Тексты
Вернуться к списку | редактировать | удалить | Создать новый | Статистика | ? Помощь
Darja Hil’. “Vepsän kul’tursebran” vastuz
Darja Hil’
“Vepsän kul’tursebran” vastuz
вепсский
Младописьменный вепсский
Voden
2025 tal’vkun lopus mäni "Vepsän kul’tursebran " suim .
Azjtegon ühtnikad tegiba organizacijan radon ühthevedoid , a mugažo pagižiba valdkundaližes rahatuges , mitte om oigetud vepsläižiden kelen da kul’turan kaičendaha i tradicionaližiden eländtahoiden kehitoitusehe .
Karjalan Valdkund sab federaližen rahatugen , miččen pala oigetas vepsläižiden etnokul’turižehe da etnosocialižehe kehitoitusehe .Vodel 2025 sil rahatugel vedetihe tradicionaližid vepsläižid praznikoid , jatkatihe sauvondradod Šoutjärven etnoparkas .Vepsläižiden küliden školiš pidetihe azjtegoid , miččed oli omištadud neniden školiden 220-voččele jubilejale da Suren Kodiman voinan vepsläižile gerojile .Federaližel rahatugel vedetihe vepsän kelen kursad , paindihe Nina Zaicevan "Minun vepsläine oza " -povest’ .Kaik ned projektad todenzoittas eloho ühthižtös valdkundan vepsläižiden organizacijoidenke da kundoidenke .
– Vepsläižid tugetas ani hüvin . Vepsän kel’t voib opeta školiš da universitetas , Änižrandan vepsläižiš küliš aigvoččil om voimuz kävuda vepsän kelen kursile .Paindas kirjoid , pästtas eloho lehtez da kulehtesed , tele - i radioprogrammoid .Vepsän kel’t kävutoittas mediasferas , se om jo sidotud nügüdläižiden tehnologijoidenke , pidetas erazvuiččid etnokul’turižid azjtegoid , – sanui "Vepsän kul’tursebran " pämez’ Larisa Čirkova .
Vodel 2025 "Vepsän kul’tursebr " tegi "Kul’tur da kel’ : tämbei , homen , kaiken " -projektan , miččen äjad azjtegod oli oigetud lapsile da norištole .Projektan päazjtegoiden lugetišhe putui Regionoidenkeskeine "Vepsläine sarn " -festival’-konkurs , sihe ühtniba lapsiden kollektivad Karjalaspäi , Piterin da Vologdan agjoišpäi .Nece festival’ om lujas tärged : sen abul lapsed da norišt tundištase vepsän rahvahan kelenke , kul’turanke da tradicijoidenke .
Mugažo vastusel pagištihe planoiš tulijaks aigaks .
– Jatktam vaumištada vaihištod Yandex-kändajan täht . Tahtoižim painda kirjan i tehta sen audioversijan .Kut tobjimalaz , planuičem rata ühtes školidenke , tegeškam erazvuiččid azjtegoid lapsiden da noriden täht , – ližazi sebran pämez’ .
"Vepsän kul’tursebr " -organizacii zavodi ičeze radon vodel 1989. Se abutab pätta problemoid da kehitoittas vepsän rahvahale , mitte putub Venäman igähižiden vähäluguižiden rahvahiden lugetišhe .
“Vepsän kul’tursebran” vastuz
вепсский
Младописьменный вепсский