Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Kui parembi kiändiä karjalakse
Ol’ga Dubitskaja
Kui parembi kiändiä karjalakse
карельский: ливвиковское наречие
Новописьменный ливвиковский
Jovensuus
13. da 14. kylmykuudu piettih kiändämizen seminuaru .
Päivännouzu-Suomen yliopistos kaksi päiviä opastettih kiändämäh karjalan kieleh .Täh seminuarah yhtyi läs 30 hengie Ven’al da Suomespäi , net , kuduat maltetah karjalan kielen livvin libo vienan murrehtu .
Karjalaspäi seminuarale tuli kaheksa hengie ,niilöin luvus kirjuttai Ivan Savin , karjalan kielen aktivistu , Oma Mua -lehten toimittai Natalja Antonova , karjalan kielen kursiloin opastai Tatjana Baranova , Petroskoin valdivonyliopiston karjalan kielen opastai Svetlana Rudakova , Meliorativnoin školan karjalan kielen opastai Vera Noskova , Oma Mua -lehten toimittai Ol’ga Dubitskaja , vienankarjalaine Irma Aleksejeva , kudai Petroskoin yliopiston loppiettuu jatkau opastandua Suomes da Anastasija Šestak , kudai
opastuu itämeren-suomelazien kielien tiedokunnal toizel vuozikursal .
Kiännösseminuaru oli järjestetty Päivännouzun yliopiston vuozinnu 2015-2018 todevutettavan opastus -, tutkimusda kiännösprojektan hantuzis , kudamal opitah tugie karjalan kielen elavuttamistu .Tämän projektan tavoittehet ollah karjalan kielen elavuttamine , sen protsesan da kiändämizen tutkimus .Projektan ruadojoukos on kuuzi hengie da ohjavusjoukkoh kuuluu viizi hengie .
Kiändämizen seminuaral oldih kui luvendot , mugagi harjoitusruavot .Luvendolois sai kuulta Suomes aiga hyvin tundiettuu kiändäjiä Marja Jänisty , kudai kerdoi kiändämizen perustehih nähte , saneli , konzu Karjalas allettih opastua karjalan kieldy .Päivi Kuusi , kudai opastuu Jovensuun yliopistos , maltau karjalua da opastuu ven’an kieldy , sanoi kiännösprotsesas .Natalja Gilojeva kerdoi karjalakse kiändämizes , juohatteli , kui parembi kiändiä karjalakse da sih nähte , mittumih vaigevuksih jouduu toiči kiändäi , konzu pidäy eččie terminöi da on vaigei vallita paras da pädevin .Ilja Mošnikov omah vuoroh saneli karjalan kielen Wikipedias .
Karjalan kielen Wikipedia on olemas , vaigu nygöi se on inkubatoras .Gu karjalan kielen Wikipedia tulis tovellizekse , pidäy kirjuttua puolitostu tuhattu kirjutustu .Nygöi on kirjutettu vaigu läs 500.
Oldih seminuaral kiännösharjoituksetgi , kudualoil seminuarah yhtynyöt kiännettih tekstoi pienis joukkolois .Konzu kai kiännökset oldih luajittu , saimmo nähtä , ku net ei roittu yhtenmoizet , kai kiännökset oldih ainavoluaduzet .
Wikipedia-ruadopajas ilmestyi enämbi 15 uuttu Wikipedian luadijua da uuttu kurjutustu .Seminuaran ozanottajat nygöi maltetah , kui pidäy kirjuttua kirjutuksii , kui parembi kiändiä , kui kohendua da tallendua omii kirjutuksii .
Enne seminuarua jogahine sih yhtynyh sai kodiruavon – kiändiä tekstu karjalakse , kaččuo toizen ristikanzan kiännös , tallendua kiännös karjalan kielen Wikipediah .
Kiännösseminuaru jatkuu tulien vuvven allus .
Fakta
– Kiännösseminuaran toine oza roihes 29.-30. pakkaskuudu da kolmas – 22.-23. sulakuudu .
– Seminuaras suau lugie ližiä http ://kianna-hanke .blogspot .fi / -internet-sivul .
– Karjalan kieldy allettih opastua vuvvennu 1827 Petroskoin pappiseminuaries .
– Karjalan kielen elavuttamine Ven’al algavui 1980-luvul , a Suomes – 1990-luvul .
– Karjalan kielen Wikipedias nygöi on 45 kirjuttajua da läs 500 kirjutustu .
Kui parembi kiändiä karjalakse
карельский: ливвиковское наречие
Новописьменный ливвиковский
–
Дубицкая Ольга
Как лучше переводить на карельский язык
русский
–