Тексты
Вернуться к списку | редактировать | удалить | Создать новый | Статистика | ? Помощь
Darja Hil’. Petroskoiš mäni Sur’ etnografine saneluz
Darja Hil’
Petroskoiš mäni Sur’ etnografine saneluz
вепсский
Младописьменный вепсский
7. kül’mkud
Petroskoiš Karjalan Valdkundan Rahvahiden sebruden kodiš mäni Sur’ etnografine saneluz .
7. kül’mkud Karjala udes ühtni "Sur’ etnografine saneluz " -tedotelendakcijaha . Se oli sätud Karjalan Valdkundan Rahvahiden sebruden kodiš .Akcijan pätegii oli Rahvahuziden azjoiden federaline agentstv , miččele Karjalas abuti rahvahaližen da regionaližen politikan ministerstv .
Täl vodel Rahvahiden sebruden kodiš sanelusen kirjuti 110 mest , kudambišpäi enambišton oli norid ristituid .Ühtnikoiden keskes mugažo oli 149. segoitadud lendanddivizijan 11 soldatad Venäman erazvuiččiš regionoišpäi .Sanelusen kirjutiba školiden da universitetan openikad , rahvahaližiden sebroiden pämehed , Zakonoiden tegendan kundan deputatad , eländtahoiden pämehed .
– Tahtoin ičein ühtneda Surehe etnografižehe sanelusehe . Se om čoma voimuz levitoitta ičeze tedoümbrust , tundištadas Venäman rahvahiden kul’turjäl’gestusenke , tedištada midä-se ut da melentartušt meiden sures kodimas da sen istorijas , - sanui Anna Valerjevna Lopatkina , Karjalan Valdkundan Zakonoiden tegendan kundan deputat .
Ühtnikoile oli taritud 45 minutas antta vastused 30 ühthižfederaližehe küzundaha .Täl vodel , Kodiman kaičijan vodel , ezmäižen kerdan sanelusen küzundad lugi än’heze ičeze eriližen voinoperacijan veteran Dmitrii Jurjevič Konstantinov .
Oiktad vastused anttas sanelusen lehtpolel 12. kül’mkun päiväspäi .Sada sertifikatoid ühtnikad voiba Rahvahiden sebruden kodiš jäl’ges 12. kül’mkud .
Ezmäižen kerdan "Sur’ etnografine saneluz " -tedotelendakcii mäni vodel 2016.Siloi sanelusehe kaiked ühtni läz 90 tuhad mest .
Petroskoiš mäni Sur’ etnografine saneluz
вепсский
Младописьменный вепсский