Тексты
Вернуться к списку | редактировать | удалить | Создать новый | Статистика | ? Помощь
Uušie mallikirjaštoja peruššetah vuotena 2026
Uušie mallikirjaštoja peruššetah vuotena 2026
карельский: собственно карельское наречие
Новописьменный севернокарельский
Karjalan
tašavalta šuau 30,4 miljonie rupl’ua kulttuurialan projektiloih federalisešta b’utžetista .Rahavarat on annettu kolmekši vuuvvekši .
Uuvvet kulttuuri - ta opaššuštilat peruššetah Belomorskin piirin Sosnouččah ta Sortavalan piirin Huapalampih .Šamoin uuvvissetah Petroskoin V . M . Danilovilla nimitettyö kirjaštuo .
Projektien toteuttamiseh šuunnitellah työntyä 30,4 miljonie rupl’ua federalisešta b’utžetista .Varat männäh pirttien kohentamiseh ta uušien laittehien oštamiseh .Kirjaštoissa uuvvissetah varaštoja ta ašetetah nykyaikaisie mukavie huonehkaluja .Šamoin laitokšet šuahah uutta ohjelmistuo ta piäšy Kanšallisen šähkökirjašton resurssiloih .Jotta kirjaštojen ruato vaštuais uušie standarttija , niijen ruatajat noššetah omua pätövyttä .
– Mallikirjašto on aškel kohti tietojen ta kulttuurin tuomista lähemmäkši jokahista Karjalan eläjyä . Luajimma tilua , missä voipi opaštuo , luuvva ta huaveilla , Karjalan kulttuuriministeri Aleksei Lesonen šano ministerijön lehistöpalvelulla .
Täh aikah Karjalašša toimiu 13 mallikirjaštuo .Täštä vuuvvešta alkuan kirjaštoja uuvvissetah Pereh-kanšallisprojektin rajoissa .
Uušie mallikirjaštoja peruššetah vuotena 2026
карельский: собственно карельское наречие
Новописьменный севернокарельский