Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Arhiivan peittožuot
Ol’ga Dubitskaja
Arhiivan peittožuot
карельский: ливвиковское наречие
Новописьменный ливвиковский
Arhiivu
(latinalazes sanas "archivum " da griekoin kielen sanas "άρχεϊον") on moine laitos , kudai pidäy , komplektuiččou , registriiruiččou da käyttäy dokumentoi .Paiči sidä arhiivah kerätäh tärgielöi dokumentoi , käzikirjutuksii laitoksis da ristikanzoispäi .
Arhiivan jogapäiväine ruado
Kaikin tietäh , ku on olemas moizii laitoksii , kui arhiivat .Minägi tiezin , ga nikonzu en ajatelluh , ku niilöin ruado on moine mieldykiinnittäi da hyövylline .Moine ruado on Karjalan tazavallan kanzallizes arhiivasgi .Sie pietäh ruokos dokumentoi ei muga , kui kois libo ruavos .Vahnoi arhiivudokumentoi pidäy pidiä erinomazis ilmasto-ololois , ku net säilyttäs hätkembän da meijän jälgeläzet voidas lugie niidy .
Arhiivaspäi rahvas otetah erilazii tovestuksii , sanommo , penzieh näh .Sie ollah kai dokumentat , kuduat koskietah ruaduo da niidy säilytetäh 75 vuottu .Paiči sidä jogahine ristikanzu voibi tutkie arhiivas olijoin dokumentoin vuoh omua suguu .
Paiči dokumentoin säilyttämisty arhiivas on äijy muudu ruaduo .Pidäy ottua da andua dokumentoi rahvahile , kerätä dokumentoi bumuagudieloloih , lajitella fotokuvii , restauriiruja dokumentoi .
Arhiivan peittožuot
Arhiivas ongi mieldykiinnittävembiä ruaduo .Toiči arhiivan ruadajat kirjutetah kniigoi , luajitah fil’moi da ozutteluloi , pietäh konsertoi , yhtytäh Muzeiloin yö -pidoh , a toiči pietäh "Arhiivoin yödy ".
Moine "Arhiivoin yö " oli 25. kevätkuudu .Sanakse , se oli jo toine "Arhiivoin yö " da se oli omistettu Ven’an arhiivoin päiväle , kuduadu pietäh 10. kevätkuudu .Sinäpiän arhiivan seinis oli Arhiivan peittožuot -pido , kuduan hantuzis oli pruazniekkuildu da arhiivutiijolline kvestu-ekskursii "Todevuon eččo ".Todevuon eččo -kvestas oli ekskursii arhiivua myöte , sie oli kaheksa azetuskohtua , kudualois kerrottih , midä luajitah arhiivan spetsialistat , sie rahvahale ozutettih arhiivan peitožuksii .
Net , ket oldih täl ekskursiel , suadih nähtä arhiivan muanalastu huonustu , "Arhiivoin yöl " gostil puutui siirdyö vuodeh 1962, konzu oli srojittu uuzi arhiivan taloi .
Oligi sie Fotogallerei-azetuskohtu , kuduas oli äijy vahnua fotokuvua da niilöiln piäl oli kirjutettu nägymättömil černilöil .Nämmii kirjutuksii pidi kačella erinomazen fonarin avul , kuduanke ruatah tovellizet arhivistat .
Sidä päiči oli kaksi master-kluassua .Histourien silmänlipahtukset -master-kluasas ozutettih da saneltih , kui oigieh pidäy pidiä da panna ozutettavakse fotokuvii , kui arhiivas restauriirujah negatiivoi , kalvoloi , fotokuvii .
Toine hengitys -master-kluasan ozanottajat suadih nähtä , kui vahnois , revinnyzis dokumentois loukkoloinke luajitah hyvät dokumentat , kudamii uvvessah suau lugie .Dokumentoin restauratsii on pitky , vaigei ruado .Enzimäi pidäy kleijä pohju , sit kuivata dokumentu , sen jälles pidäy leikata bumuagan liijat palat da vaigu sen jälles panna dokumentu järilleh bumuagudieloh .
Kvestan jälgimäzenny azetuskohtannu oli arhivistoin "ristindy ".Sie jogahine , ken piäzi kvestas läbi , sai arhivistan tovestuksen .
Kuni yhtet tiijusteltih arhiivan ruavos , toizet kuunneltih XX-vuozisuan algupuoliškon pajoloi da romansoi , kudamii pajatettih Boris Moskin da Ol’eg Skobelev , Kižimuzein ruadajat .Siegi Stražnik-kluubalazet saneltih omas kluubas da voinuhistouries , a karjalaine neidine lugi saldatan kirjastu , kudai oli kirjutettu vuvvennu 1915.
Moizet pivot ollah uuttu tieduo andajat da mieldykiinnittäjät eri-igäzile .
Fakta
– Karjalas arhiivan ozasto perustettih vuvvennu 1918.
– Karjalan tazavallan Kanzallizes arhiivas on enämbi kahtu miljonua dokumentua .
– Nygöi arhiivas ruadau enämbi sadua hengie .
– Arhiivas pietäh bumuagu -, foto -, fono - da videodokumentoi .
– Yksi sangevimis dokumentois arhiivas painau enämbi 11 kiluo da sen järevys on läs 40 sentii .
– Arhiivan ruadajat löyttih dokumentois vahnua kirjutushöyhendy da kai erähäs kirjas paikkaine .
Arhiivan peittožuot
карельский: ливвиковское наречие
Новописьменный ливвиковский
–
Дубицкая Ольга
Архивные тайны
русский
–