Тексты
Вернуться к списку | редактировать | удалить | Создать новый | Статистика | ? Помощь
Alina Gapejeva. Juoksijan hevongi azettuau
Alina Gapejeva
Juoksijan hevongi azettuau
карельский: ливвиковское наречие
Новописьменный ливвиковский
Monil
meis on himoruado , kudai andau hyviä mieldy .Vieljärves eläi Natalja Belih mielihyväl pidäy lehmiä , poččiloi , koirua da kažii .
Natalja Belih pahuos pienyössäh suvaiččou žiivattoi da elättilöi .Hänen vahnembil , kuduat eletäh Vieljärves , enne oli suuri talovus .
Nataljan vahnembat piettih lehmii , häkkilöi da heboloi .Konzu vahnembat lähtiettih yökse heinargeh , Natalja jäi yksinäh kodih da hänel tuli kaččuo žiivattoi .Tyttö iče syötti da juotti žiivattoi da työndi niidy paimenduksih .Tytöl pidigi lypsiä lehmiä .Ga Nataljal ei olluh vägie nostua tävellisty lypsinrengii .
Pieni emändy lypsi lehmiä moneh palah – muga oli kebjiembi kandua rengii .
Tytöl oligi aigua telmie .Rahvas žualuittihes tytön piäle kylän piäliköle .Pihoi da peldoloi myöte Natalja ruttoh račasti heboloil .Kummua on , ga piendy tyttyö kuunneltih kai ajamattomat hevot .
– Hyvin račastin jo kolmevuodehizennu . Maltoin azettua ruttoh juoksijan hevon da saduloija sen , sanoi Natalja .
HENDOVOZES VAZAZES RODIH TERVEH LEHMY
Nataljan muamo duumaičči , ku jygien ruavon periä lapsusaigua kazvahuu tyttärel ei rodei himuo ičel pidiä žiivattoi .Ga neidine opastui žiivatanliäkärikse da lähti ruadamah sovhouzah .Kerran yksi sovhouzan lehmy sai kaksi vazua .Žiivatankazvattajien mieles , vazois , kuduat lehmy sai yhtel aigua , on vigua .
Smietittih , ku tuliel aigua net lehmät ei kanneta vazazii .Sih huolimattah Natalja pienih den’goih osti yhten niilöis vazois .Se oli pikkaraine da hendovoine .Naine pidi huoldu vazas kogo aijan .
Kolmen vuvven peräs pienen koiran suuruon vazas kazvoi lehmy , kudai painoi 540 kiluo .
Lehmy kandoi tervehen vazangi .Lehmy oli jyrkytabaine da varaitti kylän koirii .Liäväh lehmy ei piästänyh vierahii , oli puskičču .Lehmy andoi magiedu maiduo .
LIÄVÄH VUOTETAH
Nataljan talovus ainos kazvau .Huondeksel da illal Natalja Belih kiirehtäy armahien žiivatoilluo .Emändän nähtyy žiivatat ruvetah iändämäh .Počinpoigazet syvätäh počinkärzät aijan ragoloih da tarkah kačotah , midä Natalja ruadau .
Toizes aijas on kaksi poččiemäččiä da Boriska-ižäččy .Liävän čupus kuakatetah kanat , möngyy Zor’ka-lehmy .
Natalja ruttoh syöttäy žiivattoi da ližiäy heiniä lehmäle .Sit liäväs rodieu hil’l’ažus – kuuluu vaiku näčkytysty da lypsändykonehen ruandua .
JOGA RUADO KÄIS LÄHTÖY
Nataljan Aleksandr-ukko jo mondu kerdua kuhkutti akkua heittämäh talovuttu .Aleksandr sanoi la nygöi pidiä žiivattoi on jygei da kallis , ruadua pidäy lebo - da pruazniekkupäivänny .
Sen ližäkse joga vuottu žiivatoin syömizet kallistutah .Vie niittiä ainos pidäy .
Niittäjes naine kuččuu abuh kylän lapsii .Traktoral niitettyy heiniä lapset kerätäh pienih suabroih .
Avvuttajat ei kiinitetä huomivuo böbökkih , nigo syöjih , ga pietäh silmäl , ku heinäs ei olis madoloi .
Ruavon jälles Natalja kiittäy lapsii piirualoil da limonuadal .Nataljan nähtyy kerras et ni smiekni , ku naine pidäy mostu suurdu talovuttu .Häi on ylen näbei da čoma .Konzubo ehtiy kai ?IIlal , konzu pereh kerävyy stolah , emändäl on kai valmis : kodi on puhtas , stolal on magieloi syömizii .
Juoksijan hevongi azettuau
карельский: ливвиковское наречие
Новописьменный ливвиковский