Тексты
Вернуться к списку | редактировать | удалить | Создать новый | Статистика | ? Помощь
Uljana Tikkanen. Perintehellisen keittijön šäilyttämini on tärkie
Uljana Tikkanen
Perintehellisen keittijön šäilyttämini on tärkie
карельский: собственно карельское наречие
Новописьменный севернокарельский
Petroskoissa oli
pietty strategini issunto Karel’skaja kuhn’a i točka -projektin rajoissa .
Karjalan kanšojen perintehellisien šyömisien reseptien šäilyttäjät , ammatilliset keittäjät , perintehellisie keittijötarpehie valmistajat käsityömuasterit , valokuvuajat ta media-alan ruatajat otettih šiih ošua , jotta yheššä paissa ta ratkaissa Karjalan kanšojen keittijöjen šäilyttämisen kyšymykšie .
Keittijö vaštuau eri tarpehih
Issunnon vetäjinä oltih Šuomelais-ugrilaisien kanšojen liiga -kanšalaisjärještön johtaja Anna Anhimova ta Karjalašša on kaikkie -etnokulttuuriprojektin johtaja , Karjalan kanšojen kanšallisien keittijöjen šäilyttäjä Ol’ga Belonogova .
Ošallistujat oli juattu nelläh ryhmäh ta yheššä mietiskeltih oman ruavon tarkotukšešta , tehtävistä , šiitä , mitä hyötyö ruato ta elämän tapa tuuvvah ihmisillä ta mitä lisyä voipi ruatua , jotta šuaha enempyä ihmishuomivuo , šäilyttyä vanhoja reseptijä ta luatie niitä šuosituimmiksi .
Uušista šuunnista ta perintehellisen keittijön kehitykšeštä taitotoimialana kerrottih Karjalan taitotoimialan kehittämisen ruatoryhmän johtaja Jekaterina Biktimirova ta issunnon yksi vetäjistä Ol’ga Belonogova .Oli mainittu tärkeitä as’s’oja , kumpasin nykyaikana pitäy kiinittyä huomijuo , jotta šuaha mäneššyštä .
– Nykyjäh ruokatavara tulou yhä šuositummakši muistolahjakši Karjalan vierahilla . Ihmiset mielelläh ruvetah oštamah šitä tavarua , mistä on kerrottu miellyttävä istorija .Šuurin aškelin kehittyy ruokadisaini – ruuvvan pitäy olla enšikši turvallisena , šiitä makiena ta vielä ni kaunehena .Ta lisäkši ruokamuailmah pitäy olla oppahie , kumpaset kekšitäh , mitein kertuo ruuvvašta näin , jotta šitä himottais maissella , šelitti omašša esitykšeššä Jekaterina Biktimirova .
Ol’ga Belonogova esitti kuin perintehellini ruoka voipi vaššata kaikkih tarpehih Masloun piramidin mukah : še antau fisiologista turvallisutta , šeurakunnalla yhtyvehen tunnehta , lisyäy tietuo kulttuurista ruuvvan kautti , tuou kaunehutta ta ičen tärkeyven tunnehta .
Idejat yhtehisen ruavon tulokšena
Tehtävien šuorittamisen ta joka ryhmän ratkaisuih tuttavuštumisen tulokšekši tuli Karjalan ruokatapahtumien kartta , kunne oli pantu nykyjäh šuositut tapahtumat , kuin Mujehen - tahi Kalitka -festivalit , niin ni festivalien idejat , kumpaset šynnyttih ruavon aikana .
– On tärkie lisätä , jotta issunnon aikana oli pakina tavaramerkistä "Luajittu perintehen mukah ". Šuunnitelmissa on antua šitä niillä ruoka - ta keittijötavaroilla , kumpaset on luajittu kanšan perintehen mukah , jotta oštaja ois varma – hänellä taritah tovellista kalittua tahi kalakeittuo , lisäsi Anna Anhimova .
Vielä yhtenä tulokšena on meininki järještyä kanšalaisjärještö , kumpasen tehtävänä ois valmistua projektija juštih Karjalan kanšojen perintehie ta šyömisie šäilytettäväkši .Šiih kučutah ruatamah kaikkie issunnon ošallistujie .Tuli šelvä , jotta šuurempie tulokšie alan tutkimisešša voipi šuaha eri toimialojen spesialistien yhtehisin voimin .Issunnon ošallistujilla oli oikein arvokašta tutuštuo toini toisen toimintah ta šuaha uušie ajatukšie omua ruatuo varoin .
Issunto oli pietty Karel’skaja kuhn’a i točka -projektin rajoissa .Projekti šai Karjalan piämiehen fondin grantin ta on toteuttumašša vuuvven 2026 kešäkuuh šuaten .
Perintehellisen keittijön šäilyttämini on tärkie
карельский: собственно карельское наречие
Новописьменный севернокарельский