Тексты
Вернуться к списку | редактировать | удалить | Создать новый | История изменений | Статистика | ? Помощь
Nadežda Vasiljeva. Kalevalašša mäni Karjalan vapauttamisen 81-vuotisjuhla
Nadežda Vasiljeva
Kalevalašša mäni Karjalan vapauttamisen 81-vuotisjuhla
карельский: собственно карельское наречие
Новописьменный севернокарельский
Šyyškuun viimesenä
päivänä meijän tašavalta viettäy merkittävyä päivyä – Karjalan vapauttamista šakšalais-fašistisista ta šuomelaisista vallottajista .
Meijän muan kaikissa paikoissa pietäh muistotilaisukšie , pannah kukkie ušeijen paččahien , muistokompleksien ta Karjalan vapauttamisen puolešta kuatunuijen šotilahien hautaušpaikkojen luokše .
Perintehellisešti šemmosie tilaisukšie vietetäh ni Kalevalan piirin alovehella , missä vuuvven 1941 heinäkuušta alkuan vuuven 1944 šyyškuuh šuaten Tuatonmuan puoluštajat rohkiešti taisseltih , min anšijošta vihollini ei murtautun Okt’abr’skaja-rautatien luo .
Kalevalan partisanit
Šuuren Isänmuallisen šovan alušša 1800 henkie kučuttih Kalevalan piiristä rintamalla .Heistä kotih myöšty vain 500.Šovan vuosina piirissä toimittih Taistelukučču -, Ruškie lippu -, Čapajevilla nimitetty -, Karjalan nuorisoliittolaini-partisanijoukot .Myöhemmin ne kaikki liityttih yhteh šuureh Ruškie partisani -joukkoh .Partisanit šuoritettih šuurta räjähyštyötä vihollisen šelkäpuolella .Hyö lähettih operatijoih , kulettih monta kilometrie ta tuotih ušeita vaikeukšie šuomelaisilla vallottajilla .
Ruškie partisani -joukko šeiso Haikol’an kyläššä olijašša šijautumiskohašša .Še oli tärkie partisanikeškuš .
Šovanjälkisenä aikana partisaniliikkehen ošallistujat monta kertua myöššyttih omien taistelujen paikkoih , omah entiseh šijautumiskohtah Haikol’an kyläššä .Šemmosissa kerähmöissä hyö tavattih kašvajan šukupolven kera , kerrottih šota-arkipäivistä , muisseltih , vajehettih uutisie .
Vuuvven 1974 elokuun kerähmön aikana Karjalan vapauttamisen 30-vuotisjuhlan kunnivokši Kalevalašša avattih muistopačaš partisaniloilla .Šen puateroih on hakattu kuatunuijen partisanien nimet .Šamoin marmorapuaterojen alla on pantu kapseli , kumpasešša on multua taistelujen paikoista .Šiinä paikašša näytetäh kunnivoitušta kaikilla šotilahilla , ket kuavuttih Kalevalan piirin vapauttamisen aikana .
Muistuo šäilyttyän
Tänäki kertana muistotilaisuot Karjalan vapauttamisen kunnivokši vietettih Kalevalan partisaniloilla omissetun muistomerkin luona .Obeliskin luo keräyty piirin eläjie , yritykšien ta järještöjen ušeita etuštajie , paikallisen koulun opaštujie , Enšimmäisien liikkehen ošallistujie .Muistomitinkih ošallissuttih Venäjän duuman deputatti Valentina Pivnenko ta Karjalan varapiäministeri Larisa Podsadnik .Valentina Pivnenko kiitti kalevalalaisie , kumpaset luotettavašti kunnivoitetah kuatunuijen šankarien muistuo .
– Tänäpiänä , niin vaikiena aikana še on tosi tärkietä ta tarpehellista . Pitäy šäilyttyä muistuo , välittyä šitä šukupolvelta toisella .
Valentina Pivnenko toivou , jotta tulou juuri näin , šentäh kun erikoisšotaoperatijoh ošallistujat muanmiehet joka taistelupäivänä tovissetah šitä .
Mitinkin ošallistujat kunnivoitettih šankarien muistuo hil’l’asella hetkellä ta pantih muistopuaterojen luo mainehen šeppeleh ta elävie kukkie .
Kalevalašša mäni Karjalan vapauttamisen 81-vuotisjuhla
карельский: собственно карельское наречие
Новописьменный севернокарельский