Тексты
Вернуться к списку | редактировать | удалить | Создать новый | Статистика | ? Помощь
Maikki Remšujeva. Hiperboreja oli omissettu urheilulla
Maikki Remšujeva
Hiperboreja oli omissettu urheilulla
карельский: собственно карельское наречие
Новописьменный севернокарельский
Hiperboreja-festivali piettih
Petroskoissa XXV kertua .Tänä vuotena festivalin teemana oli urheilu .
Viime netälinloppuna Petroskoin rantakavulla vietettih kanšainvälini Hiperboreja-talvifestivali .Juhlavuuvven festivali omissettih Venäjän urheilulla , šen šuavutukšilla ta legendarisilla urheilijilla .Tapahtuma keräsi šatoja kaupunkilaisie ta vierahie eri puolilta Karjalua ta Venäjän toisilta alovehilta .
Festivalin piäpäivänä rahvahalla tarittih luaja ohjelma : luovie kilpailuja , pelijä , interaktiivisie tehtävie šekä konsertti .Onegan rantakavulla oli esillä lumi - ta jiäveššokšie .Kilpailu järješšettih jo 25. kerta ta šiih ošallistu 86 veštäjyä eri puolilta Venäjyä , kuin Piiteristä , Moskovašta , Arhankelin ta Murmanskin alovehilta , šekä Serbijašta ta Kiinašta .Mukana oli niise karjalaisie muasterija .
Festivalin loppuseremonijah ošallissuttih olimpijavoittajat Jevgenija Medvedeva-Arbuzova ta Vladislav Larin šekä ammattilaisnyrkkeilyn muailmanmeštari Eduard Trojanovskii .Karjalan tašavallan piämieš Artur Parfenčikov kiitti kaikkie tapahtuman järještämiseh osallistujie ta korošti , jotta Hiperboreja on kašvan merkittäväkši talvisimvoliksi koko alovehella .
– On ilo nähä , jotta Hiperboreja yhistäy luovuon , urheilun ta yhteisöllisyön . Tämä juhla innoštau uuših voittoih , kuin šuurih , niin ni pienih , totesi olimpijavoittaja Vladislav Larin .
Päivä alko perintehellisellä "Tähtien huomenešvoimistelulla ", mitä johti kakšinkertani olimpijavoittaja Anna Bogalii .Ohjelmašša oli niise voimailunäytökšie , perehkilpailuja ta Juoksijat Hiperborejan valot -harraštajajuokšu .Festivalikentällä järješšettih käsityöjarmankka , kalaššuškilpailu šekä Kiži-musejon interaktiivini ohjelma .
Juhlapäivä loppu musiikkiesitykših , pirotekniseh ohjelmah šekä lumi - ta jiäveššoškilpailun voittajien palkiččomiseh .
Lumiveššokšien kilpailun Pieni kuutijo -nominatijošša voitti Kontupohjan joukon Rautani lyöntä -veššoš , a Šuuri kuutijo -nominatijon voittajakši tuli moskovalaisien muasterien Šyväššä-veššoš .Jiäveššokšien kilpailušša piälahja myönnettih Matka Olimpih -veššokšella (Arhankeli , Petroskoi ).
Hiperboreja oli omissettu urheilulla
карельский: собственно карельское наречие
Новописьменный севернокарельский