Тексты
Вернуться к списку | редактировать | удалить | Создать новый | Статистика | ? Помощь
Калмыков Иван. Piiplijan kertomukšie voipi kuunnella karjalakši
Калмыков Иван
Piiplijan kertomukšie voipi kuunnella karjalakši
карельский: собственно карельское наречие
Новописьменный севернокарельский
Piiplijan kertomukšie
vienankarjalan murtehella voit kuunnella jo nyt .Kiännöš livvinkarjalakši on šuunniteltu šuaha valmehekši lähiaikoina .
Karjalan tašavallan Jevanhelisen ušon kirikkö ta Piiplijan kiäntäjien Uiklif-joukko kiännetäh Piiplijan kertomukšie karjalan kielellä .
Pakkaiskuun lopušša karjalan kielellä kiäntämisen projektin piällikkö Anatolii Saveljev šai lähetykšen , missä oli 150 iänenkantajua .Pienellä šähkölevyllä on nauhotettu Piiplijan 24 kertomušta vienan murtehella .
Projektin tavoiteh on luatie pyhän tekstin tutkimini kaikkien ihmisien ymmärrettäväkši .Pienet iänenkantajat voipi ottua matkah töih , kalalla , kävelyllä meččäh tahi kuunnella niitä koissa .Laittehet ruatah patterista , ka niitä voipi latata ni aurinkopanelien avulla .Projektin joukko niise kehitti telefonišovellukšen , kumpaseh pannah kaikki Piiplijan kertomukšet .Myöhemmin painetah kirjaki .
Talvikuušša 2022 Karjalan tašavallan piämiehen rinnalla toimijan uškonnollisista aseista vaštuajan komiisin issunnošša Anatolii kerto ajatukšešta kiäntyä Piiplijan kertomukšie karjalan kielen kahella murtehella .Ka iče ajatuš šynty vuotta aikasemmin .
– Vuotena 2021 Malitunhuonehešša mie löysin avuamattoman kirjasen . Šen kuorešša oli leima vuuvvelta 2013, ta šiinä oli Piiplijan kiäntäjien Uiklif-joukon lehti .Mie luvin šen , kiinnoššuin heijän palvelutyöštä ta mänin verkkošivulla , mistä šain tietyä , jotta järještön ruatajat šuunnitellah retkikuntua ta tullah Karjalah kolmen päivän piäštä .Kirjutin järještöh , tapasin heijän kera ta šain tietyä , jotta hyö tahotah luatie kiännöš vain vienakši .Šilloin ymmärrin , jotta Jumala ohjuau milma tähä työh , vet miula on livvinkarjalaiset juuret .Näin alko meijän yhteistyö ta kertomukšien kiäntämini kahteh murteheh , kertou Anatolii Saveljev .
Piiplijan kertomukšien kiäntämini on šuuri ta jykie ruato .Ilman Piiplijan kiäntäjien Uiklif-joukkuo tätä projektie ei onnistuis toteuttua , šentäh kun juuri šillä järještöllä on kanšainvälini akkreditointi kiännöštyöh .Projektissa oli järješšetty kakši joukkuo – vienalaini ta livviläini .Hyö ruattih yhtä aikua Karjalan tašavallan pohjois - ta šuviošašša .Šen lisäkši kiännökšie monivaiheisešti tarkaššettih .
Kiännöštyö alko vuuvven 2022 lopušša .Šillä aikua oli pietty kymmenie työmatkoja ta šatoja tapuamisie .
– Šekä šuvešša jotta pohjosešša peruššettih kakši rinnakkaista ryhmyä : yksi kiänti Piiplijan kertomukšie venäjältä karjalakši ta toini , iččenäini , šuoritti kiännökšen jälelläh tarkistuakšeh šen tarkkutta . Vienalaisien joukošša oli šeiččemen-kahekšan henkie , šuvešša ruato noin 15–20 henkie , mukah lukien kiäntäjät , kumpaset ruattih kylissä .Šen lisäkši oli arvoštelijie , kumpaset šuatih hyväkšymistä kielentietäjiltä : annettih heilä kuunnella kertomukšie ta tarkissettih , kuin hyvin hyö niitä ymmärrettih , jatkau Anatolii .
Livviksi kiäntämisen ruato on viimeistelyvaihiešša .Livvinkarjalakši iänitetyt kertomukšet tahotah piäštyä Äijäkšipäiväkši , mi tänä vuotena on 12. šulakuuta .Livvinkielistä iänenkantajua tulou 450 kappalehta .
Iänenkantajat juatah ilmasekši Karjalan eläjillä šekä karjalan kieleštä kiinnoštunuilla ihmisillä , ket eletäh Venäjän toisilla alovehilla .
Piiplijan kertomukšie voipi kuunnella karjalakši
карельский: собственно карельское наречие
Новописьменный севернокарельский