Тексты
Вернуться к списку | редактировать | удалить | Создать новый | Статистика | ? Помощь
Ovčarova Anastasija . Talvet ämmöläššä
Ovčarova Anastasija
Talvet ämmöläššä
карельский: собственно карельское наречие
Новописьменный севернокарельский
Mie
tahtosin kertuo miun lapšuon talvešta – konša mie aina vaštasin Uutta vuotta ämmön ta ukon kera .Mukava oli , jotta še oli šuvešša , Muššan meren rannikolla – Anapašša .Niin etähänä kotimualta , Tverin Karjalašta , eli miun ämmö .
Mie muissan kuin joka uuvvenvuuvven yönä kello 12 myö kaččoma ikkunašta ilotuliloih – ne oltih niin kaunehie , ta , a-voi-voi , kuin niitä oli äijän !
Šamoin myö kävelimä ukon kera vuuvven enšimmäisenä päivänä .Oli lämmin , kaupunki oli tyhjä ta hil’l’ani vesselän yön jälkeh , vain joka paikašša nurmikoilla oli värikkähie paperipalukkaisie ilotuliloista .
Vielä ykši muisto on epätavallisešta talvešta , konša miula oli 11 tahi 12 vuotta vuotta .Tavallisešti Anapašša ei ollun lunta .Oli oikein lämmin ta aurinkoini šiä , tuuli ta meri levähteli iänekkähistä ihmisistä .Vain en tiijä , mintäh , ka šinä talvena tovellah oli lunta .Ta niin äijän lunta (meijän pihalla enemmän yhtä metrie !), jotta liikeh kaupunkilla šeisahtu , ta talouštekniikkua tilattih Krasnodarista – Anapašša ei ollun omua .
Šamoin mie muissan kun myö koristima uuvvenvuuvven kuušta (Anapašša myötih vain mäntyjä ) neuvoštokoristeluilla ; kuin joka talvi parvekkehella ulvo tuuli ta kuin kerran kymmeneššä luokašša opaštuos’s’a mie läsiyvyin kovah flunssah ta äkkieh rupesin piiruštamah kaunehešti .
Miun šytämeššä on oikein äijän kallehie muisselmie , ka ei ole enyä ämmyö ta ukkuo , hyö mäntih pois .Šentäh kirjutan nyt tätä kirjutušta heijän muissokši ta kunnivokši .
Talvet ämmöläššä
карельский: собственно карельское наречие
Новописьменный севернокарельский