Тексты
Вернуться к списку | редактировать | удалить | Создать новый | История изменений | Статистика | ? Помощь
Karjalazien VIII kerähmön rezol’utsii
Karjalazien VIII kerähmön rezol’utsii
карельский: ливвиковское наречие
Новописьменный ливвиковский
Karjalan
tazavallan Karjalazien VII kerähmön vallittuloin nevvoston ruadotuloksien paginan da tuliekse aijakse kehoituksien kuultuu da šeikuittuu Kerähmö arvostau Karjalazien VII kerähmön vallittuloin nevvoston ruavon vältäväzekse .
Kerähmö kannattau Ven’an Federatsien Konstitutsiedu , Karjalan tazavallan Konstitutsiedu , OON :an Deklaratsiedu kandurahvahis , toizii kanzoinvälizii aktoi ristikanzoin oigevuskien alal , kudamii kannattau Ven’an Federatsii da kuduat tagustetah ololoi ristikanzan putillizeh elaigah da välläh kehitykseh da kuduat annetah oigevuon oman kielen käyttämizeh , paginan , kazvatuksen , opastuksen da taidoalan kielen valličendah .
Kerähmö tovendau Karjalan tazavallan Karjalazien I kerähmön ilmoitustu , ku Karjalan tazavaldu pyzyväh on olemas Ven’an Federatsien sydämes .
Kerähmö kannattau Karjalan tazavallan 100-vuozipäiväkse valmistamizen pidoloi da potakoiččou Halličustu da Zakonoinhyväksyndykerähmyö pidiä silmäl Karjalazien kerähmön kehoituksii , kuduat ollah pandu täh rezol’utsieh .
Kerähmö uvvessah lujah vihjuau , ku pidäy ruttoh andua karjalan kielele valdivollizen kielen stuatussu Karjalan tazavallas .
Karjalan kielen 2013 vuvven pietyn hyövyllizen kogemuksen perustehel Kerähmö kehoittau ilmoittua vuozi 2020 Karjalan kielen da kul’tuuran vuvvekse Karjalan tazavallas .
Kerähmö kannattau yhtehisty ruaduo muailman suomelasugrilazien rahvahien kel .
Kerähmö ottau hyväkse OON :an Pyzyvän Kehityksen piätarkoituksii .
Kerähmö kannattau Suomelas-ugrilazien rahvahien Muailman VII Kongressua "Suomelas-ugrilazet rahvas – pyzyväh kehitykseh ", kudai pietäh 15.-17. kezäkuudu 2016 Lahten linnas (Suomi ).
Kerähmö arvostau karjalazien yhteiskunnallizien liittoloin roulii , kuduat ruatah karjalan rahvahan hyväkse da karjalazien etnosannu säilyttämizekse da kehittämizekse .
Kerähmö pahakse mielekse vihjuau vaigiedu sotsio-ekonoumistu tilua karjalazien perindöllizis eländykohtis da kehoittau erikseh kiinnittiä huomivuo karjalazen kylän elavuttamizeh .
Karjalan tazavallan Karjalazien VIII kerähmö kyzyy :
Ven’an Federatsien Prezidentua , Ven’an Federatsien halličustu da Federuallistu kerähmyö :
Ratifitsiiruija Jevroupan hartii alovehellizis da vähembistölöin kielis .Luadie ližä kyzelylistu kandurahvahih niškoi kogo Ven’an lugemizeh aigah , ku suaja tarkoi tiedoloi nenis rahvahis .
Karjalan tazavallan piämiesty da Karjalan Zakonoinhyväksyndykerähmyö :
Luadie ielleh mainittuloin zakonoin projektat : "Karjalan tazavallan kanzallizih munitsipualupiirilöih nähte " da "Karjalan tazavallan Konstitutsien 11. stat’t’an muuttamizeh nähte , ku andua karjalan kielele " valdivolline stuatussu Karjalan tazavallas .
Panna alguh federuallizen zakonan projektu , kuduan mugah luajitah muutostu federuallizeh zakonah n :o 1807-1 (25. ligakuudu 1991) "Ven’an Federatsien kanzoih nähte " (6. pygäl 3. stat’t’u ), ku karjalan kieli Karjalan tazavallas valdivollizennu kielenny olles vois käyttiä latinalastu kirjupohjua , da suattua se zakonan projektu Ven’an Federatsien Federuallizen kerähmön Valdivon Duumah .
