Тексты
Вернуться к списку | редактировать | удалить | Создать новый | Статистика | ? Помощь
Ol’ga Dubitskaja. Kondupohjan muzei
Ol’ga Dubitskaja
Kondupohjan muzei
карельский: ливвиковское наречие
Новописьменный ливвиковский
Joga
ristikanzal , kohtal da vehkehel on oma histourii .Histourien säilyttäjänny on muzei .Muzei keriäy , säilyttäy da ozuttau rahvahale vahnoi vehkehii .
Linnan histourien säilyttäi
Kondupohjas on oma muzei – Kondupohjan piirin muzei .Muzei sijoitui ihan linnan keskučah , Proletarskaja pihale , 13.
Kondupohjan muzei oli perustettu vuvvennu 1984.Se kerdou da ozuttau Kondupohjan piirin histouriedu .Muzeis ollah kui alallizet , mugai väliaigazet ozuttelut .Yksi alallizis ozuttelulois on "Kui seppy Ilmoilline sulhaizikse kävyi ".Tämä ozuttelu on interaktiivine , sie suau kuulta "iändy " da kaččuo videoloi .Iče ozuttelu kerdou lyydiläzien histouries , heijän eloksen tavois da perindölöis .Zualas ollah eriluaduzet brujat , ruadovehkehet , kalan pyvvändynevvot , kodivehkehet , kuožalit , astiet , da kai regi da aidu .On muzeis syömizien retseptukniigoi , sinne on kerätty lyydiläzis kirjutettuu ainehistuo .Täs zualas suau nähtä fotokuvua – vahnua da uuttu , kuduat ozutetah lyydiläzien nygösty da ennevahnastu elaigua .Kuvis suau nähtä lyydiläzien svuad’boigi .
Muzeis on audioarbaituksii , kuullokkehien vuoh voibi kuunnella iändy da sit oppie arvata , mis on pagin .A ku et voinnuh arvata , voibi kaččuo arbaituksen vastavustu čomazes .
Toine muzein zualu on "Oniegantagazen piirin metallu da kivi ".Tämä ozuttelu ruadau vuvves 2009 da ozuttau Kondupohjan piirin metalluvehkehii .Niilöin joukos ollah puuškien jadrat , kello , huuhmar da petkel , vaskikopeikoin keräilemy da muudu rauduvehkehty .
Sie on ozutettavannu Belogorskoi mruamoru .Se on valgei da sit mruamoras luajittih kolonnua da suveniirua , kudamii sežo suau nähtä Kondupohjan muzeis .Erähät niilöis ollah luajittu XX-vuozisuan lopus .
Muzein kolmandes zualas on Kondupohjan vezistansien da sel’l’ulouzu - da bumuagukombinuatan "histourien vuitti ".Sie ei ole äijiä ozutteluezinehty Suuren Ižänmuallizen voinan periä .Yhtelläh siegi suau nähtä mieldykiinnittäjiä eksponuattua – 1940-luvun andilahan ruutat , čuajut gaziettukul’azes , sobien pezomuilu da fotoapparuattu .Paiči sidä muzeis on äijy vahnua dokumentua , fotokuvua , gaziettua da muudu vehkehty .
Kaikkiedah Kondupohjan piirin muzeis on läs 2 000 eksponuattua .
Erähän kollektsien histourii
Säilytetty mustoezineh -nimine ozuttelu avavui Kondupohjan piirin muzeis 7. sulakuudu .Ozuttelun avajazis oli äijy rahvastu – Kondupohjan linnan herrat , kodialovehen histourien tiedäjät , žurnalistat , opastajat , školalazet .Ozuttelun avajazih tiettäväine oli kučuttugi Valerii Lazarev , kollektsien omistai ."Säilytetty mustoezineh " on persounalline kollektsii , kudai tuodih Kondupohjah Petroskoispäi . Tämä keräilemy ozuttau vuozien 1935-1941 Ruskein armien da Suomen armien vojennoidu formusobua .Vuvvennu 1982, yliopiston opastujannu olles , mies löydi buaban kois vuiškal , sugulazen bud’onovkan .Se rodih Lazarevan kollektsien enzimäine eksponuattu .
Täs ozuttelus on 33 formusovan ezikuvua , niilöin joukos ollah Ruskien armien saldatan – jalguväin , artilierien , tankistoin da lendäjien – formusobua .Ollahgi sie saldatoin persounallizet vešit , liäkärin šalgu , hengityssuojukset , kattilazet .Valerii Lazarevan kollektsies kai vehkehet ollah ylen hyväs kunnos .Miehen kollektsies on kai suomen saldatan pyöry .
Säilytetty mustoezineh -ozuttelu on omistettu Ižän muallizes voinas Voiton 71. vuozi päiväle da se rubieu ruadamah oraskuun 12. päivässäh .
Fakta
– Kondupohjan piirin muzei oli perustettu 28. kezäkuudu vuvvennu 1984.
– Muzein huolenpivos on Uspenskoi kirikkö .
– Kondupohjan muzeis vuvvennu 2015 kävyi 21339 hengie .
– Muzeih kävyy 30% ulgomualastu da 70% Ven’an eläjiä .
– Muzeih kävyi turistua Frantsies , Germuanies , Suomes da Itaaliespäi .
– Muzeil on 11 interaktiivistu urokkua .
– Muzeis ruadau Maugryprogrammu .
– Kondupohjan muzei sijoittuu kolmes kolmepertihizes fatieras .
Fakta
– Valerii Lazarevan keräilemäs on enämbi 600 eksponuattua .
– Keräilemine on Lazarevan mieliruado .
– Valerii yhtyi kahteh prezidentan ozutteluh : vuvvennu 2014 Kirovskas piettyh Proriv-ozutteluh da vuvvennu 2015 Piiteris piettyh Berlinan valloittamine . Fluagukandajien urhotego -ozutteluh .
– Uuzii eksponuattoi mies ostau Internetas da keräilijöin fourumois .
– Mies säilyttäy kai eksponuatat pättävis ilmasto-ololois .
Kondupohjan muzei
карельский: ливвиковское наречие
Новописьменный ливвиковский
–
–
Дубицкая Ольга
Кондопожский музей
русский
–
–