Тексты
Вернуться к списку | редактировать | удалить | Создать новый | История изменений | Статистика | ? Помощь
Karjal, vepsä da suomi ei kiinitetä nuorien mieldy
Karjal, vepsä da suomi ei kiinitetä nuorien mieldy
карельский: ливвиковское наречие
Новописьменный ливвиковский
Karjalazien
, vepsäläzien da suomelazien probliemat oldih paginal Karjalan piämiehen tyves toimijan karjalazien , vepsäläzien da suomelazien edustajien nevvoston istundos .
Syvyskuun jälgimäzenny piän piettih Karjalan piämiehen tyves toimijan karjalazien , vepsäläzien da suomelazien edustajien nevvoston istundo , kuduan pidi Roman Golubev , syväinpoliitiekas vastai Karjalan varapiämies .
Paginal oldih Karjalan da toizien suomelas-ugrilazien alovehien yhtehine ruado , karjalan , vepsän da suomen kielien opastus Petroskoin valdivonyliopistos da Karjalazien X kerähmön vallittuloin nevvoston vuvven piduhine ruado .
Kanzallizen da alovehellizen poliitiekan varaministru Aleksandra Jeršova tämän vuvven tärgevimien pidoloin joukos mainičči Marin tazavallas syvyskuul pietyt kogo Ven´an III suomelas-ugrilazien fouruman da VIII suomelas-ugrilazien kanzoin assotsiatsien kerähmön .Jeršovan kehoittuloin pidoloin joukos oldih sežo Tverin alovehel piettävy Kalitka-festivuali , Karjalas piettävät nuorižopido EtnoPRO da sanelut karjalan da vepsän kielel .
— Tänäpäi baltiekkumeren-suomelazen filolougien laitoksel opastuu bakalavran porogrammal 66 hengie , 3 hengie opastuu magistrakse da 2 nuordu jatketah opastustu aspirantuuras , sanoi istundos Petroskoin yliopiston filolougien instituutan piälikkö Oksana Abramova .
Abramova paheksi , ku jälgimäzet nelli vuottu meijän kielii ei tulluh opastumah ni yksi miärävyksel työtty opastui .Muitegi meijän kielien opastus ei innosta nuorii : karjalan (vepsän ), suomen kielien liiniel kolme b’udžiettupaikkua jäi tyhjäkse tänä vuon .Jälgimäzen seiččemen vuvven aigah b’udžiettupaikoin lugu pieneni 30 %.
— Laitoksele pyrgivytäh opastumah meijän kielii maltamattomat Ven’an toizis subjektois tulluot nuoret , kudamii ihastutetah meijän "ekzouttizet " kielet , ga opastundan loppiettu hyö mennäh ruadoh toizih kohtis , meijän kielet sinne heile ei pätä , sanoi Oma Mediale Zinaida Strogalščikova .
Vuvven piduhizes karjalazien kerähmön vallittuloin nevvoston ruavos saneli nevvoston piälikkö Inga Gurilova .Mennytvuodehizes kerähmös täh ruadoh oli vallittu 38 hengie , kudamis kymmene edustetah Petroskoin linnua , dostalit ruatah piirilöis .On vallittu prezidium , kuduah kuuluu 11 hengie .
— Kerähmön jälles oli pietty kymmene prezidiuman istunduo , kudamil paginal oli enämbi 20 kyzymysty . Niilöin luvus Oma Mua-lehten tilavus , Hengen vägi muaman kieles -marafounu da toizet .
Istundos palkittih vepsäläzii aktivistoi .Tutkii Zinaida Strogalščikova on suannuh Suomelas-ugrilazien kirjuttajien kunnivomerkin "Panokses suomelas-ugrilazen literatuuran kehittämizeh ".Kodima-lehten piätoimittai Irina Sotnikova on suannuh Za vernost’ Severu -medalin .
Karjal, vepsä da suomi ei kiinitetä nuorien mieldy
карельский: ливвиковское наречие
Новописьменный ливвиковский