Karjalan etnosan säilyttämizen da kehittämizen hyväkse kerätä niilöin Karjalan tazavallan kylien luvettelo , kus karjalastu eläy enimite .
Kehittiä Karjalan tazavallan päivien pidämisty Tverin Karjalas vuvvennu 2017, se rodies karjalazien Tverin mualoile muuttamizen 450-vuozipäiväle omistettu suurin pido .Kiändyö tämän kehoituksen kel Tverin alovehen gubernuattoran da Zakonoinhyväksyndykerähmön puoleh .
Luadie Periodika-julguamon pohjale Itämerensuomelazien rahvahien kieliresursukeskus karjalan , vepsän da suomen kielien livuttamizekse da leviembäkse käyttämizekse .
Karjalan tazavallan etnokul’tuurizen opastuksen konseptsiedu luadijes vagavah kiinnittiä mieldy kaksikielizen opastuksen hyödyh da mahtoloih päivykodiloin kazvattiloi da algukluasoin opastujii opastajes , ku se on piälimäine fakrotu kielen perimizes da karjalan kielen praktizes käyttämizes .
Löydiä Karjalan tazavallas mahto suurendua finansumenot kanzalazien ennešklolahizeh , alguškolan da keskiškolan opastundah jogahizeh karjalan kieldy opastujah nähte .Ližäkse jagua net kluasat , kudamis opastetah karjalan kieldy muga , ku niilöis olis 8-10 hengie , se korrondas kielenmaltuo da suurendas niilöin lapsien joukkuo , kuduat opastutah karjalan kieldy . Hyväksyö hyövyllizet keinot Karjalan tazavallan kul’tuuruifrastruktuuran elavuttamizekse , kehittämizekse da uvvistamizekse .
Endizelleh maksua lizävöidy palkah niilöile kul’tuurualan ruadajile , kuduat käytetäh omas ruavos karjalan , vepsän da suomen kieldy .
Kehoittua käyttiä Petroskoin Suomelas-ugrilastu Elias Lönnrotan nimisty keskiškolua tazavallan keskuksennu etnokul’tuurizen opastundan sistieman lujoittamizekse da kehittämizekse , kuduas erähii opastusainehii opastettas karjalan , vepsän da suomen kielel da jällespäi juuroitettas sidä kogemustu tazavallan toizih opastundulaitoksih (školih ).
Vihjata karjalan kielen tilan heikkovuttu korgies opastukses da ottavuo ruadoh sen hyväkse , ku olis luajittu magistratuuru ielleh mainittuloih ammattiloih - "karjalan kieli da literatuuru " da "kanzallizien kielien tiedäi lapsienkazvattai da algukluasoin opastai " da luadie karjalan kielen ammattivälizen opastundan programmu korgielois školis .
Pietellä karjalan kielen , etnokul’tuurizien opastusainehien opastundan suuruttu endizel tazol da suurendua sidä Karjalan tazavallan opastuslaitoksis .Säilyttiä pienet školat karjalazien perindöllizis eländykohtis . Allekirjuttua monipuolizet sobimukset Karjalan tazavallan halličuksen , moizien tevolližuslaitoksien kel , kuduat ruatah karjalazien eländykohtis , da karjalazien yhteiskunnallizien liittoloin kel , ku suas sellittiä ekolougizii probliemoi , kannattua rahvahan pyzyviä kehitysty , säilyttiä da kehittiä perindöllizii da toizii talovusruadoloi .Andua valdua avata uvvet tevolližuslaitokset Karjalan tazavallas vaigu silloi , konzu on olemas tiedomiehien annettu ekolougine ekspertiizu .
