Тексты
Вернуться к списку | редактировать | удалить | Создать новый | Статистика | ? Помощь
Oma Pajo viritti Salmih karjalazen kybenyön
Oma Pajo viritti Salmih karjalazen kybenyön
карельский: ливвиковское наречие
Новописьменный ливвиковский
Tänä vuon
Anuksen karjalazien liitto da Oma Pajo -hora jatketah yhtehisty projektua "Oniegas Luadogah suate ", kudai algavui vuvvennu 2025.Mennyön nedälin lopus omapajolazet käydih Salmih .
Salmin keskiškolas karjalaine "Oma Pajo " vastavui kyläläzien da Salmin kul’tuurutaloin Fejerija-teatrujoukon kel .
– Se oli suuri ihastus , ku salmilaine teatrujoukon rahvas enzi kerdua opittih paista karjalakse . Ozutukseh yhtynyöt lapsetgi hyvin opastuttih da sanottih karjalazii sanoi , kerdoi omapajolaine Natalja Bogdanova .
Pyhänpiän Salmin školas Oman Pajon horaniekat ozutettih lapsile omua programmua "Mindäh karjalaine kojua syöy ", kerrottih karjalazien perindölöis da tavois .
Konsertas omapajolazet pajatettih karjalazii pajoloi .Kaččojien joukos oldih Pitkäsrannaspäi tulluot Armas randaine -joukon pajattajat .
– Yhtes Pitkänrannan pajattajien kel hol’aitimmo Terveh , Karjal -pajon . Zualas istujatgi pajatettih myödäh .A konsertan jälles meile tuli anukselaine naine , kudai eläy Salmis da myö kylläl pagizimmo livvikse .Uskon , ku viritimmö Salmih karjalazen kybenyön , sanoi Natalja Bogdanova .
Projektan mugah lähimäzet omapajolazien kävelykset roitah Petroskoin školih .Kevätkuun 13. päivänny pajattajat lähtietäh Čalnan kyläh , kus heil rodieu vastavus sigäläzen Bes’odaine-pajojoukon kel , kudual kevätkuus on suuri merkipäivy .
Projektua "Oniegas Luadogah suate " pietäh Ven’an prezidentan grantufondan kannatuksel .
Oma Pajo viritti Salmih karjalazen kybenyön
карельский: ливвиковское наречие
Новописьменный ливвиковский