Тексты
Вернуться к списку | редактировать | удалить | Создать новый | Статистика | ? Помощь
Nadežda Vasiljeva. Tulovaisuš on nuorien käsissä
Nadežda Vasiljeva
Tulovaisuš on nuorien käsissä
карельский: собственно карельское наречие
Новописьменный севернокарельский
Šajekuun viimesinä
päivinä Kalevalan koulun tiloissa vietettih šuuri Nuorisopolitiikan päivät Karjalan tašavallan kunnissa -forumi .Šitä ennein tilaisuš mäni Šuojärveššä , Lahenpohjašša , Sortavalašša ta Kemissä .
Forumin ohjelma yhisti muutoman projektin , kuin "Ok , Karjala ", "Karjalan voima ", "Nuorisoyhteisöjen intellektualini festivali ".
Šiih mukavah ta luajah tilaisuoh ošallistu noin 50 nuorta ihmistä .Forumi keräsi piirin koulujen opaštajie , kirjaštojen ta kulttuuritalojen ruatajie , etnokulttuurikeškukšen spesialistija , aktiivisie ta miärätietosie nuorie koko Kalevalan piiristä šekä Enšimmäisien liikkehen etuštajie ta volont’orija Jyškyjärven kyläštä , Kepa - ta Borovoi -pos’olkoista .
Forumih keräyty tyttöjä ta nuorukkaisie , ket huoleššutah oman muan tulovaisuošta ta tajutah , jotta tämä rauhallini , kaunis ta progressiivini tulovaisuš jo huomena on heijän käsissäh .Nykyaikani nuoriso vaštuau šiitä .Juuri tätä ajatušta moničči koroššettih forumin aikana .
Temaattisien ošaštojen ruato mäni eläväšti ta mielenkiintosešti .Nuoret ehotettih , tovissettih , juteltih kotimuan tulovaisuošta .
Hyö enemmän šuatih tietyä Nuoriso ta lapšet -kanšallisprojektin Aloveh nuorie varoin -ohjelmašta ta tutuššuttih tänä vuotena toteutettuih projektiloih .
Šamoin forumin ošallistujat opaššuttih valmistamah ta kirjuttamah granttiprojektija , kumpaset yhä luajemmin levitäh nykyelämäh .Še ruato oli hyövyllini ta tiijollini .
Forumin aikana Enšimmäisien liikkehen jäšenet ta koululaiset-volont’orit käytih Kalevalatalo-etnokulttuurikeškukšešša .Šiinä hyö šuatih äijän uušie tietoja Kalevalan muan istorijašta šekä käytih koulun huonehešša , missä šuatih tuntie iččie neuvoštoajan opaštujiksi .
Forumin monien ošallistujien mieleštä mainijošti mäni tietokilpailu , kumpani vietettih Nuorisoyhteisöjen intellektualisen festivalin rajoissa .Mielenkiintoset kyšymykšet yhteiskunnan elämän ta istorijan eri puolista vuajittih tarkkoja ta oikeita kyšymykšie .Tietokilpailun voittajakši tuli joukko Borovoi-pos’olkašta .Täššä kuukauvešša borovoilaiset tytöt näytetäh omie tietoja tašavallan tašolla Petroskoissa .
Nuorisopolitiikan päivät Karjalan tašavallan kunnissa -forumih ošallistu Aleksandra Kartunen .Hiän tuanoin lopetti Petroskoin valtijonyliopiston .Tyttö kiitettäväšti lopetti biologijan , ekologijan ta agroteknologijan tietokunnan ta myöšty Kalevalah .Nyt hiän ruatau koulušša , opaštau biologijua .Aleksandran mieleštä männyt forumi tuli lähtötilakši monien idejojen toteuttamista varoin .
– Nyt pitäy šyventyö yhteh niistä . Myö opaštujien kera rupiemma smiettimäh šiitä .Männyt forumi hyvin motivoičči meitä ruatoh , kumpani tulou tiukakši , ka šamah aikah tosi mukavakši , korošti Aleksandra .
Tulovaisuš on nuorien käsissä
карельский: собственно карельское наречие
Новописьменный севернокарельский