Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. Keräine-kerhoh vuotetah rahvastu
Nadežda Mičurova
Keräine-kerhoh vuotetah rahvastu
карельский: ливвиковское наречие
Новописьменный ливвиковский
Priäžän
Lastunimizes ruadopajan tilois jo tostu vuottu ruadau Keräine-kerho .
Penzielolij oil meijän aijal ei pie äijäl duumaija , midä ruadua pitkil päivil da ehtil .Tänäpäi joga linnas da suures kyläs on moine kohtu , kunne ruavahat rahvas voij ah tulla viettämäh joudavua aigua .Muga Priäžän Lastu-nimizes ruadopajan tilois jo tostu vuottu ruadau Keräine-kerho .Sinne priäžäläzet penzielolij at naizet kävväh opastumah käziruadoloih .Heidy nevvou da opastau Lidij a Jakovleva .Lidija Aleksandrovna läs kolmiekymmendy vuottu ruadoi Priäžän lapsien taidoškolas .Häi maltau äij än da on valmis opastamah toiziigi .
— Nygöi suvaičen azuo vuattubobazii , a oli aigu , konzu minuu kiinnosti karjalaine mualavus . Minun mieles kaikis tärgevin on se , gu myö pagizemmo toine toizenke .Toiči naizet tullah väzyksis libo pahas mieles , minä heile midätahto sanelen , ozutan , midä voibi ruadua , autan .Minä opastan heidy , hyö opastetah minuu .Parembi on ruadua midätahto omil käzil , migu istuo kois , sanou Lidija Jakovleva .
OPASTUO VOIBI , OLIS VAI HIMO
Keräine-kerhos naizet ruatah sidä , mi heidy miellyttäy .Tiä voibi ommella , kuduo , niegluo , piirustua , luadie ributyttilöi da bobazii vuatas , azuo aplikatsiedu kangahal .Hos kerhon naizet ollahgi eri ammattii , jogahizel heis on oma käziruadonero , mih hyö voij ah opastua toiziigi .Enne Keräine-kerhon naizet kerävyttih Priäžän Jumaldoman Pokrovan kirikön pieneh pertizeh .Lastu-ruadopajas tilua heile on enämbi , seizotah kangaspuut , vaigu pidäy löydiä kudoju , on kaksi ombelusmašinua .Ommella mašinal ylen äij äl suvaiččou kerhoh kävyi Galina Koršakova .
— Minä näin ilmoituksen , gu kučutah luadimah vuattubobazii da muga tulin kerhoh . Minä luajin pyöräkön da lumiukon vuatas , a sit sanoin , gu rubien ombelemah .Minun muamo oli ombelijannu , sendäh ombelen lapsusaij as .Meil ainos oli kangaspalastu i minä tyttilöile ombelin sobua .Sit sizär rodih , hänele ombelin , a sit rubein omah iččeh niškoi ombelemah .Ga enämbän kaikkie minuu miellyttäy ombelendu tilkulois .Kai rivut , pikkarazetgi päitäh minule ruadoh .Nimidä en lykkiä , sanou Galina Koršakova .
Galinan tilkuombeluksii jo suadih nähtä Priäžän da Petroskoin eläjät .Kaksi hänen ozutteluu oli Priäžäs da yksi Käziruadoloin talois Petroskoil .
VUVVEN KUUZAHAZEN ČOMENDUKSEKSE
Keräine-kerhoh tulduu Tatjana Des’atova kerras mieldyi vuattubobazien azundah .Enne sidä häi kohendi murennuzii uvven vuvven bobazii , andoi niilöile uvven eloksen .
— Minä keräin Nevvostoliiton aigazii uvven vuvven bobazii , ostin kai murennuzii da hallennuzii da opin niilöi kohendua kui maltoin . Kois minul on pieni bobazien keräilemy vie minun lapsusaij as .Nämmä bobazet vie mustetah maman lämmii käziii .Kerhoh myö kävymmö opastumah toine toizes .Ruadajes pagizemmo keskenäh , midägi šuutimmo , jällespäi juommo čuajuu , kodih lähtemmö jongoi hyväs mieles .Kerhon opastai Lidij a Aleksandrovna on ylen hyvä da herkysydämelline ristikanzu .Hänettäh ei olis tädä kerhuo , sanou Tatjana Des’atova .
Nygöi Keräine-kerhoh alalleh kävyy viizi hengie .Naizet kerävytäh kerran nedälis .Kerhon vedäi Lidija Jakovleva potakoiččou rahvastu tulemah heijän sovukkahah joukkoh opastamah da opastumah kaziruadoloih .Kerhoh kävyndy on ilmaine .
Keräine-kerhoh vuotetah rahvastu
карельский: ливвиковское наречие
Новописьменный ливвиковский