Тексты
Вернуться к списку | редактировать | удалить | Создать новый | Статистика | ? Помощь
Koulujen peruš- korjaukšeh lisätäh varua
Koulujen peruš- korjaukšeh lisätäh varua
карельский: собственно карельское наречие
Новописьменный севернокарельский
Vuotena
2026 Karjalan koulut šuahah lisyä 121,8 miljonie rupl’ua peruškorjaukšeh .
Karjalan piämiehen ehottamat kohennukšet tašavallan b’utžettilakih enši vuuvvekši ennätetäh lisyä rahotušta alovehen koulujen peruškorjaukšeh .Koulut šuahah 121,8 miljonie rupl’ua .Šiitä kertou Karjalan tašavallan opaššuš - ta urheiluministerijö .
Esimerkiksi , Belomorskin 3. koulu šuau lisyä 90 miljonie rupl’ua .Nyt šiinä pietäh korjauštöitä Nuoriso ta lapšet -kanšallisprojektin rajoissa .Koulušta tulou tärkie kehityšvaihe .
– Pohjoseh pitäy muanitella uušie eläjie . Mukavat olot lapšien koulutušta ta eri-ikäsien ihmisien joutoajan viettämistä varoin tuntuvašti autetah šitä , lainuau ministerijö Artur Parfenčikovin šanoja .– Tänä vuotena lopetamma korjauštyöt Kulttuuritalon urheilušalissa , enši vuotena – Belomorskin 3. koulušša . Arktisen rajotukšen anšijošta yritämmä rakentua pihaurheilukenttä .
Kaikkieh šeuruavissa kahešša vuuvvešša Nuoriso ta lapšet -kanšallisprojektin rajoissa peruškorjatah 20. kouluo .Näin , vuotena 2026 merkitykšellisešti kohennetah Matrossan , Kepan ta Ušmanan kouluja .
Kakšivuotiseh peruškorjaušohjelmah on liitytty viisi laitošta .Ne ollah Sortavalan 6. koulu , Belomorskin 1. koulu , Petroskoin 48. koulu ta Petrovskii-talo šekä Mujehjärjen koulu .Niijen kohentamini alkau vuotena 2026 ta piättyy vuotena 2027.
Koulujen peruš- korjaukšeh lisätäh varua
карельский: собственно карельское наречие
Новописьменный севернокарельский