ВепКар :: Тексты

Тексты

Вернуться к списку | редактировать | удалить | Создать новый | Статистика | ? Помощь

Alina Gapejeva. Karjalaine Kinnermän kylä

подкорпус: диалектные тексты

Источник:
Oma mua. № 30, 2023, с. 6

Alina Gapejeva

Karjalaine Kinnermän kylä

карельский: ливвиковское наречие
Новописьменный ливвиковский
Ainavoluaduzes Kinnermän kyläs pieni kyläläzien joukko oppiu säilyttiä kylän omaperästy kul’tuurua, kaunistu luonduo da kylälästy eloksentabua.

KYLÄN YDIN
Kuulužan karjalazen kylän eläjät hyväs sovus ruatah subbotniekoil, pietäh kylän pruazniekkoi, juatah toine toizele pyvvettylöi kaloi da ogrodan sualehii. Kinnermy ei ole vaiku kaunehin kylä, ga sovukkahingi. Mulloi kezäl kaikel kyläl piettih kinnermägiläzen Ivan Jeršovan 90-vuozipäivän. Pruazniekkustolan kerättih yhtes pihale. Vuozipäivyniekku da gost’at kuunneltih Priäžäspäi tulluon horan pajoloi. Artistat muga sydämellizesti pajatettih, Ivan Aleksejevič kai uskoi tyttären šuutkah, ku pajattajii iče Malahov on työndänyh Moskovaspäi. Kusbo vie mostu näet da kuulet?
Van’a-diädö on kaikkien kunnivoittavannu. Paikallizet eläjät sanotah händy "meijän ydin". Niyksi ruado ei mene hänettäh. Ivan Jeršov on hyvä kirvesmies – kaiken ijän ruadoi kirvehenke. Äijät taloit, kudamat on nostettu Vieljärven čupul, ollah sit materjualas, kudai on mennyh, kui iče mies sanou, hänen polvilois läbi. Nygöi muasteril käit ei olla moizet hyvät, ga hyvän nevvon häi on ainos valmis andamah. Mieleh juohtui mulloine vastavus, konzu Kinnermäle tuldih muasterit Petroskoispäi restauriiruimah Smolenskoin Jumaldoman časounan pordahii. Kyzyttih: "Oldihgo vorotat časounan pihah tulduu?" "Oldih, kaksipuolizet vorotat oldih. Aiduveriäs vie lukku ripui," mustoitti Ivan Aleksejevič.
Kui menöy restauriiruičendu, nerokas kirvesmies on hätkin kaččonuh oman koin ikkunaspäi, vahnu kirikköhäi on miehen koin vastalpäi. Ruadoloin loppiet tuu Ivan Aleksejevič sanoi, ku kai on ruattu luavulleh. A kylän kaivon nostamizeh häi on iče tulluh.
Salvoksen luajindu joga kirvesmieheh niškoi ei ole jygei ruado, ga silmykaivon säilytändäh vie pidäy neruo.
– Venčoi pidäy panna nenga, ku vezisuoni ei typpävys, azientiedäjen sellitti Ivan Aleksejevič.
Brihastandan aigah mies oli parahii ženihöi. Kaunis muhahtus, tuuhiet tukat, soitto käis. Neidizet mielyttih kylän parahah brihah.
Niyksi kylän pruazniekku ei mennyh hänen soitandattah: "Kadrieli", "Juablokkaine", "Krakov’ak".
– L’us’a, tuo vai soitto! endizii aigoi mustelles kiändyi tyttären puoleh ij äkäs mies. Hos sormet nygöi ei kuunelta händy, ga hyvin mustetah joga koskittimen.
Ivan Aleksejevič suvaičči soittua omale Anni-mučoile karjalazii meloudieloi. Sit talois, kudamas eläy mies, on kazvettu hänen kaksi lastu, elettih hänen vahnembat da heij än vahnembat. Suuri päčči-muatušku on vähäzel kaldavunnuh, ga tässäh mustau vastepastetun leivän duuhun. Tämä kodi 260 vuvves nikonzu ei olluh tyhjänny da sen ižändät ei työtty gost’ua čuajuttah. Ezi-ižien perindölöin mugah karjalaine mies hyväl mielel gostitti pertih tulluzii.

