Тексты
Вернуться к списку | редактировать | удалить | Создать новый | Статистика | ? Помощь
Alina Gapejeva. Magiet juustot Alasalmespäi
Alina Gapejeva
Magiet juustot Alasalmespäi
карельский: ливвиковское наречие
Новописьменный ливвиковский
Tänävuon
molodoit Jevgenii da Nadežda K’alinat avattih oma fermu : valmistetah juustuo .Nygöi juuston eri lajiloi – italie - lazen , fransielazen da šveitsarielazen tehnolougieloin mugah luajittuloi – voibi ostua ei vaiku Alasalmes , ga vie Petroskois , Piiteris da Moskovas .
ALGU RUAVON ČOMENDAU
Vuvven 2014 val’uuttukriizissu kuhkutti K’alinoin perehty panemah rattahile oma biznessu .Hyö elettih Petroskois , ga piätettih muuttua eloipaikku Säpsän kyläh .
Jevgenii oli rakenduslaitoksen johtajannu , Nadeždal oli oma pieni sadutavaroin laukku .
Hyö heitettih omat ruavot , ostettih pieni konehozasto da lähtiettih opastumah italielazien juustoloin valmistajikse .Pieneh juustokoneheh niškoi pidi 120 litrua hyväluadustu maiduo päiväkse .Juuston valmistamizekse pädöy vaiku moine maido , kuduas on äijy razvua da proteinua .Mostu maiduo ostettih fermeroil .Algajat juustonvalmistajat suadih neruo ammattih ruadajes .
UUZI ELOS UVVES KOHTAS
Ostajua oli ylen äijy .K’alinoil rodih himo valmistua enämbi juustuo da nostua sih niškoi oma fermu .
Molodoit suadih abuu valdivospäi oman ruavon kehittämizekse .Ruado rubei kiehumah :Jevgenii da Nadežda ostettih Jessoilan sovhouzas kaksi žiivatanpihua muapalanke Alasalmes .
Net pihat oldih hyllätyt , kaldavunnuot seinät da sordunuot levot .Redutukkuloin keskes kazvettih tuhjot .
Ga uuzil ižändil oli suuri himo ruadua : yksi piha hyö riičittih , toine pandih kundoh .
Kunnostetus pihas nygöi ollah juuston luajinduozasto (yhtel aigua voibi suaja juustokse kaksi tonnua maiduo ), zualu , kudamas voibi oppie juustuo da huonus , kuduas pietäh lehmii da kozii .
OPI "KARJALAN KIVIE "
K’alinat pandih omah mieliruadoh äijy den’gua da vägie .Tottu sanuo , molodoit ylen äijäl suvaijah omii žiivattoi .Sih niškoi , ku juusto olis mavukas , pidäy olla hyvä maido , ku žiivatat annettas hyviä maiduo , niidy pidäy hoidua da pidiä hyvis ololois .
Juustonvalmistajan ruado on jygiembi , migu ozutahes .Molodoit jo hyvin nerovuttih da valmistetah magieloi juustoloi jo seiččemetty vuottu .Joga juuston lajii valmistajes käytetäh eri ližä-ainehii .Juustomuagariloil nevvon oppie Karjalan kivi da Kačotta -juustuo pabuheinänke .Kačotta " gretsienoriehan libo grivoinke tulou mieleh kaikile .
Alasalmi-ferman-juustolan tavaroih kaččojes sylgi valuu .
Kuni rodulehmät syvväh-näčytetäh duuhukastu heiniä , a pualičoil "kypsetäh " juustot , Jevgenii da Nadežda šeikuijah , kui hyö ielleh ruvetah kehittämäh muatalovuttu da kyläturizmua .
Hyö jo nostetah uuttu huonustu , kus ruvetah pidämäh lehmii sidomattah .
Vaigevuksih kaččomattah K’alinat jo suadih vie yksi muapala .
– Tahtommo , ku meijän fermu olis čoma ku kuvas : ku žiivatoin pai menduskohtat oldas aijoitetut da net aijat oldas čomat , kruasitut , ku oldas tilat lapsile , ku oldas kukkuvavot , šuoriet nurmet , toivou Jevgenii .
– Ku meij än gostil olis hyviä mieldy nähtä puhtahii žiivattoi . Ku degustatsiigi andas hyviä mieldy matkas .
Tiettäväine , iel on yllin kyllin hommii dai vaigevuksii .Fermah pidäy ližiä ruadajua : konehel ruadajii , pakuiččij oi , šouferi , juustonvalmistajan abuniekku da myöjy .Kezäkuus juustolu otti vastah enzimäzii turistoi Ven’an eri linnoispäi .
Magiet juustot Alasalmespäi
карельский: ливвиковское наречие
Новописьменный ливвиковский