Тексты
Вернуться к списку | редактировать | удалить | Создать новый | Статистика | ? Помощь
Tatjana Torvinen. Projekti on lopetettu, ka työ jatkuu
Tatjana Torvinen
Projekti on lopetettu, ka työ jatkuu
карельский: собственно карельское наречие
Новописьменный севернокарельский
Ortjo Stepanovin šiätijön Peitettyjen kylien
runot -projektin toteuttamini piätty .Onnakko projektin ohjuajilla on tulijie työšuunnitelmie .
Ortjo Stepanovin šiätijön Peitettyjen kylien runot -projektin toteuttamini piätty .Šiitä kerrottih projektin ohjuajat järještön VK-šivulla .
– Projektin toteuttamisen aikana keräsimä ta valmistima tietuo Kalevalan piirin 11 peitetyštä kyläštä , pos’olkašta ta huuttorista ; kävimä yli 20 šuojelupaikašša Kalevalan mualla ta pakasima niijen eläjien kera ; tuottima Peitettyjä kylie eččimäššä -dokumenttielokuvan , avasima kulttuuri - ta etnoreitin Haikol’ašša ta valmistima mobiilioppahan šitä reittie myöten , kerrottih projektin ohjuajat .
Šamoin projektin rajoissa julkaistih vihkosie ta kalenterija šekä ašetettih muistomerkkijä Kalevalan piirin peitetyistä kylistä .
Vaikka Peitettyjen kylien runot -projekti piätty , Ortjo Stepanovin šiätijö jatkau Kalevalan piirin kulttuuriperinnön šäilyttämistä .
– Šuunnittelemma käyvä ušeimmissa paikoissa Kalevalan piirissä , missä ennein oli kylie , pos’olkoja ta huuttorija , šamoin meinuamma kerätä ta levittyä tietuo niistä . Šuunnittelemma tavata niijen paikkojen enemmän eläjie ta šuaha tietyä heijän kotimuan juttuja , legendoja ta runoja , kerrotah projektin ohjuajat .
Peitettyjen kylien runot -projekti toteutettih Presidentin granttišiätijön kannatukšella .
Projekti on lopetettu, ka työ jatkuu
карельский: собственно карельское наречие
Новописьменный севернокарельский