Stolas istujes häi saneli äij än mielenkiinittäjiä dieluo Kinnermän histourieh nähte – vesseliä dai igäviä. Hänes tuli mittuinelienne erinomaine energii, hyvin tunduu, ku Ivan Jeršoval on luja ydin, kudau auttau da kannattau ymbäri olijoi rahvahii.
– Kinnermy rubieu ainos elämäh, sanoi lopukse mies, kudai sanotule ližäi erinomazen merkičyksen. Gostien kaimattuu Ivan Aleksejevič uvvessah azetui omale silmäilendypaikale ikkunanpieles.

AMIERIKKALAZET
Kaksi vuottu tagaperin kinnermägiläzien lugu kazvoi viideh kerdah, eläjiä kyläs rodih 15. Karjalazeh kyläh on tuldu elämäh "amierikkalazet". Pritupoin molodoit kazvatetah kuuzi poigua da kaksi tytärdy 2-18 vuvven ijis.
Pavel da Betsi Pritupat tuldih Karjalah Yhtysvalloispäi enämbän kymmendy vuottu tagaperin. Enzimäi elettih Petroskois, sit Vieljärvel da ei ammui ruvettih alalleh elämäh Kinnermäl. Suuren perehen ižändy Pavel Pritup on rodužin Siberispäi. Häi 1990-luvul opastui anglien kieleh da piäzi opastumah erähäh Yhtysvalloin yliopistoh kanzoinvälizien välilöin tiedokunnale, kus sai ekonomistan ammatin.
Sie valdumeren tagua häi opastuigi kirvesmiehen ruadoloih. Yliopistos opastujes Pavel tuttavui oman tulien mučoinke. Yhtysvallois eläjes häi mugai ei ni harjavunnuh vierahah muah, kudamas tunzi iččie vai gost’annu. Hänel ainos himoitti kodih – Ven’ale.
Ven’an pohjazes eländy rodih kirvesmiehen huavehekse. Pavel piätti tuvva perehen omale rannale, nuori emändy kannatti vai ukon piätöksen. Kyläläzien kodiruadoloih Betsil pidi harjavuo, häi opastui kandamah vetty kaivospäi, lämmittämäh päččii, luadimah varoi talvekse.
Sanakse, keittämäh inehmine terväh opastui, a vaigieh ven’an kieleh opastuu tässäh.

"Amierikkalazet" ollah jo harjavuttu kyläläzeh elokseh, hyö pietäh kanoi, kozii da lambahii. Pavel vie srojiu, kehittäy Karjalas käziruadomatkailuu, pidäy muasteripajoi, kudamih tulou kirvesmiesty ymbäri Ven’ua, jagau kodiloin nostandan uuzii tehnolougieloi. Omii neroloi häi siirdäy poij ilegi. Heile eläjes kai pädöy.

