Ошибка:
Недостаточно прав на выполнение этой операции
Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Mittuine se on, kyläläine vai linnalaine kluubu?
Ol’ga Dubitskaja
Mittuine se on, kyläläine vai linnalaine kluubu?
карельский: ливвиковское наречие
Новописьменный ливвиковский
Mi
on kyläläine kluubu linnan keskučas ?Mibo se on ?
"Agriculture_club " on Kalevala-kinoteatran seinis . Se on kreativnoi kohtu , kudai on linnan da kylän "rajal ", sie linnan da kylän kul’tuurat ollah yhtes .Täs kluubas ruatah eriluadustu ruaduo .
Täh kluubah nimidä ei ostettu – kai on luajittu omin käzin .Äijän tuodih kluubah iče rahvas , a kluuban "ruadajat " uvvistettih nämmä tuomazet .
Kluubas siiriči ei muite vai sua astuo .Pervomaiskii prospektua myöte astujes kerras huomuat Ilmarizen kuvan , kudai on mualattu "Kalevalan " seinile .Se on permiläzen Aleksandr Žunevan ruado .Sidä häi piirusti monii päivii .Pidäy sanuo , gu Petroskoin eläjät avvutettih hänele , ken mil voi .
Projektat – myömmö , tansimmo , opastummo
"Agriculture_clubal " on kaikenmostu projektua .Eräs niilöis on "Charity shop " – hyvyönluadii laukku .Täh laukkah rahvas tuvvah eriluaduzii vehkehii , sobii , kirjoi .Vaigu tämänmoizes laukas vehkehile ei pandu hindoi , niis voit maksua sen verran , min iče voit andua .
Joga nedälii sie pietäh eriluaduzii luvendoloi .Jo oldih psiholougan da psihoterapeuhtan luvendot .Kaikkiedah kezäl on nelli luvenduo .Tämä on hyvä projektu ohjailijoin sanoin mugah .Nämil luvendoloil kävyy kai 35 hengin .
"Agriculture_cluban " omažuos on galdari . Sie pietäh liikundua da fitnessua .Suaugi tansie , a gu et maltane , ga voit opastuo .Tansiharjoittelut ollah sežo joga nedälii .Sie opastetah eriluaduzii tansiloi , pietäh tansimaster-kluasat .Jo oldih päivännouzutansit , bačata , indielazet tansit .
"Agri_talk " on vie yksi " Agriculture_cluban " projektois . Tämän projektan hantuzis kerran nedälis on paginurokku .Täl urokal rahvas paistah anglien kielel opastajan da toine toizienke .Kuni on vaigu anglien kielel paginurokat .Terväh , kluuban perustajien sanoin mugah , roitah vie suomen kielen urokat .Kui peitoči sanoi Svetlana Kol’čurina , hyö tahtotah vie , gu sie oldasgi karjalan kielen harjoittelut .
"Etnokvartirnik " – moine toimenpido , kuduah kučutah kahten eriluaduzen kul’tuuran ezittäjiä , kuduat kerrotah omas kanzas , kul’tuuras da perindölöis . Hyö voijah ozuttua mittuinetahto master-kluassu libo gostittua kanzallizel syömizel .
Enzimäzel "etnokvartirniekal " oldih saamelaine da tuvalaine neidizet .Hyö kerrottih , midä samanluadustu da eriluadustu on heijän kul’tuurois .
Oli meil vie eräs projektu – "Haboteka ", se on moine diskotiekku , kuduadu huavoimmo pidiä joga piätteniččiä .Ga pidiä sidä joga nedälii ei ole hyvä mieli , rahvastu ei tule .Sendäh piemmö "Habotekua " vaigu kerran kuus .– kerdou Svetlana Kol’čurina .
Subbotniekat pyhinpäivin
Joga pyhiäpäiviä kluubas on subbotniekku .Sih tulou äijy rahvastu , toiči on 30 hengin .Hyö kaikin tullah jo ei enzimästy kerdua da tietäh , kus meil on rivut da vastat .Rahvas iče luajitah kai – pestäh , kabrastetah da valellah kukkii .Meil on äijy abuniekkua .
Meijän rahvas
"Agriculture_clubah " tullah eriluaduzet ristikanzat .Tullah buabat bunukoinke , nuorižo , keski-igäzet rahvas .Mielihyväl kävväh meile biznesnaizet .Hyö nieglotah , ommellah kluubah niškoi .Sendäh "Agriculture_clubu " pädöy kaikile .
Mittuine se on, kyläläine vai linnalaine kluubu?
карельский: ливвиковское наречие
Новописьменный ливвиковский
"
"