Kannattua karjalan rahvahan ebä-ainehellizen kul’tuuruperindön – rahvahallizien pruazniekoin , tavoin da perindölöin , ruadoneroloin , tiedoloin , tansiloin , muuzikan , kižoin – säilyttämisty , luguh ottajen net alovehet , kudamien sydämes on roinnuhes suusanallizen da ebä-ainehellizen rahvaskunnan nerotego – karjalas-suomelaine Kalevala-eepossu .Kehoittua karjalas-suomelaine Kalevala-eepossu rahvaskunnan ebä-ainehellizen kul’tuuriperindön luvetteloh .
Kiändyö Ven’an Federatsien Muatalovusministerstvah , ku luajittas muutostu Kalastamizen siändölöih Pohjazeh da Päivänlaskupuolizeh kalatalovuon basseinoih nähte , kudamien mugah mual pyzyvästi eläjät voidas kalastua verkoloil .
Kannattua GTRK "Karelian " karjalan -, vepsän - da suomenkielizien TV - da raadivoprogrammoin säilyttämisty da kehittämisty Karjalan tazavallan kogo alovehel .
Karjalan tazavallan munitsipualupiirilöi :
Karjalan tazavallan Etnokul’tuurizen opastundan kehityskonseptsien mugah luadie karjalan kielen da kul’tuuran opastus keskustamattomakse .
Kaikelleh auttua da kannattua etnokul’tuurizii keskuksii Karjalan tazavallan piirilöis .
Karjalazien VIII kerähmön vallittuloin nevvostuo :
Vallita karjalazien keskes deleguattoi kanzoinvälizih da alovehienvälizih fourumoih .
Karjalan tazavallan yhteiskunnallizien liittoloinke sovittuu vallita karjalazien edustajii Karjalan tazavallan piämiehen tyves toimijah Karjalazien , vepsäläzien da suomelazien edustajien nevvostoh .
Alalleh sanella tazavallan eläjile Karjalan tazavallan Karjalazien VIII kerärmöh vallittuloin nevvoston ruavos .
Kerätä yhteh huomavukset da kehoitukset , kudamii sanottih Kerähmön deleguatat da suures pivos olluot , da ottavuo ruadoh niilöin todevuttamizekse .
Karjalan tazavallan Karjalazien VIII kerähmö kehoittau karjalan rahvastu :
1. Propagandiiruija da opastuo karjalan kieldy , käyttiä sidä jogapäiväzes da yhteiskunnallizes elaijas , aktiivizesti kannattua karjalankielizii joukkoviestimii da tilata lehtii ičele .
2. Käyttiä valličusoigevuttu tulielois valličuksis Ven’an Federatsien Valdivon Duumah , Karjalan tazavallan Zakonoinhyväksyndykerähmöh da toizieh valdivoelimih .
3. Tulien kogo Ven’an rahvahan lugemizen iel aktiivizesti potakoija karjalazii kirjuttuakseh karjalazikse , oigieh merkitä oma kanzalližus da muamankieli .
Kyzyö Ven’an Federatsien Federuallizen kerähmön Valdivon Duuman deputuattua Valentina Pivnenkuo suattua Karjalan tazavallan Karjalazien VIII kerähmön rezol’utsii Valdivokomiissieh , kudai valmistau Karjalan tazavallan 100-vuozipäiviä .
Kerähmö hyväksyy Karjalan tazavallan VIII kerähmön vallittuloin nevvoston reforman , sen struktuurah Nevvoston Prezidiuman luajindan da nevvoston piälikön kahten sijahizen valličendan , ku nevvosto ruadas rutombah da effektiivizesti .
Kerähmö kiittäy Karjalan tazavallan piämiesty da Karjalan tazavallan halličustu , Suojärven piirii , Veškelyksen kyliä , toizii piirilöi , Karjalan Rahvahan Liittuo , karjalazien yhteiskunnallizii yhtymyksii da joukkoviestimii avus kerähmön valmistamizes da piendäs .Pidiä vuoronmugaine Karjalan tazavallan Karjalazien IX kerähmö Kostamuksen linnas vuvvennu 2020.
Karjalan tazavallan Suojärven piirin Veškelyksen kylä ., 5. kevätkuudu 2016.
Karjalazien VIII kerähmön rezol’utsii
карельский: ливвиковское наречие
Новописьменный ливвиковский
1.
Резолюция VIII Съезда карелов Республики
русский
"
1.
1.
-