Тексты

Alina Gapejeva. Joga kuvas on lämmiä

подкорпус: публицистические тексты

Источник:

Oma mua. № 1, 2026, с. 2

Alina Gapejeva

Joga kuvas on lämmiä

карельский: ливвиковское наречие
Новописьменный ливвиковский

Jessoilan kirjastos
avavui
ozuttelu
, kudai
toi
äijän
hyviä
mieldy
da
innostustu
kylän
eläjile
. Omat
ruavot
ezitti
Helyläs eläi
ičeksehopastunnuh
taidoilii
Vadim Šeršnev.

Ozutteluh
kuuluu
läs
kaheksuakymmendy
eri
tabah
piirustettuu kuvua
. Nellikymmenvuodine taidoilii
piirustau
karandišal
, pastelimielal, akvarelil da
akriilal.
Bumuagas
libo
paltinas
luajitut
kuvat
rounoku
elavutetah
omua
Karjalua
. Kaččojat
nähtäh
kypsii
juablokkoi
juablokkupuus
, huolettomii
lapsii
kažinpoigazienke, lehmii
niityl
da
vahnoi
kirikkölöi
, kudamat
säilytetäh mennyzien
vuozien
histouriedu
.
Ozuttelun
kaččojat
sanotah
, ku
kuvis
kai
piirustetut tilat
ollah
tovellizet
rouno
.
– Kačot
kuvii
da
iče
rouno
puutut
sih
kohtah
, kudai
on
kuvas
, sanoi
eräs
kaččoju
. – Net
ollah
ihan
tovellizet
, kaččojes
tunnet
lämmän
tuulen
, kuulet
lehtien
šohinehen
, vien
čurčetuksen
.
Vadim suvaiččou
piirustua
lapsusaijas
. Nerokkahannu piirustajannu olles
häi
avvutti
omii
školadovariššoi
piirustua
urokoil
. Školan
jälles
häi
opastui
keittäjän
ammattih
da
lähti
armijeh. Loitton
koispäi
häi
jatkoi
omua
mieliruaduo
. Häi
čomendi
saldatoin
al’boumoi, seinylehtilöi
da
kai
artilleriilinnastu.
Tänäpäi
Vadim ruadau
myöjänny
srojumaterjualoin
laukas
, joudaval
aijal
jatkau
kehittiä
omua
neruo
, piirustau
ičele
hyväkse
mielekse
da
omahizih
niškoi
.
Vadiman nero
ei
ole
vie
tundiettu
kaikile
omamualazile
, ga
ozuttelus
rahvas
tiijustetah
hänes
da
suajah
vähäzen
päiväzen
valgiedu
da
lämmiä
, kudamii
tunduu
joga
kuvas
.