Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Šulkun iänet
Ol’ga Dubitskaja
Šulkun iänet
карельский: ливвиковское наречие
Новописьменный ливвиковский
Kevät
on moine vuvvenaigu , konzu kai muailmu havaččuu , kukkiu .Vikse sendäh juuri nygöi Kanzallizien kul’tuuroin keskukseh avavui uuzi ozuttelu "Šulkun iänet ".
"Šulkun iänet " on dekoratiivis-käytöllizen da nygyaigazen taijon ozuttelu . Minul puutui kävvä täh ozutteluh jo enne sen avuamistu .Sie Tatjana Vajan , Muasteriloin gil’dien johtai , kerdoi minule ozuttelus , sen aihies , muasterilois da ozutteluezinehis .
Ozuttelun järjestäjät tahtottih jatkua Naizien päiviä da luajittih moizen ozuttelun .Kevät on tundoloin da tahtoloin aigu .Keviäl himoittau nähtä čomuttu omas ičes ymbäri .Čomuttu da moudua hyvin tundietah juuri naizet .Šulkun iänet -ozuttelu on omistettu enimite naizile .
Tädä čomuttu lahjoitettih naizile Ven’an taidoilijoin Liiton Karjalan ozaston , Dizaineroin Liittoh da Muasteriloin gil’dieh kuulujat neroniekat .Niilöin joukos on miesty da nastu .
Ozuttelus voibi nähtä kuvondua , sobua , kuvua , luun da puun kaiverdamistu da muudu .Vladimir Balandin , luun kaiverdamizen muasteri , ozutti kaunehet škatulit da čomendukset , kuduat häi azui mamontan suuris hambahis .Ozuttelus on Vladimir Babkinan puus kaiverdettuloi škatuliloi , sugii .Aleksandr Kazakov kaiverdau puus interjeran kuvua .Ozuttelus voibi kaččuo hänen Pagin -kaiverdettuu kuvua .Valerii Košelev lahjoitti naizile oman tevoksen "Lendo päivästy korgiembal ".Sen valgei väri merkiččöy mielen da čomuon puhtahuttu .Leonid Glazunov luadiu naizih näh puuhizii astieloi .Anatolii Titov andoi ozutteluh oman puus vestetyn "Ščelkunčikan ".
Ozuttelus ongi Natalja Kuz’minan felting-keinol luajittuu sobua – pluat’t’ua da kost’umua aksessuaroinke .Anukselazet Julija Žuravl’eva da Irina Tikkujeva tuodih omua kuvottu palantinua .Klavdija Vikulova ozutti oman Barhatsi-hurstin .
Ylen čomat luajilmukset – vejeru , salfietku da čomendukset – oldih Irina Vlasoval .Kai nämä vehkehet ollah kokl’uškoil nieglotut .
Ol’ga Rtiščeva luadi molodoloin tytit butilkois .Hyö ollah riidavuksis da sendäh seizotah sellin toine toizeh .Toine tyttilöin puaru on luajittu ruadulangas , nahkas , st’oklas , puus da kruuževos .Sanakse , Ol’ga Rtiščeva , konzu kerdoi minule omis tyttilöis , oli iččeh ommeltus žilietäs , kuduan häi kirjoindi biiseral .
Ozutteluzualan seinil riputah tilkulois ommeltut kattiet , pyhkimet da pannot , kuduat luajittih Natalja Jedemskaja , L’udmila Kotova da Jelena Petrova .
Täh ozutteluh on kerätty kai – kukat , kirkahat da pastelivärit .Sie jogahine voibi löydiä midägi ičele mieldy myö .
Šulkun iänet -ozuttelu rubieu ruadamah kevätkun 29. päivässäh adresil Kirovan piha , 13.
Šulkun iänet
карельский: ливвиковское наречие
Новописьменный ливвиковский