Тексты
Вернуться к просмотру | Вернуться к списку
VAHNAT PAČČAHAT
История изменений
15 октября 2025 в 14:01 Нина Шибанова
- создал(а) текст
- создал(а) текст: Vahnat paččahat seizotah, Vaikkani ymbäri kačotah, Lumet dai vihmat kestetäh, Toiči vai tuulel häilytäh. Rinnal pedäjät kazvetah, Koivut, pihl’ajat šupetetah, Pajun tuhjozet vezoitutah, Toiči juablokkupuut pujoitutah. Vahnat paččahat seizotah, Tikut paččahih lennetäh, Tävvel väil rungoi perretäh, Syömisty sydämes ečitäh. Vikse, čyöttyö da böbökköi lövvetäh, Loukot paččahien piälöih jätetäh. Vahnat paččahat mustetah, Kui ammui ruadajat tuldih, Ahkerasti muah azetettih, Raudulangat ylähän venytettih, Tässäh net paččahis riputah. Ruadajat kaččomah käydih, Da paččahazii äbäzöittih, Puuloi da tuhjoloi karzittih, Raudulangoi kohendettih. Silloi net oldih pädevät, Niilöin vuoh ruattih ruadivot, Endizet suuret telefonat Kannettih paginoin ilot. Ičegi tuulel pajatettih, Pahal siäl toiči ulvottih, Dorogoin pieles kokotettih, Buitegu dorogoi vardoittih. Nygöi net ammui hyllättih, Erähis kohtis käytändät muutettih, Interneettu sijah pandih, Vahnanemah ielleh jätettih. Paginantevokset uvvistuttih, Jo telefonat kämmeneh synnytäh, A vahnat paččahat seizotah, Avuta hil’l’azeh hapatah. Vahnat paččahat seizotah, Kylän tagan jo kuavutah, Raudulangat odva riputah, Puaksuh muassah jo pakutah, Ruadajii kohendamah vuotetah. Hätkengo, gor’at, vie eletänneh, Viego kelle, armoittomat, pättäneh? Uuzi elaigu tulou, Endine käytös kuolou… Muga kieligi meijän Odva hengis vai pyzyy. Olis kaunis dai pädevy, Ga pahale aijale satui…