Тексты
Вернуться к списку | редактировать | удалить | Создать новый | Статистика | ? Помощь
Jelena Ruppijeva. Kindahan kylä: uuzi vezimelliččy kummastuttau
Jelena Ruppijeva
Kindahan kylä: uuzi vezimelliččy kummastuttau
карельский: ливвиковское наречие
Новописьменный ливвиковский
Pakkaskuun
18. päivänny Kindahan kyläh on avattu ainavoluaduine melliččykompleksu .
Voibi sanuo , ku suuri ruado , kudai on algavunnuh Kindahan kyläs vezimelličän nostandakse , on luajittu ruttoh da lyhyös aijas – vajai kahtes vuvves .Rouno ku ei ammui kindahalazet suadih tiediä , ku heijän kyläs enne oli ainavoluaduine uidai vezimelliččy , kudaman lautale oli nostanuh kyläläine Kuzma Jegorovič Trifonov , a nygöi sidä melliččiä jo suau omin silmin nähtä kyläs .
Se uvvessah luajittu melliččy tänäpäi sijoitettih suureh aittah , kuduas kai on čopakosti da karjalazeh tabah luajittu .Suuren vuitin tiloi ottau iče melliččy , ga seinien myödäh , kui putin karjalazes talois , ollah laučat da orret , kudamil näet vahnoi vehkehii da ruadobrujii .Nägeväl kohtal aitas , seinil melličällyö ollah sen luadijan Kuzma Trifonovan da hänen perehen kuvat .– Kuzma Trifonov oli ruadai da nerokas mies . Häi iče ombeli jallaččiloi , iče luadi pertilomuloi , hänel oli vägii myöte luadiegi moine ainavoluaduine melliččy .Häi luadi oman kylän kuulužakse da jätti ičen jälles moizen suuren perindön , sanoi vezimelličän avuajazis projektan todevuttai Julija Tolmačova .Tämänverdastu melliččiä ei olluh Karjalas dai nygöi muailmas on vaiku kaksi mostu Duanien muas .Tavalline karjalaine mies Kuzma Trifonov oli ovvostannuh nostua sen suurele lautale , sendäh se ruadoi ainos , kaččomattah sih , oligo vezi Šuojunjoves nossuh vai heittynyh .Projektan todevuttajat tiijustettih , ku melliččy Kindahan kyläh oli nostettu vuozien 1917 da 1918 mail da se ruadoi Suuren Ižänmuallizen voinan alguh suate .Uvvessah luajittu melliččy on endizen nägöine .Se on luajittu Kurskas sadavuodizes tammis , kudai kuivattih kaikkien tarvittavien siändölöin mugah .Melličän enimät ozat on jo luajittu , jäi luadie da azettua melliččykivi , sit suau jo omua jauhuo jauhuo .Projektan todevuttajien tulien aijan pluanoih kuuluugi uvven vezimelličän viele azetandu .– Hyvä algu tälle ruavole on pandu . Konzu kirjutimmo projektua , emmo ni smiettynyh , ku se rodieu moine suuri .Tiettäväine , on vie midä ruadua da šeikuija yhtes , ga jo kai tämä luajittu kummastuttau da ihastuttau .Se on mielenkiinittäi meijän Karjalah niškoi .Olen ylbei omas piiris da rahvahis , kuduat ruatah täs , kiitti vezimelličän avuajazis Priäžän piirin hallindon piälikkö Oksana Gavroš .Sinäpiän kai vezimelličän avuajazih kerävynnyöt oldih sidä mieldy , ku tämä ainavoluaduine melliččykompleksu Kindahan kyläs voi roita Karjalan kuulužakse kohtakse .Projektan todevuttajat Julija Tolmačova da Svetlana Hrebtova jatketah omua ruaduo da tarkembah ottavutah melliččöin da melliččyniekkoin ruavon tutkimizeh , ku suas sit nämmii tiedoloi jagua Karjalan rahvahile da gostile .– Tänäpäi UNESCO on pannuh melliččyniekan ammatin häviemizilleh olijoin ammattiloin joukkoh . Meil pidäy enämbi tiijustua täs ammatis da elävyttiä se , sanou Julja Tolmačova .
Kindahan vezimelliččy .Kindahan kylän melliččiä käytettih vaiku jauhon jauhondan tarkoituksih .Vihjatah , ku Kindahan melliččy sai ruadua läs 200 päiviä vuvves , sulakuus ligakuussah libo kylmykuussah .Se sai jauhuo 15 puudua libo 250 kiluo päiväs .Melličän ižändöinny oldih Kuzma Jegorovič Trifonov (1871- 1937) da Jefim Jefimovič Mojisejev (1891-1978).On olemas vai yksi kuva , kudai tovestau , kus Šuojunjovel seizoi Kindahan kylän vezimelliččy .Se kuva on ruokos Suomen soda-arhiivas da oli luajittu voinan aigua 6. syvyskuudu vuvvennu 1941.
Kindahan kylä: uuzi vezimelliččy kummastuttau
карельский: ливвиковское наречие
Новописьменный ливвиковский