Тексты
Вернуться к списку | редактировать | удалить | Создать новый | Статистика | ? Помощь
Nadežda Vasiljeva. Palvellen tuatonmuan puoluštajilla
Nadežda Vasiljeva
Palvellen tuatonmuan puoluštajilla
карельский: собственно карельское наречие
Новописьменный севернокарельский
Vuuvven
2023 šulakuušša Venäjän presidentti Vladimir Putin allakirjutti käšyn erikoisšotaoperatijon ošallistujie auttajan Tuatonmuan puoluštajat -šiätijön peruštamisešta .Jo kešäkuušša šen ošaštot alettih toimie muan kaikilla alovehilla .
Kalevalan piirissä Tuatonmuan puoluštajat -šiätijön Karjalan ošašton sosialikoordinattoriksi tuli Svetlana Groševa – tunnollini , aktiivini ta huolekaš ihmini .Tuanoin korkiešta ammattivaisuošta ta aktiivisešta ošanotošta šiätijön toimintah , kumpani on šuunnattu erikoisšotaoperatijon ošallistujien kannattamiseh , Svetlana Leonidovnalla ilmotettih kiitollisuš Tuatonmuan puoluštajat - valtijošiätijön johtajalta Anna Tsivil’ovalta .Še kiitollisuš on hänen ruavon ta šuuren panokšen anšijonmukani hyväkšyntä .
Tuatonmuan puoluštajat -šiätijön sosialikoordinattori Kalevalan piirissä Svetlana Groševa kerto järještön ruavon piäšuunnista .
– Alovehellisen Tuatonmuan puoluštajat -šiätijön ta paikallisien sosialikoordinattorien ruavon piäšuuntina ollah liäketiijollini kuntoh šuamini , liäkärin apu , parentola - ta kurorttihoito , sosialimukauttamini , ilmani juridini apu . Olemma lähiseššä yhteistyöššä šotilaššairalien ta toisien liäketiijollisien järještöjen kera , min anšijošta meilä on mahollisuš tarita erikoisšotaoperatijon veteraniloilla liäkärin apuo , muun muašša palliatiivista hoituo .Šamoin tärkietä on antua psihologista ta psihoterapeftista apuo , muun muašša kuatunuijen šotilahien perehillä .Lyhyöšti šanuon , tukitoimenpitojen luvettelo on melko luaja , kertou naini .
Svetlana Leonidovnan mukah , erikoisšotaoperatijon veteranit tullah šiätijöh ta tiijuššellah piäasiešša rahamakšuloista eron tahi huavan jälkeh ta elinkunnallispalvelujen alennukšista .Šemmosissa tapahukšissa koordinattori šelittäy ta auttau panna kuntoh tarvittavie dokumenttija , lähettyä kyšelyjä ta šuaha lappuja .Šamoin šiätijö auttau šuaha liäkärin hoituo , jatkua kuntoh šuamista ta lähettyä veteranija parentola - ta kurorttihoitoh .
– Još meijän muanmieš on šotilaššairalašša jykien huavan jälkeh , mie staraičen mahollisimman ruttoh ottua yhteyttä šiih laitokšeh . Olen varma , jotta pitäy etukäteh turvata huavotettuja teknillisillä välinehillä kuntoh šuamista varoin , nykyaikasilla protesikeinoloilla .Še tärkie ruato auttau šotilašta ta hänen omahisie , on varma Svetlana Groševa .
Ušeimmiten koordinattori ruatau yheššä paikallisen pol’ničan liäkärien , piirihallinnon spesialistien ta kuntien piällikköjen šekä Koštamukšen kaupunkipiirin šotakomissariatin kera .Lisäkši on järješšetty yhteistyö kaateriošašton kera .On tunnettu tosiasie , jotta Kalevalan piirissä ei riitä työpaikkoja .Yheššä kaaterikeškukšen spesialistien kera Tuatonmuan puoluštajat -šiätijön ruatajat löyvetäh ratkaisuja : muutomalla henkellä on jo löyvetty ruatopaikkoja , toiset veteranit ruvetah opaštumah , muun muašša korkiekoululoissa .
– Lisäkši aina olemma yhteyveššä Enšimmäisien liikkehen kera . Yheššä oman johtajan Tatjana Grigorjevan kera volonto’orit aina vaššatah pyyntölöih : autetah erikoisšotaoperatijon ošallistujien perehie halata ta lat’t’ata halkuo pinoh , šuomie pihua ta ruatua muita kotitöitä .Täššä šuhtehešša pitäy kiittyä Lapšien apukeškukšen volont’orijoukkuo .Kaikki nuoret ollah moločat .Olemma hyvissä šuhtehissa niijen laitokšien ta järještöjen kera .Johtajat ta spesialistit hyvin tajutah erikoisšotaoperatijon kannattamisen tärkevyttä , kertou miun pakinakaveri .
Šiätijön sosialikoordinattorin ruato on vaikie , vaštuullini ta vuatiu šuurta huomijuo hoijettavih , erikoisšotaoperatijon ošallistujien omahisih .
– Olen aina yhteyveššä niih ihmisih , ket kiännytäh meijän šiätijön puoleh . Elämäššä on kaikenmoisie tilantehie .Šattuu , jotta naiset ta muamot pitälti ei šuaha viestijä omilta miehiltä ta pojilta .Työnnämmä kyšelyjä , vuotamma ta huolimma , yheššä iloššumma , konša tullah hyvät viestit .Yheššä omahisien kera itemmä prihoja , ket ei myöššytty rintamalta …Šemmosie tuntehie on mahotointa peittyä , niih ei voi tottuo , joka kerran keššän niitä uuvveštah ta uuvveštah , koroštau Svetlana Leonidovna .
Toivon , jotta Svetlana Groševa šais enemmän hyvie viestijä .Hiän tahtou juuri šitä .
Palvellen tuatonmuan puoluštajilla
карельский: собственно карельское наречие
Новописьменный севернокарельский