Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Uvvet kirjutukset Wikipediah
Ol’ga Dubitskaja
Uvvet kirjutukset Wikipediah
карельский: ливвиковское наречие
Новописьменный ливвиковский
Jovensuus
29. da 30. pakkaskuudu piettih toine kiändäjien seminuaru , kuduas opastettih kiändämäh karjalakse kirjutuksii Wikipediah näh .
Täl kerdua , kuigi mennyt kerran Kiännä !-seminuarale tuli äijy rahvastu , kuduat tahtotah opastuo hyvin kiändämäh karjalakse .Paginal ollahgi Wikipediah niškoi kiännettävät kirjutukset .
Wikipedia on ilmaine "välly entsiklopedii ", kuduadu kirjutetah iče rahvas .Wikipediadu on olemas muailman monil kielil .
Kiännä !-projektan piätavoittehennu on luadie Wikipedia karjalan kielelgi .Nygöi karjalankieline Wikipedia on "inkubatoras ".Se merkiččöy sidä , gu entsiklopedii jo on olemas , ga se ei ole valmis da sie ei ole äijiä alallistu kirjuttajua .
Ku karjalankieline Wikipedia piäzis "inkubatoraspäi ", sie pidäy olla puolitostu tuhattu kirjutustu .Nygöi livvin Wikipedias on 628 artikkelii .Enämbi 20 uuttu kirjutustu ilmestyi juuri mennyt kerran Wikipedian ruadopajan aigua .Sidä paiči tärgei dielo Wikipedian luajindas on kirjutuksien kohendamine .Pidäs , ku "välläs entsiklopedies " olis hos mittuinetahto aktiivižus .
Nygöi Wikipedias ollah moizet aihiet kui yhteiskundu , istourii , tekniekku , sportu da joudoaigu , tiedo , muailmannägemys , kul’tuuru da on suuri ozasto , kudai on omistettu Karjalale .Sinne pidäy kirjuttua kai , mi koskou Karjalan tazavaldua da karjalastu rahvastu .
Kai Kiänna !-seminuarah yhtynyöt mielihyväl kirjutettih da kiännettih uuzii kirjutuksii Wikipediah .Kai net tahtottas , ku karjalazil olis oma entsiklopedii , Wikipedia omal kielel , ku rahvas voidas käyttiä sidä tuliel aigua .
Kirjutuksien kiändämine Wikipediah näh ei ole moine kebjei ruado , kui ozutahes .Enzimäi pidäy vallita aihe , kudai on sinule lähäl da kuduadu sinä hyvin ellendät .Sit pidäy kiändiä kirjutus muga , ku se olis ellendettävy , ku se pädis Wikipediah , sehäi on "välly entsiklopedii ", kuduadu käytetäh hyväkse tieduo eččijes eri rahvas .
Ongi toine taba .Voibi vallita ičele uuzi da tundematoi aihe , kuduas kai sinule on uuzi .Sit enzimäi pidäy ellendiä se tiemu , piästä perile da vaiku sen jälles ruveta kiändämäh karjalakse .Täs ruavos jygei šeikku on kiändiä iče sanat , a sit kai terminät , kuduat ollah kirjutukses .Puaksuh jygevin ruado on terminöin karjalakse kiändämine , sendäh ku net ollah ihan uvvet sanat , libo sanat , kudamii käytetäh tietyl alal .Toiči pidäy kaččuo , kui nämmä sanat ollah kiännetty sugukielilöis , sanommo suomen libo viron kielis .Libo ottua uuttu sanua laihinah ven’an kielespäi , ku se variantu on parembi .
Wikipedias on hyvä se , ku kirjutuksii voi kohendella jogahine , ken , sanommo , nägi hairahtuksen libo tiedäy parembua pättävembiä sanua .Sendäh ei pie varata kiändiä Wikipediah näh , ku kai hairahtukset jällespäi kohendetah .A ku roinnou karjalazil oma entsiklopedii , sit tulieloil sugupolvil rodieu ližiä lugemistu karjalan kielel .
Seminuaru jatkuu jo sulakuus .
Fakta
– Wikipedia on kirjutettu 291 kielel .
– Karjalan Wikipedias on kolme murrehtu – viena , liygi da lyydi .
– Kaikkiedah livvin Wikipedias on 59 kirjuttajua , niilöis 30 ollah aktiivizet .
– Livvinkarjalas Wikipedias on vältämättömien kirjutuksien luvettelo .
– Ku Wikipedia piäzis "inkubatoraspäi " pidäy kirjuttua lähes tuhattu kirjutustu .
Uvvet kirjutukset Wikipediah
карельский: ливвиковское наречие
Новописьменный ливвиковский
–
Дубицкая Ольга
Новые статьи для Википедии
русский
–