Тексты
Вернуться к списку | редактировать | удалить | Создать новый | Статистика | ? Помощь
Nadežda Vasiljeva. Myö pelasima kyykkäh
Nadežda Vasiljeva
Myö pelasima kyykkäh
карельский: собственно карельское наречие
Новописьменный севернокарельский
Talvikuun
enšimmäisenä šuovattana Kalevalašša vietettih Vladimir Denisovilla omissetut kyykkäkilpailut .Talvikuun 2. päivänä mieš ois täyttän 80 vuotta .
Vladimir Denisov toi Šuomešta kotišeutuh kyykkä-pelin 1990-luvun alušša .Šilloin kalevalalaisilla še oli uuši asie .Šuomeh miehen komenti Uhut-šeurakanšalaisjärještö .Šielä hiän tutuštu pelin šiäntölöih ta šen atribuuttiloih .
Šiitä Vladimir Denisov yheššä Viktor Melentjevin , Viktor Nikutjevin ta toisien šamanmielisien kera rupesi peluamah kyykkäh Kalevalašša .Miehien lisäkši hyö muanitettih pos’olkan naisie .Yli 30 vuuvvešša kyykkä tuli melko tunnetukši peliksi paikallisien eläjien kešen ta Karjalan toisissa piirilöissä .Nyt melkein joka piirissä pelatah kyykkäh ta vietetäh kilpailuja , kumpaset kerätäh ušeita urheilijie ta kaččojie .
Täh aikah voipi varmah šanuo , jotta Kalevalan mualla elpy vanha kyykkä-peli .Eeppini mua ta šen rahvaš alettih aktiivisešti eistyä tätä kanšanhommua .
Nykyjäh Kalevalan peluajie tunnetah meijän tašavallašša ta loittona šen ulkopuolella .Kuulusa kyykkäpeluaja Žanna Tikkanen monta vuotta takaperin tutuštu pelih ta tuli šen ihailijakši ta aktiivisekši eistäjäkši .Hiän ošallistuu joka kilpailuh šekä piirin jotta tašavallan tašolla .Urheilumeštari , Venäjän joukkovehen jäšen , muailmanmeštari pualikkapelin joukkokilpailušša , muailman pronššimetalin šuaja tietyšti ošallistu ni talvikuun kilpailuih .
Talvikuun 6. päivänä kyykkäkilpailuih ošallistu viisi joukkuo .Ennein pelin alkuo urheilijie tervehittih piirin halinnon varajohtaja Jelena Sin’kova , Uhut-šeuran hallinnon johtaja Valentina Kovalenko ta urheiluaktivisti Vera Ivanova .Kyykkä-pelin veteranit Gennadii Filippov , Dmitrii Saburov , Anatolii Lesonen , ket pitälti pelattih šamašša joukošša Vladimir Denisovin kera , annettih simvolisie pualikkoja nuorilla kalevalalaisilla peluajilla – Enšimmäisien Liikkehen joukolla .
Lujan ta pitän taistelun nellän kierrokšen jälkeh miärättih voittaja .Šuatujen pistehien miärän mukah enšimmäisellä paikalla nousi veteranien Kičut-joukko , toisella piäsi naisjoukko "Otava " ta kolmannella – MKS-joukko .Erikoispalkinnon Uhut-šeuralta šai nuorisojoukko .
Männyöt kilpailut annettih startti talvisella urheilukauvella .Šamana päivänä avattih uuši lisäkyykkäkenttä , kumpani oli ašetettu Mukava kaupunkin ympäristö -ohjelman rajoissa .Epäilömättä uuši kenttä ei jiä tyhjäkši .Še rupieu keryämäh niin äijän urheilijie ta vanhan kyykkäpelin harraštajie kuin mahollista .
Vladimir Denisov
Vladimir Denisov (1945–2018) on tunnettu henkilö paikallisien eläjien kešen .Hiän eli , ruato ta loi Kalevalan piirissä , oli rajattoman luotettava omalla pienellä Kotimualla .
Vladimir F’odorovič tunnettih paikallisen kirjapainon johtajana , mainijona spesialistina venäjän - ta šuomenkielisien tekstien painannašša .Miehellä oli täyvellini muamonkielen taito : Anohinilla nimitetty kirjapaino , missä julkaistih Neuvosto-Karjala-lehtie , kučču hänet apuh , konša ruatajat oltih lomalla .Šiinä hiän oli mainijona tekstien painajana .
Šamoin Vladimir Denisov oli ihana harraštaja-artista ta omisti monta vuotta Kalevalan kanšanteatterilla : hiän ušeimmiten esitti piäroolija .Mieš näytteli kaunehešti ta joka kerran n’apautu roolih .
Myö pelasima kyykkäh
карельский: собственно карельское наречие
Новописьменный севернокарельский