Тексты
Вернуться к списку | редактировать | удалить | Создать новый | Статистика | ? Помощь
Sever (kulehtez)
Sever (kulehtez)
вепсский
Младописьменный вепсский
"Sever
" — venälaine taidehliteraturine da ühthižkundanpolitine kulehtez . Se paindas vodelpäi 1940 Petroskoiš .Sovetskijan aigan se oli ühten RSFSRan kirjutajiden sebran painusišpäi .
Om sätud vodel 1940 kut Karjalaiž-suomalaižen SSRan taidehliteraturine "Na rubeže "-kulehtez .Sovetskijan-suomalaižen voinan aigan kulehtez ei lähtend eloho .Udes se zavottihe painda vodel 1944.
Voziden 1950 augotišes kulehtesen pätoimitai oli Aleksei Ivanovič Titov .
Vodelpäi 1954 vodehesai 1990 kulehtest ohjanzi Karjalan kirjutai Dmitrii Jakovlevič Gusarov .
Vilukus vodel 1965 kulehtez tegihe regionaližeks i sille anttihe "Sever "-nimi .Vodelpäi 1965 kulehteses paindas Arhangel'skan , Vologdan , Murmanskan da Novgorodan agjoiden , Karjalan ASSRan da ASSRan Komin kirjutajiden da runoilijoiden satusid .
Vodelpäi 1990 vodehesai 2001 kulehtesen pätoimitajan oli RSFSRan arvostadud kul'turradnik Al'bert Nazarovič Tihonov .
Vodelpäi 1991 painišton sädajad oma Karjalan valdmehišt da Venäman kirjutajiden sebr .
Vodelpäi 2001 vodehesai 2005 "Sever "-kulehtest ohjanzi Karjalan ASSRan arvostadud kul'turradnik Stanislav Aleksandrovič Pankratov .Kulehtez vajehtase , siš ozutase čomad kuvad .Korgedladuižes kuvituses pätoimitai S .Pankratov i taidehpirdai Vitalii Nakonečnii vodel 2002 saiba Karjalan valdkundaližen pauklahjan kul'turan , taidehen da literaturan tedo-oblastiš .
Vozil 2005—2007 kulehtest ohjanzi Jana Leonardovna Žemoitel' .
Redukus vodel 2007 "Sever "-kulehtesen pätoimitajaks tegihe Pietiläinen Jelena Jevgenjevna .Kulehteses ozutihe uded rubrikad : "Karjalan literaturan antoligii ", "Čoma pen' kodima ", "Tundmatoi tetaban polhe ", "Personaline arhiv ", "Pagištoituz anttud temale ".
Vodelpäi 2009 "Sever "-kulehteses mäneb jogavozne "Pohjoine tähtaz "-konkurs , miččen pätegend om löuta lahjakahid norid 15-37-voččid avtoroid , kudambiden kirjutesid voi painda kulehtesen sivuil , i miše hö voižiba ühtneda Gor'kijan literaturan institutan sädandseminaroihe da jogavoččehe noriden kirjutajiden forumaha Lipkiš .
Vodel 2012 "Sever "-kulehtez sädi literaturan pauklahjan .Premii konkursan pohjal anttas avtoroile koumes nominacijas — proza , runotuz da publicistik , literaturkirjutesiš , miččiš om sur' kul'turmoraline znamoičend , moraližen kazvatuden kal'huded .Konkursaha ühtneba kaik literaturkirjutesed , miččed paindihe kulehteses voden aigan .
Vodel 2013 tetab ühthižvenälaine jogavozne "Runotusen päiv "-al'manah paindihe "Sever "-kulehtesen pohjal i läksi eloho Voden 2014 augotišes — Mail'man runotusen päiväks .Vodel 2013 "Runotusen päiv "-al'manahan lehtpolil oli paindud enamba sadad runod , miččiden avtorad oma Venämalpäi da läheližiš da edahaižiš verazmaižišpäi .Niiden keskes oma äi tutabid nimid , ozutesikš — Jevgenii Jevtušenko , Kirill Koval'dži , Andrei Dementjev , Gleb Gorbovskii , Larisa Vasiljeva , Jevgenii Rein , Jegor Isajev , Vladimir Kostrov , Stanislav Kun'ajev i toižed ."Sever "-kulehtesen pätoimitai Jelena Pietiläinen om pauklahjoitud M .J .Lermontovan medalil runotusen panendas Venäman kul'turaha da sädandpanendaha jogavoččen Ühthižvenälaižen "Runotusen päiv "-al'manahan tegemižehe .
Vozil 2011, 2012, 2013, 2015 "Sever "-kulehtez sai "Pressan kuldaine fond "-znaman , miččil pauklahjoitas korgedladuižid i znamasižid ühthižkundan täht joukvestištoid .
Sulakus vodel 2012 Venälaižiden jokvestištoiden azjforumal tedotadihe , miše "Sever "-kulehtez tegihe Ühthižvenälaižen "Kuldaine lotos-2011 "-konkursan vägestajaks Venäman uskondan , kul'turan , moraližiden principoiden kaičendas , a mugažo sai "Satusen strategii-2011 "-konkursan diploman satusekahas ezipakičuzakcijas .
Vodel 2012 "Sever "-kulehtez sai Aleksandr Nevskijan ezmäižen premijan da medalin "literaturine kulehtez "-nominacijas vodes 2011.
Vodel 2019 Karjalan pämehen Artur Parfenčikovan tugel "Sever "-kulehteses mäni ezmäine valdkundaline "Pohjoižen kuldaine vara "-literaturfestival' , miččele oigetihe 232 pakičust Petroskoišpäi , Karjalan 12 rajonaspäi , Piterin da Arhangel'skan agjoišpäi , a mugažo Suomespäi .
Sever (kulehtez)
вепсский
Младописьменный вепсский