FESTIVUALIT DAI PRUAZNIEKAT
Kinnermägilästy Nadežda Kalmikovua tutah äijät. Häi ei yhty kerdua on sanonuh žurnalistoile, ku Kinnermäl on 527 vuottu, sit on vaiku 15 taloidu da kolmes niis on eläjiä.
Inehmine sellittäy, ku Kinnermy on ainavoluaduine sendäh, ku kylän kymmene taloidu kuulutah arhitektuuran mustomerkilöih. Joga taloil on ižändy da hänel pidäy säilyttiä tämä kul’tuuruperindö, valdivo täs ei avvuta.
Tädä toimekastu inehmisty tottu voibi sanuo kul’tuuran edehpäivedäjäkse. Hänen alguhpanos vuvvennu 2016 Kinnermän kylä puutui Ven’an kaunehimien kylien joukkoh. Silloi kyläh rubei tulemah äijy avtoubussua turistoinke kaččomah pohjastu helmie da tuttavumah karjalazeh kul’tuurah. – Meil täs konzugo kino, konzugo šou, konzugo ekskursii on, sanelou Nadežda Kalmikova. Inehmine sellittäy, ku hänel ylen äijäl himoitti, ku hänen muaman kodirandu ei hävies Ven’an kartas, sendäh tuligi häi ezi-ižien roindumuale, kus tänäpäigi tapahtuu kummua. – Toiči tulet huondeksel pordahile, a kynnyksel tukkuine gurbiččuu, yös oli kazvanuh, muheloittau kylän emändy.
Ivan Aleksejevič Jeršov rodivui vuvvennu 1932 Kinnermän kyläs da ijän kaiken eli sit. Kaheksa vuottu ruadoi kirvesmiehenny stroikantoras Vieljärvel, sit 42 vuottu piloruamal. Ruadoh kezäl ajeli pyöräl, talvel – suksil. Ivan Jeršovua ylen äijäl suvaittih rahvas, hänes ainos saneltih kyläh tulluzile gostile da turistoile. Tänävuon 24. sulakuudu Ivan Aleksejevič siirdyi tuonilmazih.

Гапеева Алина

Карельская деревня Кинерма

русский
В уникальной деревне Кинерма маленькая группа пробует сохранить самобытную культуру, красивую природу и традиционный образ жизни.

Ядро деревни
В известной карельской деревне живут в мире и согласии, ходят на субботники, отмечают деревенские праздники, делятся с друг другом рыбой и урожаем. Кинерма не только самая красивая деревня, но и но и самая дружная. Прошлым летом всей деревней отметили 90-летний юбилей Ивана Ершова. Столы накрыли на улице. Именинник и и гости слушали хор из Пряжи. Артисты так сердечно пели, что Иван Алексеевич поверил шутке дочери, что это сам Малахов отправил артистов из Москвы. Где еще такое встретишь?
Поистине, дядя Ваня пользуется всеобщим уважением. Местные его называют "наш стержень". Ни одно дело без него не обходится. Он зарекомендовал себя как отличный плотник – всю жизнь прожил с инструментами в руках. Многие дома в Ведлозерском поселении построены из материала, который прошел, как он сам говорит, через его коленки. Сейчас, конечно же, у мастера руки уже не те, но ценный совет всегда готов дать. Вспоминается недавний случай. В прошлом году приехали мастера из Петрозаводска реставрировать крыльцо часовни Смоленской Божьей Матери. Спросили: "Были ли ворота перед входом на территорию храма?" "Были. Стояли двускатные ворота. На калитке еще замок висел", - вспомнил Иван Алексеевич.
За ходом дела опытный плотник подолгу наблюдал из окна (древний храм стоит аккурат напротив его дома). По окончании реставрационных работ Иван Алексеевич заключил, что все сделано по уму. А вот к строительству деревенского колодца он сам приложил руку.
Соорудить сруб для любого плотника – дело нехитрое, а сохранить родник – искусство потребуется.
"Венцы надо ставить так, чтобы водоносную жилу не забило", - со знанием дела поделился Иван Алексеевич.
В свое время мужчина входил в число самых завидных женихов. Белозубая улыбка, копна густых волос, а в руках – гармонь. Девчонки таяли от жгучего взгляда первого парня на деревне.
Ни один деревенский праздник не проходил без его наигрышей: "Кадриль", "Яблочко", "Краковяк". Эх…
- Люся, неси гармонь! – поддавшись теплым воспоминаниям, обратился к дочери пожилой мужчина. Его пальцы сейчас непослушны, но при этом помнят каждую клавишу.

Иван Алексеевич любил играть для своей жены Анны карельские мелодии. В стенах этого дома выросли его трое детей, жили родители и прародители. Огромная матушка-печь немного сгорбилась, но все так же помнит аромат горячего хлеба. За 260 лет дом, где живет потомок Ершовых, никогда не пустовал, и хозяева не отпускали гостя, не напоив чаем. Согласно традиции предков, пожилой карел очередной раз щедро угощал гостей чаем.

