ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Eli Pyhäniemes Ruskei čuari

подкорпус: публицистические тексты

Источник:
Oma mua. № 42, 2023, с. 9

Eli Pyhäniemes Ruskei čuari

карельский: ливвиковское наречие
Новописьменный ливвиковский
Nimi hänen oli Aleksandr Konstantinovič Grinin. A mindäh "ruskiekse čuarikse" kirgumah ruvettih, nygöi jo niken ei malta sanuo. Minä pahakse mielekse olen jo hänen kuolendan jälles rodivunnuh da täh riäzittendynimeh nähte minulleni saneltih minun t’outat.
Minun buabo Grinina Jelizaveta Aleksandrovna rodivui muanruadajan pereheh, sen samazen ruskien čuarin, köyhän Grininan Aleksandr Konstantinovičan da hänen akan Jelena Vasiljevnan pereheh. Paiči händy pruavodied’oin perehes oli vie seiččei lastu – kolme poigua da nelli tytärdy. Kanzallizen voinan aigah hänen tuattah, minun pruavodied’oi, oli partizuanuotr’uadan piälikönny. Voinan jälles oli Mändysellän voulostin ispolkoman paginanvedäjänny, a sit oli eri valduvirrois Petrovskois piiris.

Nuorennu pruavodied’oil pidi lähtie ruadoh. Enne naindua häi ruadoi Solovetskoin rauduzavodal, kudai oli Puadanen kylän lähil. Siegi häi tuttavui omah vastineheh Jelena Vasiljevna Lukkarevah, Kuužiniemeh rodivunnuoh. Enzimäzen suuren voinan aigah pruavodied’oidu ei otettu armieh suuren perehen periä. Perehes oli kaheksa hengie. Sen sijas händy otettih Murmanskan raududorogan nostandah.


Ligakuun vallankumovuksen jälles pruavodied’oi miärättih Pyhäniemen kylänevvoston enzimäzekse paginanvedäjäkse kerran oli bol’ševiekkoin puoles. Järgieh monet bol’ševiekkoin puoles olijat kyläläzet puututtih Mändysellän partieh. Kanzallizen voinan algavuhuu pruavodied’oi luadi paikallizen partizuanuotr’uadan, kudaman vahnimakse iče tuligi. Myöhembi se otr’uadu rubei kuulumah 1919 vuvvel avattuh Povenčan partizuanuotr’uadah, kudaman piälikönny oli Käppisellän stansien ruadai M.G. Romanov da komissuarannu oli kyläläine opastai V.T. Gurjev. Otruadu ruadoi enimytteh interventoin tagavos Koikari-Pyhäniemi-Mändyselgy-Muaselgy-Käppiselgy-Kondupohju-Tivdii-Suununsuu – paikkoin lähil. Voinan jälles pruavodied’oi vallittih Mändysellän voulostin paginanvedäjäkse. Ruadovelgua myöte häi vastavui senaijallizien suurien partien- da valduherroinke, ruadoi kodvazen aigua KarCIKan transportuozastos. Omah kyläh tulduu häi oli Krasnaja Karelija -kolhouzan työnyttäjien riävys, yhtyi Ruskieloin Partizuanoin konferensieloih, 1930 vuvvel piettyh kolhouzuruadajien kerähmöh. Jällečel jo penziel olles pruavodied’oi otti ozua kolhouzan, kylänevvoston da kooperatiivan (myöhembäite – kylälaukku) ruadoh. Ižänmuallizen voinan allus hyö yhtes pruavobuabanke lähtiettih evakkoh Kiirovan alovehele.
Buaboi kuoli vuvvel 1942 jygiedy voinan aigua, a pruavodied’oi lähti tuonilmazih vuvvel 1945 Karhumäin lespromhouzas, kus ruadoi muasterinnu. Heijän poijat da Polinatytär oldih voinal. Vahnin P’otrpoigu sluuži aviacies, tehniekänny aerodromal, poigu Andrei sluuži Karjalan kannaksel 115: n erillizen divizionan batarein artilleristannu. Oli ruanittu, puutui plenah da voinan jälles tuli järilleh kodoimuale.



Nikolai sluuži Leningruadan frontal politruadajannu. Polina sluuži Ilmupuolustuksen dieluo. Tyttäret Akulina, Jelizaveta da Marina oldih evakos Kiirovan alovehel yhtes tuattahke, a Valentina lapsiehke meni evakkoh voinan ihan algučuassuloil tagavole. Sanakse, kai kaheksa lastu jiädih hengih da tuldih järilleh Karjalah paiči Valentina-tytärdy. (Häi meni miehele vojennoile da jälles voinua eli Ur’upinskas).


Juuri voinua vaste kai heijän lapset suadih hyvän opastuksen, nelli heis roittihes opastajikse, a poigu Nikolai Aleksandrovič Grinin ruadoi Punalippu-žurnualas, oli kiändäjänny. Kai tyttäret nerokkahasti ommeltih da nieglottih, poijat kirmiesti piettih kodiruadoloi.
Aiguhizikse tulduu hyö kaikin hyvin oldih keskenäh,| ajeltih toine toizelluo gostih. Nämmä erinomazet tiijot ollah tallel Grininan Nikolai Aleksandrovičan omaeloskerran hyvytty.

