Ошибка:
Недостаточно прав на выполнение этой операции
Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Uuzi ”Taival”
Ol’ga Dubitskaja
Uuzi ”Taival”
карельский: ливвиковское наречие
Новописьменный ливвиковский
Petroskois
22. heinykuudu oli uvven Taival-almanuahan prezentatsii .Tänä vuon nägi päivänvalgien jo seiččemes tämänmoine julgavo .Sanakse , vuvves 2011 algajen se piäzöy ilmoih joga vuottu .
Prezentatsien allus almanuahan redaktoru Natalja Sinitskaja kerdoi "Taibalehen " histouries , sanoi , gu tänä vuon almanuahah on painettu 20 kirjuttajan tevostu .Tämän noumeran piäteemannu on Oma Mua -lehten da Oma pajo -horan 25-vuodehine jubilei da Antti Timozen 100- vuozipäivy .
Prezentatsiel oli äijy rahvastu , kuduat mielihyväl lugietah karjalan kielel .Pivos oli Kanzallizen poliitiekan ministran sijahine Jelizaveta Haritonova .Häi kehui karjalankielisty almanuahua , kiitti sen kirjuttajii , kuduat kirjutetah rakkahal karjalan kielel .
Aleksei Makarov , Periodika-julguamon johtai sanoi , ku paginal on "Taibalehen " registratsii joukkoviestimenny , sit sidä voibi tilata .
Almanuahan prezentatsiele oldih kučuttu erähät kirjuttajat .Sie oli Eino Timonen , Antti Timozen poigu , kudai lyhyösti saneli omas kerdomukses "Sikritta ".Tämä kerdomus on kirjutettu tovellizien tapahtumien pohjal da se kerdou jugies opastajan ozas , kudai tuli elämäh Karjalah Amerikaspäi 1930-luvul .
Kirjuttajien joukos oligi "Eloksen viehkuri " kerdomuksen kirjuttai Valentina Kondratjeva Anuksespäi .Häi kerdoi , gu otti kerdomuksen juondehen elaijas , da ližäi
vähäzen omua .Mielikuva tuli kogonaine .Prezentatsiel gost’at kuultih Valentina Kondratjevan karjalakse kirjutettuu runuo .
Taival-almanuahas paiči kirjutustu ongi kiännösty .Mugai uvves almanuahan noumeras voibi lugie Mihail Lermontovan runoelman "Mtsyri ", kuduan kiändi livvikse tundiettu kirjuttai da kiändäi Zinaida Dubinina .Kui sanoi iče Zinaida Timofejevna , häi valličči juuri tämän runon , sendäh gu Lermontov on hänen suvaittavii kirjuttii da runoilijoi .
Almanuahan prezentatsiel helizi kandelehen soitto da gost’at kuultih kaunistu karjalankielisty pajuo .Karjalan kielel pajatti Marija Sibeleva .
Prezentatsien gost’at mielihyväl kačottih da ostettih karjalan - da vepsänkielisty literatuurua .
Uuzi ”Taival”
карельский: ливвиковское наречие
Новописьменный ливвиковский