Ошибка:
Permission denied
Тексты
Вернуться к списку | редактировать | удалить | Создать новый | Статистика | ? Помощь
Tatjana Torvinen. Mäneššykšen avuanta eččimäššä
Tatjana Torvinen
Mäneššykšen avuanta eččimäššä
карельский: собственно карельское наречие
Новописьменный севернокарельский
Pakkaiskuun 29.–31. päivinä
Petroskoissa piettih XVII tašavallan yhteiskunnalispedagogini Mäneššykšen avuan -forumi .Tilaisuš oli omissettu Venäjän kanšojen yhtevyön vuuvvella .
Pedagogien forumi keräsi yli 200 opaštajua Karjalašta , Murmanskin alovehelta ta Moskovašta .Tilaisuot vietettih Karjalan opaššukšen kehityšinstituutin ta 13. lysejon tiloissa .
Forumi starttasi interaktiivisešta Na vospitanije stanovis’ ! -opaššuššeikkailupelistä .Jotta šuaha simvolisen piäšyluvan tilaisuoh , kulta-avuamen , opaštajien piti ošallistuo muasteri-oppiloih .Niissä ošallistujat čukellettih karjalaisen folklorin , nykyaikasien opaššušteknologijien ta luovien pedagogisien ratkaisujen aiheih .
Forumin kulttuuriohjelmašša oli luovie iltoja ta spektaklija .Enšimmäisenä päivänä opaštajat käsiteltih tärkeitä pegagogisie projektija .Niijen luvušša oli Luokan opaštajien forumi ta Kylän opaštaja -ohjelma .
Forumin kulttuuriohjelmašša oli luovie iltoja ta spektaklija .Enšimmäisenä päivänä Šuojun koulun Versija-teatterikollektiivi näytti Leškiakkojen höyrylaiva -spektakli , kumpani toi opaštajilla kirkkahie vaikutelmie .Šamoin opaštajat vietettih teatterimaiset avajaiset "Buratinon šeikkailujen " mukah , esiteltih piirien joukkoja ta ošallissuttih väittelyih .
Šamoin enšimmäisenä päivänä opaštajat käytih luovašša Sl’udarium-tilašša , missä arvoššettih šen mahollisuot ekskursijoja ta projektityötä varoin .
– Alku oli mainijo ! Päivä oli tosi rikaš – še toi mukavie esitykšie , tiijollisie muasteri-oppija , oikein hyvyä mielialua .Näytelmä lopetti enšimmäisen päivän ta herätti eri tuntehie , kirjutti omista vaikutelmista Lahenpohjan piirin Tounaa-pos’olkan koulun opaštaja Ol’ga Kornijenko Karjalan opaššukšen kehityšinstituutin VK-šivulla .
Toisen päivän nimi oli "Koulun kuot’t’eluš : opaštaja ta opaštuja ".Forumin ošallistujat vietettih oppituntija 13. lysejon opaštujilla .Ohjelmašša oli 22 oppituntie ta työpajua .
– Mäneššykšen avuan -forumin rajoissa 11M-luokan opaštujat ošallissuttih Moskovan 1520. gimnasijan matematiikan opaštajan Aleksei Doroninin oppituntih . Aihiena oli Poikeukšellisien tehtävien erähät ratkaisukeinot .Aleksei Vladimirovič näytti epätavallisen luovan ajattelutavan tärkevyttä vaikeijen tehtävien ratkaisomisešša .Šiitä hiän kerto opaštajilla uušista pedagogisista keinoloista , nykyteknologijien käytöštä ta uušien opaššuškirjojen mahollisukšista , kerrotah Petroskoin Akatemisen lysejon VK-šivulla .
– Tounaa-pos’olkan koulun opaštaja Ol’ga Kornijenko ta Porajärven koulun kašvatušneuvonantaja Natalja Smirnova vietettih tunti 2. luokan opaštujilla Yštävyön aihiešta . Tunnissa lapšet kačottih Ei ole varačču eikä pettäjä -filmi , juteltih šiitä ta luajittih tehtävie .Lapšet oltih hyvällä tuulella ta muhittih , kirjutetah Tounaan koulun VK-šivulla .
Forumin kolmantena päivänä Avuamma Karjalua yheššä -tilaisuon rajoissa halukkahilla oli mahollisuš käyvä Čalnan pos’olkah .
Forumin järještäjinä ollah Karjalan tašavallan opaššušta urheiluministerijö , Karjalan opaššukšen kehityšinstituutti ta Karjalan tašavallan opaštaja -kanšalaisjärještö .
Mäneššykšen avuanta eččimäššä
карельский: собственно карельское наречие
Новописьменный севернокарельский