A vot midä minä tiijän pruavodied’oih nähte omien t’outien suuspäi. Pruavodied’oi oli kovasydämelline. Nivouse ei suvainnuh kielastustu da varrastustu. Susiedoilpäi varrastetun nagrehen periä häi muga kuritti omii bunukkoi, ku heil enämbiä nikonzu himuo ei olluh vierahale pellole mennä. Se dielo oli enne voinua.
Opasti ei vai omii bunukkoi, ga susiedoingi. Sanotah, buito vuvvel 1924 lähtetteli häi Leninua muah panemah, ga puutuigo Piiterih – niken ei tiijä. Žiäli on, ku Aleksandr Konstantinovičan da Jelena Vasiljevnan fotokuvii ei jiännyh pereharhiivas...
Ei muga ammui kohendetul Käppisellän stansien azetuskohtan taloin seinäl oli azetettu mustolaudu, kudamal nävyttih sanat: "Täs stansiel vuvvel 1919 sulakuul oli pandu alguh partizuanuotr’uadu, kudai täytty vägie borčuičči interventoinke da belogvardeitsoinke". Hyvä on, ku tämä mustolaudu jäi täh kohtah kohendusruadoloin jälles. Ga piädielo on se, ku perehes pietäh tallel perehhistouriedu.

Позднякова Ольга

Жил в Святнаволоке Красный царь

русский
Его имя Александр Константинович Гринин. А почему его звали Красный царь, никто и вспомнить не может. Я родилась уже после его смерти про его прозвище мне рассказали мои тетки.
Моя бабушка Гринина Елизавета Александровна родилась в той самой семье русского царя , семье крестьянина – бедняка Гринина Александра Константиновича и его жены Елены Васильевны. Кроме нее в семье прадеда было еще 7 детей – три сына и 4 дочери.
В период гражданской войны ее отец, мой прадед, был командиром красного партизанского отряда. После нее – председателем Мяндусельского волисполкома КА ССР, а затем занимал различные должности в госучреждениях Петровского района той же республики.
В молодости прадедушка вынужден был уходить на заработки. В последнее время перед женитьбой он работал на Соловецком железоделательном заводе, что в районе с. Паданы. Там же он познакомился со своей будущей спутницей жизни – Еленой Васильевной Луккаревой, уроженкой д. Кузнаволок. В первую мировую войну 1914-1918 гг. прадедушка не был взят в армию по
причине многосемейности (в семье было 8 человек), а вместо этого был мобилизован на строительство Мурманской железной дороги.
После того, как произошла Октябрьская революция, он ,как сочувствующий большевикам, был избран первым председателем Святнаволоцкого с/совета. Вскоре несколько сочувствующих большевикам односельчан вошли в состав Мяндусельгской партийной ячейки. С началом Гражданской войны в Карелии он организовал местный партизанский отряд, который возглавил, и который впоследствии вошел в состав Повенецкого партизанского отряда, созданного весной 1919 г. этим отрядом командовал рабочий станции Кяппесельга Романов М.Г., а комиссаром был сельский учитель Гурьев В.Т. Отряд действовал в основном в тылу интервентов в районе ограниченном д.Койкары-Святнаволок-Юстозеро-Мяндусельга-Маасельга-Кяппесельга-Кондопога-Тивдия-Уссуна.
После войны прадедушка был выдвинут и работал председателем Мяндусельгского волостного совета. По работе встречался с видными партийными и государственными деятелями того времени, работал
некоторое время в транспортном отделе КарЦИКа.
Затем, вернувшись в родное село, он был одним из организаторов колхоза "Красная Карелия", участвовал на конференциях Красных Партизан, съезде колхозников 1930 г. В дальнейшем, уже будучи на пенсии, прадедушка принимал участие в работе колхоза, с/совета и кооператива (в последствии сельмага).
В начале ВОВ вместе с прабабушкой он эвакуировался в Кировскую область.

В 1942 г. умерла прабабушка, не выдержав трудностей военного времени, а прадедушка скончался в 1945 г. в Медвежьегорском леспромхозе, где работал мастером. Их сыновья и дочь Полина участвовали в войне. Старший сын Петр в авиации, техником на аэродроме, Андрей – артиллеристом батареи 115 отдельного дивизиона на Карельском перешейке. Был ранен, пленен и после войны вернулся на родину.
Николай служил политработником на Ленинградском фронте. Полина служила в ПВО.
Дочери: Акулина, Елизавета и Мария Александровны были в эвакуации вместе с отцом в Кировской области, а Валентина эвакуировалась из-под Лижмы в первые часы начала войны с детьми в тыл.
Примечательно, что все восемь детей остались живы и вернулись в Карелию, кроме дочери Валентины. (Она вышла замуж за военного и после войны жила в Урюпинске).
Перед самой войной все их дети получили хорошее образование, четверо из них стали педагогами, а сын Николай переводчиком. Все дочери великолепно шили и вязали, сыновья умело справлялись с мужской работой по дому.
Примечательно, что став взрослыми, все они тепло общались между собой. Ездили друг к другу в гости.
Эти уникальные сведения сохранились благодаря сохранившейся автобиографии Николая Александровича Гринина.
А вот что я знаю о прадеде из рассказов тетушек.
Прадед был строгий. Особенно не переносил вранья и воровства. За украденную у соседей репу так наказал внучек, что они больше никогда в жизни чужого не брали. А дело было перед самой войной.
Воспитывал не только своих внуков, но и соседских.
Существует легенда, что в 1924 году собрался на похороны В.И. Ленина, но доехал ли до Питера, никто не знает.
Жалко, что фотографии Александра Константиновича и Елены Васильевны не сохранились в семейном архиве, есть примечательное фото их дочери Полины с племянницами.
Не так давно на отремонтированной станции в Кяпесельге на стене установлена памятная доска, на которой видны строки: "На этой станции в апреле 1919 года был создан партизанский отряд , который боролся с интервентами и белогвардейцами". Хорошо, что это доска осталась после ремонтных работ. Но важнее, что в семье хранят эту историю.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков