvoston vuvven piduhine ruado .
Kanzallizen da alovehellizen poliitiekan varaministru Aleksandra Jeršova tämän vuvven tärgevimien pidoloin joukos mainičči Marin tazavallas syvyskuul pietyt kogo Ven’an III suomelas-ugrilazien fouruman da VIII suomelas-ugrilazien kanzoin assotsiatsien kerähmön .Jeršovan kehoittuloin pidoloin joukos oldih sežo Tverin alovehel piettävy Kalitka-festivuali , Karjalas piettävät nuorižopido EtnoPRO da sanelut karjalan da vepsän kielel .
— Juuri EtnoPRO :n jälles piävyttih yhteiskunnallizeh ruadoh Ivan Kalmikov da Timofei Migunov , kuduat kuulutah Suomelas-ugrilazien assotsiatsien nuorižon nevvostoh . Sego Anna Filippova , kudai omahizien kel kehittäy turizmua Vienan Karjalas ."Periodikangi " ruadojoukko suureni nuorel spetsialistal — julguamoh tuli ruadoh Jekaterina Jeremejeva , kehui Jeršova .
Meijän kielet ei pätä nuorile
Toizekse paginal olluh kyzymys koski kielialan spetsialistoin valmistandua .
— Tänäpäi baltiekkumerensuomelazen filolougien laitoksel opastuu bakalavran porogrammal 66 hengie , 3 hengie opastuu magistrakse da 2 nuordu jatketah opastustu aspirantuuras , sanoi istundos Petroskoin yliopiston filolougien instituutan piälikkö Oksana Abramova .
Abramova paheksi , ku jälgimäzet nelli vuottu meijän kielii ei tulluh opastumah ni yksi miärävyksel työtty opastui .Muitegi meijän kielien opastus ei innosta nuorii : laitoksel kolme b’udžiettupaikkua jäi tyhjäkse tänä vuon .
— Laitoksele pyrgivytäh opastumah meijän kielii maltamattomat Ven’an toizis subjektois tulluot nuoret , kudamii ihastutetah meijän "ekzouttizet " kielet , ga opastundan loppiettu hyö mennäh ruadoh toizih kohtis , meijän kielet sinne heile ei pätä , sanoi Zinaida Strogal’ščikova .
Petroskoin valdivonyliopiston sijas äijät nuoret vallitah Piiterin da Moskovan opastuslaitokset .Sen periä tazavaldu kavottau spetsialistoi , kuduat tuliel aigua voidas ruadua kielialal .
Nevvostolazet kehoitettih pidiä yliopistoh pyrgijöin kel pagin , ku suas tiijustua , opastuttihgo hyö kieldy , mindäh heidy kiinnostau karjalan da vepsän kieli , kus hyö tahtottas ruadua opastundan jälles .Moizii paginoi piettih nuorien kel laitoksele opastumah ottajes laitostu alguh pannes .
— Net , ket tuldih opastumah meijän kielii yliopistoh 1990-luvun allus , roittih kanzallizen intelligentsien perustakse . Hyö ruatah nygöi TV - da raadivotoimitukses , karjalan - da vepsänkielizis julgavolois , Kieli-instituutas , heis roittih yliopiston opastajat , jatkau Zinaida Strogal’ščikova .
Vallittuloin nevvosto rutostau ruaduo
Vuvven piduhizes karjalazien kerähmön vallittuloin nevvoston ruavos saneli nevvoston piälikkö Inga Gurilova .Mennyt vuodehizes kerähmös täh ruadoh oli vallittu 38 hengie , kudamis kymmene edustetah Petroskoin linnua , dostalit ruatah piirilöis .On vallittu prezidium , kuduah kuuluu 11 hengie .
— Kerähmön jälles oli pietty kymmene prezidiuman istunduo , kudamil paginal oli enämbi 20 kyzymysty . Niilöin luvus Oma Mua -lehten tilavus , Hengen vägi muaman kieles -marafounu da toizet .
Istundos virii palavu diskussii tulien paikallizen haldivon reforman periä .Nevvostolazii huolestuttau , ku paikallizen haldivon yksitazoine sistiemu ei kestä .
— Nygözis ololois da reforman piettyy paikoin piäl ruadajil ei tävvy vägie da resursua täyttiä kai täyzivaldažukset , pidäy varmuttu nevvostolaine Tatjana Izotova .
Istundos palkittih vepsäläzii aktivistoi .Tutkii Zinaida Strogal’ščikova on suannuh Suomelas-ugrilazien kirjuttajien assotsiatsien kunnivomerkin "Panokses suomelas-ugrilazen literatuuran kehittämizeh ".Kodima - lehten piätoimittai Irina Sotnikova on suannuh Za vernost’ Severu -medalin .
Karjal, vepsä da suomi ei kiinnitetä nuorien mieldy
карельский: ливвиковское наречие
Новописьменный ливвиковский