Тексты
Вернуться к списку | редактировать | удалить | Создать новый | История изменений | Статистика | ? Помощь
Nadežda Vasiljeva. Vera Ivanova: “Miula ei ole aikua ikävöij ä!”
Nadežda Vasiljeva
Vera Ivanova: “Miula ei ole aikua ikävöij ä!”
карельский: собственно карельское наречие
Новописьменный севернокарельский
Kalevalan
eläjän Vera Ivanovan joka päivä on kirkaš , rikaš ta täyši šuurie ta pienie hommie .
Vera Ivanova šuunnittelou joka päivän minuutittain .Huomenekšešta alkuan pitäy lopettua iellisenä päivänä alotettuja kotihommie , vet niitä on melko äij än šykyšyn lopun kynnykšellä .
Šiitä pitäy ehtie volont’orikeškukšeh , auttua toverija lopettua vielä yhen maskirointiverkon luatimista .Kohta erikoisšotaoperatij on alovehella uuvveštah työnnetäh humanitarista apuo , ta verkkuo innolla vuotetah rintamalla .
Šamoin Veran on annettava apukeškukšeh lämpimie šukkie šotilahie varoin : Vera on jo tikuttan kolme parie .
Illalla Verua vuotetah urheilušalissa , missä hiän viettäy tuntij a tervehyšryhmäššä .
– Mie en tiij ä , ken kekši , jotta eläkkehellä on äij än vapuata aikua . Miula šitä aina katastrofi sešti ei riitä , pahoittelou Vera .
Vera Ivanova on šyntyn ta kašvan Jyškyjärven kyläššä .Opaštuos’s’a paikallisešša koulušša ta kaččuos’s’a ruatajih , rauhašša ta šovušša eläjih vanhempih hiän opaštu tykkyämäh omua kotišeutuo ta Tuatonmuata .Tämä rakkahuš on ollun Veran kera jo monta vuotta .
Vera lopetti Petroskoin valtij onyliopiston ta šai mečänhoitajan ammatin , min jälkeh tuli ruatoh Kalevalah .Hiän uuvvisti meččie piirissä , šäilytti niitä .
Šamoin Vera Konstantinovna čukelti yhteiskunnallisen ruatoh : yheššä työtoverien kera kävi monipäiväsih retkilöih , järješti supotniekkoja , tuli nuorisoliittolaisen liikkehen johtajakši .Hiän ei šattumalta šai šuurta ta tärkietä tehtävyä – tulla Kalevalan lespromhosin nuorisoliittolaisen järještön johtoh .
Aika ta istorija miärättih omalla tavallah : kun lama-ajan tilah tuli perestroika , monet kanšalaisjärještöt , muun muašša nuorisoliitto , lopetettih oma toiminta .Järještö pantih kiini , ka jäi innokkahie ihmisie , kumpaset voitih yllyttyä toisie hyvih ruatoloih .Heijän luvušša oli niise Vera Ivanova .
Šiih aikah hiän oli jo miehellä .Pereheššä kašvettih lapšet , kumpaset vuajittih huomijuo ta hoituo .Vera Konstantinovna kučuttih ruatoh piirin hallintoh , missä hiän hoiti urheiluelämän kehittämistä ta tervehen elämäntavan eistämistä .Oli vaikieta : piirin b’utžetissa ei riittän varoja urheilun kehitykšeh .Urheilijien matat kilpailuih tuotih piänvaivua Vera Ivanovalla .Ka mitein lienöy šelvittih , löyvettih sponsorij a , lähettih kilpailuih ta šuatih tulokšie .
Vera Ivanovan aikana piirissä levittih stolatennis , jiäkiekko ta karjalaini kyykkä-kanšanpeli .Jo muutoman vuosikymmenen aikana Vera aktiivisešti eistäy kyykkyä yheššä Žanna Tikkasen , Marina Lesosen ta Lidija Petuhovan kera .Vera Konstantinovna on ušein ošallistun kilpailuih ta voittan .
Šamoin Vera Ivanova on järještän monie kävelyretkij ä , kumpasih on yllyttän Kalevalan nuorisuo ta joukkopolkupyörämatkoja piirikeškukšen muistopaikkoja myöten .
Yheššä Viktor-puolison kera Vera on kašvattan kakši tytärtä .Hyö on jo perehytty .Nyt Ivanovit vuotetah kostih nellävuotista Jegor-punukkua .Hiän tulou muamon kera kaččomah ukkuo ta ämmyö .
Viktor on hyvä tuohimuasteri , ta mieš meinuau näyttyä punukalla tuohikuvonnan helpoimpie keinoja .Aika mänöy tosi ruttoh , ei šua tuhlata šitä : pitäy yllyttyä poikua luovah työh .
Još šiä antau , Vera kuččuu punukan kyykkä-harjotukših : kaččokkah , mi tämä on , vet pitäy jatkua perinnehtä .
Näin päiväštä päiväh juokšou aika .Vera Ivanovalla še on kirkaš , rikaš ta täyši šuurie ta pienie hommie .
– Olen eläkkehellä ! Miula ei ole aikua ikävöij ä !Miula on vielä niin äij än šuunnitelmie , nakrau naini .
Vera Ivanova: “Miula ei ole aikua ikävöij ä!”
карельский: собственно карельское наречие
Новописьменный севернокарельский