За чаепитием он рассказал много интересного об истории Кинермы – радостного и не очень. От него исходила какая-то удивительная энергия. Очевидно, что Иван Алексеевич имеет внутренний стержень, который поддерживает окружающих.

"Кинерма будет жить всегда!"- подытожил пожилой карел, вкладывая в слова особый смысл. Проводив гостей, он снова занял удобный наблюдательный пост у окна.
Американцы
Два года назад число местных жителей в Кинерме увеличилось в пять раз и достигло 15 человек. Настоящий демографический взрыв в карельской глубинке связан именно с появлением "американцев". Чета Притупов воспитывает шестерых сыновей и двух дочерей в возрасте от 2 до 18 лет.
Супруги Павел и Бетси приехали в Карелию из США больше десяти лет назад. Сначала жили в Петрозаводске, потом в Ведлозере и лишь недавно поселились на постоянной основе в Кинерме.
Сам глава большого семейства Павел Притуп родом из Сибири. В 90-е годы ХХ века он выучил английский язык и поступил в один из университетов Америки на факультет международных отношений, где получил экономическое образование.
Там же, за океаном, освоил плотницкое дело. В стенах учебного заведения он встретил будущую жену. За несколько лет пребывания в Америке Павел так и не успел привыкнуть к другой стране: на чужбине он чувствовал себя как в гостях, его постоянно тянуло домой – в Россию.
Жить на Русском Севере стало мечтой плотника. Павел решил перевезти семью "на свой берег", а молодая жена поддержала решение мужа.
Ведение домашнего хозяйства в деревенских условиях Бетси далось нелегко – она училась носить воду из колодца, топить печь, делать запасы на зиму. Кстати сказать, азы домоводства она освоила быстро, а русский язык осваивает по сей день.

Сейчас "американцы" вросли корнями в деревенскую жизнь – завели кур, коз и овец. Павел занимается строительством и развитием ремесленного туризма в Карелии. Проводит мастер-классы, на которые съезжаются плотники со всей страны, делится новой технологией строительства домов. Свой многолетний опыт он передает сыновьям. Парням в жизни все пригодится.
То фестиваль, то праздник
Надежда Калмыкова – личность известная. Она не первый раз рассказывает дотошному журналисту, что Кинерме минуло 527 лет, в ней всего 15 домов, только три из них – жилые. Женщина объясняет, что уникальность Кинермы состоит в том, что 10 частных домов относятся к памятникам архитектуры. Дома все частные, и сохранять культурное наследие должны сами хозяева – государство здесь не помощник.
Эту энергичную женщину по праву можно назвать "двигатель культуры". По инициативе Надежды Калмыковой Кинерма в 2016 году вошла в ассоциацию самых красивых деревень России. С тех пор в глубинку тянутся вереницы туристических автобусов посмотреть на жемчужину Севера и окунуться в карельский колорит.
- У нас то кино, то шоу, то экскурсия, - говорит Надежда.
Женщина объясняет, что ей очень хотелось, чтобы малая родина ее мамы не исчезла с карты России. Вот и приехала горожанка возрождать край предков, где и сегодня случаются чудеса.
"Иногда утром выйдешь на крыльцо, а на пороге лежит поленница из кабачков, которая за ночь выросла",- смеется хозяйка деревни.
Иван Алексеевич Ершов родился в 1932 году в Кинерме и всю жизнь прожил здесь. Восемь лет работал плотником в стройконторе в Ведлозере, потом 42 года на пилораме. На работу летом ездил на велосипеде, зимой — на лыжах Ивана Ершова очень любят жители, про него всегда рассказывают гостям деревни и туристам. В этом году 24 апреля Ивана Алексеевича не стало.
Сайт создан сотрудниками Карельского научного центра Российской академии наук
Вы можете свободно использовать материалы нашего сайта и делиться ими, главное — указать авторство и ссылку на наш ресурс.
Подробнее о лицензии CC BY 4.0
© VepKar. Открытый корпус вепсского и карельского языков