Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Karjalan kieli – Kruugah!
Ol’ga Dubitskaja
Karjalan kieli – Kruugah!
карельский: ливвиковское наречие
Новописьменный ливвиковский
On
ainos hyvä mieli kuulta , konzu kustahto ruvetah opastumah karjalan kieldy .Nygöi eräs moizii kohtii on Kruuga-ansambli .
Kruuga-ansambli on lapsien folklourujoukko , Ven’an ezikuvalline kollektiivu , kuduadu tietäh ei vaigu Karjalas .Kruuga-ansambli on perustettu pakkaskuus vuvvennu 1992 da tulien vuon se rubieu pidämäh omua vuozipäiviä .Silloi , vastevai OTZ-zavodaspäi tulluh endizen Kareločka-ansamblin piälikkö Svetlana Gretskaja perusti Kruuga ansamblin , kuduas sil aigua oli vaigu 20 hengie .Sit ansamblih tuldih horeografat , soittajat , pajattajat .Nygöi ansamblis on enämbi 300 hengie , on oma liitto "Folklouruteatru "Kruuga "."Kruugan " taido-ohjuajannu sen perustamizen päiväs on Svetlana Gretskaja .
Kruuga-ansamblin lapset opastutah Svetlana Gretskajan luajitun programman mugah , kuduas tärgevimäl kohtal ollah suusanalline folklouru , perindölline pajattamine , horeogruafii da soittimil soitandu .
"Kruuga " monen kerdua rodih Ven’an da ulgomualoin kilvoin da festivualiloin diplomantakse , laureatakse , Gran-pri :n suajakse .
Tänävuon ansamblin projektu voitti Kanzallizen poliitiekan ministerstvan kilvas da "Kruuga " sai den’gua tazavallan b’udžietaspäi .Tämän projektan mugah ansamblis ruvettih opastumah karjalan kielen livvin murrehtu .
Karjalan kieldy opastutah keski-igäzet ansamblilazet , vahnembaine joukko da kai ansamblin pedagougatgi .Kielen opastumine on kruugalazile mieldy myö .Monet lapset kävväh karjalan kielen urokkoih mielihyväl .
Pieni Emil’ Pol’akov , kudai opastuu viijendes kluasas , sanou , ku hänele on mieldy myöte opastuo karjalan kieldy .Ei ole moine kebjei , ga ei ole ni jygei , se on mieldykiinnittäi .Opastuo uuttu kieldy ainos on hyvä .
Kyzymykseh , pidäygo jogahizele opastuo karjalan kieldy ,
Emil’ vastai , ku pidäy :
– Karjalua pidäy opastuo niilöil , kuduat eletäh Karjalas , libo niilöil , kuduat tahtotah paista toizis ristikanzois peitoči .
Iče Emil’ ei ni ovvostannuh , ku rubieu opastumah karjalan kieleh , hänel ei olluh mostu ajatustu .A nygöi , konzu brihačču opastuu karjalan kieldy , häi jo ei tahto jättiä urokkoi .
Školan n :o 42 opastui Diana Kirpičnikova sežo mieldyi karjalan kieleh , häi jo ammui tahtoi opastuo tädä .Dianan mieles kaikile , ket eletäh Karjalas , pidäy tiediä karjalan kieldy .Dianale kielen opastumine on hyövylline sendäh , ku tytön buabo da died’oi eletäh Suomes , a suomen da karjalan kielet ollah lähäzet .
Kuvvenden kluasan opastui Nast’a Prihod’ko sanou , ku opastuo karjalan kieldy on ylen kiindožu da hänele se on hyövylline vie sendäh , ku Nast’an muamo tahtou työndiä tyttösty opastumah Suomeh .Nast’an buabo on karjalaine , häi maltau karjalakse da on hyväs mieles , ku bunukku opastuu karjalua .Nast’an mieles vältämättäh pidäy opastuo karjalan kieldy , ku se ei unohtus , ei kaduos .
On "Kruugas " mostugi lastu , kuduat ei suurel himol kävvä karjalan kielen urokoile .Sanommo , Denis Solovjev kävyy opastumah karjalan kieldy , ku se pidäy ansamblis pajattajes da sendäh , ku häi on vastuonalaine brihačču .Denisan mieldy myö kaikil pidäy opastuo tädä kieldy sendäh , ku ei sua tiediä , mi eläjes pädöy .
Lapsil ollah moizet mielet , a pedagougoil ollah omat .Natalja Lebed’ sanou , ku häi opastuu karjalan kieldy hyväl mielel .Naizel äijän kerdua juohtui mieleh ottavuo karjalan kielen opastumizeh , tarkah sanuo se on jo kolmas ottavus .Enzimäine oli Kantele-ansamblis , sit mulloi Kulkuset-ansamblis da nygöi "Kruugas ".
– Da vai nygöi virei mieli karjalan kieleh , hos minul ei ni ole karjalastu juurdu , sanou Natalja .
Kyzymykseh , midä mieldy oldih kruugalazien lapsien vahnembat , konzu tiijustettih , ku ansamblis ruvetah opastamah karjalan kieldy , "Kruugan " pedagougu sanoi , ku hyö oldih hyväs mieles .
Karjalan kieli – Kruugah!
карельский: ливвиковское наречие
Новописьменный ливвиковский
–
Дубицкая Ольга
Карельский язык – в Круугу!
русский
–