Тексты
Вернуться к списку | редактировать | удалить | Создать новый | Статистика | ? Помощь
Darja Hil’. Karjalan rahvahiden dialog
Darja Hil’
Karjalan rahvahiden dialog
вепсский
Младописьменный вепсский
Voden
2025 tal’vkus Karjalan rahvahaližen da regionaližen politikan ministerstvas mäni Karjalaižiden , vepsläižiden da suomalaižiden ezitajiden ištund .Sen aigan oli letud koume sur’t küzundad .
Pähomaičuz oli kingitadud sihe , kuna anttas tugirahoid federaližes b’udžetaspäi "Valdkundaližen rahvahaližen politikan todenzoituz " -programman aigan .Dokladoidenke eziniba Karjalan rahvahaližen da regionaližen politikan ministerstvan erišton pämez’ Jelena Migunova i "Periodika "-painišton pämez’ Jevgenia Šustova .Hö starinoičiba , kut vodel 2026 planuitas abutada Venäman igähižiden rahvahiden etnokul’turižele , ekonomižele da socialižele kehitoitusele .
– Igähižiden rahvahiden täht om lujas tärged valdkundaline rahatugi , mitte anttas tradicijoiden , kul’turan da kodikelen kaičendaha . Nügüd’ mugoižed projektad pakičeba surid rahoid .Konz kodikeliden opendajid tugetas rahoil , heil om enamb voimusid , heiden motivacii kazvab .Se om völ tärktemb küliden eläjiden täht , sikš ku heiden radrahatuloid om paksus ani penid .Minä iče ühtnin vepsläižiden kundoiden tegemižehe Kalages da Kaskezas .Neniden kundoiden tugi abutad kaita tradicionališt elonladud , ozutesikš , kalatest .Tariž el’geta , miše kalanikad paksus oma vanhoiden mectuzmahtoiden kaičijad , a tradicionaline mectuz kadob lujas heredas .Ku mö kadotam sen , ka kadotam kogonaižen tedoalovehen – jäb vaiše muštlotesid , miččed mugažo kadoba aigan sirttes , – starinoiči Čalnan külän administracijan pämez’ Natalja Silakova .
Nataljan sanoiden mödhe , anttud rahoil om jo todenzoittud tärktad projektad , ozutesikš , "Vepsän kul’tursebran " dokumentaližed fil’mad , "Kalarand "-etnopark .Ned projektad abutaba ristituile rižada süväd sidod ičeze juridenke .Kaik , mi tehtas neniden projektoiden aigan , – kirjad , rahvahaližed praznikad , urokad kodikelil – pakičeb sur’t tuged .Konz mitte-ni školpredmet opetas kodikelel , sen material tegese eläban mahtišton palaks , ei vaiše urokaks .
Toižen suren ištundan teman oli vaumištamine lujas tärktaks istorijaliž-kul’turižeks aigtegoks – 800-voččeks jubilejaks siš päiväspäi , konz karjalaižed tegihe ortodoksižikš .Siš ičeze dokladas starinoiči Karjalan kul’turan ministr Aleksei Lesonen .Dokladas oli ezitadud tulijad praznikaližed azjtegod , festivalid , ozutelused , uded kirjad da kul’turjäl’gestusenke sidotud projektad – kaik , mi koskeb suren jubilejan praznuičendad .
– Mi koskeb 800-vottušt jubilejad , ka se om tärged etap Karjalan istorijas . Om hüvä znam , miše kanman jubilejad sur’ homaičuz kingitadas hengižen jäl’-gestusen udessündutandale .Ozutesikš , nügüd’ udištadas vanhoid pühäkodid da časounid .Nece om enamb , mi sauvond , sikš miše mugoižed sijad oma meiden ühthižen istorijan sil’minnägijad , kul’turan da uskondan kaičijad .Pühäsijoiden udessündutand abutab muštta , ked mö olem da kuspäi olem tulnuded , – jatksi Natalja .
Ištundan lopus ühtnikoile oli taritud tundištoittas voden 2026 Nevondišton radon plananke .
Karjalaižiden , vepsläižiden da suomalaižiden ezitajiden ištund pidetas kerdan voz’nelländeses .Niiden aigan diskutiruidas valdkundan igähižiden rahvahiden aktualižiš temoiš da problemoiš .
Karjalan rahvahiden dialog
вепсский
Младописьменный вепсский