Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Nygyaigaine yliopisto
Ol’ga Dubitskaja
Nygyaigaine yliopisto
карельский: ливвиковское наречие
Новописьменный ливвиковский
Petroskoin
valdivonyliopistos 2. kezäkuudu oli järjestetty press-tuuru .
Se oli jo toine tämän jyttyine .Sen aigah oli vastavus Petroskoin valdivonyliopiston rektoranke – Anatolii Voronin vastai žurnalistoin kyzymyksih .Sit oli tuttavusmatku yliopiston mediakeskukseh da ekskursii
vaste kohendettuh yliopiston yhteseländykodih .
Yliopisto nygöi
Petroskoin valdivonyliopisto on perustettu vuvvennu 1940.Tämä 2015 vuozi on yliopistole merkittävy , sille täydyy 75 vuottu .Nygöi yliopistos on kaksitostu opastanduhuonustu , teoreettine , morfolougine , laboratourine huonukset , urheilukompleksu da kymmene yhteseländykodii .
Nygöi luajitah uuttu tiedomuzeidu , terväh rodieu
etnogruaffine muzei – se on pedagougizen akadeemien "perindö ".Tahtotah luadie prototipirovanien keskus , kuduas školaniekat , yliopastujat da nuorižo voijah terväzeh projektiiruja ,
monistua 3D printeral da iče luadie erähii luajittavan
vehkehen ozii .
– Tämä vuozi oli jygei , oli äijy ruaduo , äijy uuttu mieldy . Opastanduvuozi loppuu , tiijollizet projektat jatkutah , Jevroupan programman mugah on 17 projektua , sanoi Anatolii Voronin .
Tänävuon loppuu remontu yhteseländykois Gertsenan pihal .Vie tänävuon algavuu remontu endizes pedagougizen akadeemien opastanduhuonukses , kudai on Leninan prospektal .Vuvvekse 2015 remontah on annettu 400 miljounua rubl’ua , kudualois läs 200 meni yhteseländykoin rekonstruktsieh .
Uuzi yhteseländykodi
Se on Gertsenan pihal .Täs yhteseländykois on viizi
kerrostu . Tämä kohendettu yhteseländykodi on tarkoitettu enzimäzen vuozikursan opastujile , kudamat ei kurita . Se yhteseländykodi on tarkoitettu liečetiijollizen instituutan , ulgomuankielien , ekonoumizen , filolougizen da ekolougii-biolougizen tiedokundien opastujile .Kaikkiedah täs yhteseländykois on 280 eländypaikkua .
Toizes da kolmandes kerrokses on fatieran tyyppizet eländykohtat .Niilöis on pertit yhtele libo kolmele ristikanzale , keitändyperti , pezevyndyperti da käymäl .Kaikis pertilöis on uvvet magavosijat , škuappu , stuulu , stola , da yöstolaine .Keitändypertilöis on stola , stuulat , škuappu , sähköplita , ruakovin da kai jiäškuappu .
Nelländes da viijendes kerrokses on pertivälizen tyypin eländypertit .Sit pertis voi eliä kolme hengie .Kaikis pertilöis on pertilomuu .Keitändypertilöis sežo on kai , midä pidäy opastujale .Kerroksel on yhtehine suuri duušuperti , käymäl , sežo on perti , kuduas ollah sobien pezokonehet .Yhteseländykodih näh on tilatut sähköčainiekat , sobien pezokonehet .Ollahgi ut’uužindulavvat , ut’ugat da zuavesit .
Stadion
Stadion , kudai on muga sanotus "jamkas ", huavatah rekonstruiruija .Täs suures stadionas tahtotah luadie mondu pienembiä .Yksi annetah minijalgumiäččyh niškoi , toine – verkomiäččyh , kolmas – verkopezämiäččyh , nelläs – lattuh näh da viijes – kyykkäh niškoi .
Profilaktourii
Yhteseländykoin enzimäzel kerroksel on profilaktourii .Se on sežo uuzi .Täs profilaktouries on liäkärin perti , hoidokabiniettu .On kabiniettu , kuduas ollah uvvet sähköhierondustolat , ga ongi tavalline hierondu .Fizioterapii sežo on profilaktouries .Sie on äijy tilua da uvvet apparuatat .Ongi sie "čuudo " apparuattu – moine pieni juaššikaine zirkalonke .
Gu sinul on probliemua tervehyönke , liäkäri azettau tietyn programman da voimattomal pidäy vai kaččuo täh zirkaloh .Sit kiviständän heittäy .
Profilaktourii ottau vastah 60 hengie yhten vuoron aigah .Se vuoro kestäy 18 päiviä .Kaikkiedah vuvves kävvä profilaktourieh voi 840 yliopastujua .
Mediakeskus yliopistos
On Petroskoin valdivonyliopistos oma mediakeskus .Se on erilline perti , kuduas on äijy eriluadustu apparatuurua – kuameru , mikrofounat , tulensuandan laittehet .Sie opastujat voijah luadie fil’mua da videorouliekkua .Siegi ollah tiedokonehet , kudualois opastujat luajitah kuvamontuažu .Jälgimäine fil’mu , kudai luajittih opastujat , oli fil’mu Suures Ižänmuallizes voinas , konsluageris .
Nygyaigaine yliopisto
карельский: ливвиковское наречие
Новописьменный ливвиковский