Тексты
Вернуться к списку | редактировать | удалить | Создать новый | Статистика | ? Помощь
Uljana Tikkanen. Yštävyštalo: Viisi vuotta šuhtehien lujentamisekši
Uljana Tikkanen
Yštävyštalo: Viisi vuotta šuhtehien lujentamisekši
карельский: собственно карельское наречие
Новописьменный севернокарельский
Karjalan
kanšojen yštävyštalo juhli viijen vuuvven merkkipäivyä .Täššä ajašša še vietti šatoja tapahtumie , kumpasih tuli tuhanšie ihmisie .
Yštävyštalon toiminta alko vuotena 2020 ta šen tehtäväkši tuli yhistyä Karjalan kanšoja , kannattua kunnivuo Karjalašša eläjien kanšojen kulttuurih ta kielih .
– Tämän tehtävän luatimisekši yštävyštalo järješti sistemin , kumpasen mukah myö kannatamma kanšallisie kulttuurija , piemmä lapši - ta nuoriso-ohjelmie , kehitämmä medijua , valmissamma metodisie materialija opaštajie varoin , vietämmä opaššuštoimintua terrorismie vaštah , autamma ulkomualaisie adoptoinnissa , kannatamma kanšalaisjärještöjä , šelitti Yštävyštalon johtajan šijahini Aleksandra Kuznetsova .
Yštävyštalon šyntymäpäivänä oli näytetty , mitä taivalta järještö ta šen ruatajat luajittih .Tapahtumien ta kävijen miärä kašvo monikertasešti ta nykyjäh kaikkien tilaisukšien kävijien miärä on 6500 henkie , mediatoimintah ošallistuu 250 000 henkie .
Yštävyštalon šuurempie projektija on "Yštävyön oppituntija ", Etnosmart - ta Etnopro -forumit , mediaprojektit "KV-show " ta "Kuki-rikku " šekä Karjalan kanšojen kielien netälit .
Enši vuuvvekši Yštävyštalo šuau federallisen rahotukšen – 25 miljonie rupl’ua ta tilaisukšien šekä vierahien miärä kašvau .
Yštävyštalon toimintua pietäh Periodika-kuštantamon peruštehella Karjalan tašavallan kanšallisen ta alovehellisen politiikan ministerijön kannatukšella .
Yštävyštalo: Viisi vuotta šuhtehien lujentamisekši
карельский: собственно карельское наречие
Новописьменный севернокарельский