Тексты

Jessoilan pastamo jo äijän vuottu tuottau magevimii pastoksii puhtahis luonnollizis ainehis. Enne leibiä pastettih vahnas päčis, kudamua lämmitettih halgoloil, tänävuon ostettih uvvet sähkökonehet. Yhtelläh pastoksien magu jäi endizekse.

PAIČI JAUHUO DA VETTY
Jo aijoi huondekses pienes zavodas ymbäri on leivän magei duuhu. Zavodu ruadau kogo yön aigua, ku huondeksel laukois joolis hiilavua leibiä, batonua da muudu pastostu. Paikallizet eläjät tundietah tädä maguu lapsusaijas.
– Magevuon retseptua peitos emmo pie, sanou Jessoilan sel’pon johtai Dmitrii Mihailov. – Myö jo kuuzikymmen vuottu pastammo leibiä yhty samua retseptua myöte. Omien pastoksien luavus vastuammo omal nimel. Leibiä pastajes emmo ližiä jauhoh maguainehii.



Jo kolmekymmen vuottu zavodal on ruadanuh Ol’ga Jakuševa. Omien käzien lämmiä häi pani monih sadoih buhankoih leibiä.
– Leivän retseptu on kebjei, sanou Ol’ga Ivanovna. – Sih niškoi, ku eri ainehis tulis magei syömine, paiči jauhuo droždieloi da vetty, leibäh pidäy panna vie oma hengi. Ei sua ruadua pahas mieles.
PÄČČI-SYÖTTÄI
Vuvves 1960 algajen leibiä pastettih päčis, kudamua lämmitettih halgoloil. Täs pitkäs aijas tuli päčis sambui vai yhten kerran, konzu päččii kohendettih.

Leibypastamon piälimäine Svetlana Nikitina ylbeillen sanelou suures päčis, kudai tämän vuvven algussah syötti rahvastu:|
– Päččii lämmitettih ylen järielöil halgoloil, päčinlämmittäi pidi silmäl lämbötilua päčis. Pastajat pandih tahtahat formoih da azetettih format “kätkyölöih”, kudamat pyörittih päčinsuus. Mehanizmu pandih ruadamah sähkön avul, toiči – käzin. Ruado oli jygei: räkki, yöt läbi jalloilleh – eigo sua istavuo, eigo viertä.

VAIKU OMUA

Vuvven 2021 allus Karjalan ekonoumiekkuministerstvas tuli abuu pienele leibyzavodale. Pastamoh ostettih päčči-škuappu da taiginansevoitin. Nygyaigazet konehet avtomuattizesti pietäh tarvittavua lämbötilua, tazoitetah ilman da höyryn liikehty, mi on kebjendännyh leivänpastajien ruavon da piendänyh den’gumenot. Dmitrii Mihailov on varmu, ku moizii kallehii konehii ei ole joga toizel pastamol. Aijoi huondeksel vaste pastettuu leibiä tuvvah Jessoilan, Siämärven, Säpsän da Veškelyksen laukkoih. Juuri nygözel aijal, konzu on ylen äijy leivän tuottajua, paikallizel pastamol pidäy pastua kaikis magevimua leibiä. Mugai ruadau Jessoilan pastamo: kyläläzet vuotetah vai omua – nižu- libo ruisleibiä.

Эссойльская пекарня уже много лет производит вкуснейшую выпечку из натуральных продуктов. Раньше хлеб в Эссойле выпекали в старой печи, теперь приобрели новые электрические машины. Но вкус у выпечки остался прежний.

Кроме воды и муки
Уже с раннего утра вокруг маленького завода исходит вкусный аромат хлеба. Всю ночь на производстве кипит работа, чтобы в начале дня в магазинах появились с пылу с жару хлеб, батоны, сайки и другая продукция. Местным покупателям этот вкус знаком с детства.
- Рецепт выпечки хлеба мы не скрываем, говорит директор сельпо Дмитрий Михайлов.
- Мы уже на протяжении шести десятилетий печем хлеб по этому рецепту. За качество своей продукции мы отвечаем собственной репутацией. При производстве натурального хлеба мы в муку не добавляем ингредиенты, которые искусственно повышают вкус продукции.
Ольга Ивановна Якушева уже 30 лет работает на хлебозаводе. Тепло своих рук она вложила в сотни буханок хлебы.
— Рецепт приготовления хлеба несложен, — говорит Ольга Ивановна. – Но для того чтобы он был вкусным, в него, кроме муки, дрожжей и воды, нужно вложить еще и душу. Нельзя работать с плохим настроением.
Печь кормилица
С 1960 года хлеб пекли в печи, которую топили дровами. За все это время огонь в ней погас лишь однажды, когда делали восстановительный ремонт.
Заведующая пекарней Светлана Николаевна Никитина с гордостью показывает огромную каменку, которая "кормила" местное население до этого года.
— Печь топили огромными поленьями, а поддерживанием нужной температуры следил кочегар. А пекари раскладывали тесто в формы и расставляли в "люльки", которые равномерно вращались в жерле печи. Механизм приводили в движение при помощи электричества, а иногда и вручную. Труд хлебопекаря всегда был физически очень тяжелым: жар, ночные смены на ногах — ни присесть, ни прилечь.
Только свое
В начале 2021 года министерство экономики Карелии оказало материальную помощь небольшому эссойльскому хлебозаводу. Предприятию удалось закупить ротационную хлебопекарную печь и расстоечный шкаф. Современное оборудование с автоматическим управлением температуры, потока воздуха и парообразования максимально облегчило труд пекарей и при этом сэкономило затраты при выпуске продукции. Как уверен председатель Совета Эссойльского сельпо Дмитрий Михайлов уверен, такое дорогостоящее оборудование используется далеко не на каждой хлебопекарне.
Рано утром свежеиспеченный хлеб развозят в магазины Эссойлы, Сямозера, Сяпси, Вешкелицы.
Именно сейчас, когда много производителей хлеба, местной пекарне надо печь самый вкусный хлеб. Так работает Эссойльская пекарня: деревенские ждут свои "родные" хлебобулочные изделия.