Тексты
Вернуться к списку | редактировать | удалить | Создать новый | Статистика | ? Помощь
Nadežda Vasiljeva. Volont’orien tapuamiset Kalevalan mualla jatutah
Nadežda Vasiljeva
Volont’orien tapuamiset Kalevalan mualla jatutah
карельский: собственно карельское наречие
Новописьменный севернокарельский
Tuiskukuun alušša
Kalevala uuvveštah otti vaštah ylioppilahien Ilvekšetvolont’orijoukkuo .
Ajettuo 1500 kilometrin matan ta tultuo miäräpaikkah myöhäsellä illalla Petroskoin valtijonyliopiston opaštujat jo aikasešta huomenekšešta oltih valmehie ruatoh .
Ilvekšet-joukon jäšenet aina ošallissutah patriottiseh Onegan desantti - volont’oriaktijoh , kummaista toteutetah tašavallašša jo muutoma vuosi .Hyö ilmasiksi autetah niitä , ket tarvitah – kannatetah vanhempie ihmisie , erikoisšotaoperatijon ošallistujien perehie , järješšetäh patriottista työtä koululoissa .Kalevalan piirissä petroskoilaiset ylioppilahat , avomieliset ta huolekkahat nuoret ihmiset ruattih juuri šitä .
Monipuolini ohjelma
Kalevalan mua otti vaštah volont’oridesantin 30 aštien pakkasella .Tuntu , jotta še pölättäy vapuaehtosie auttajie ta haittau heijän tehtävien šuorittamista .Onnakko še ei ollun totta : jo šeuruavana päivänä tulon jälkeh nuoret otettih tarvittavie vehkehie ta hyvällä tuulella lähettih työobjektiloih .
Ilveš-joukko piäasiešša halkasi ta lat’t’asi halkuo , šuomi alovehie .Nuoret autettih ijäkkähie kalevalalaisie šekä lähimmäisien Kepan ta Kuušiniemen pos’olkojen eläjie .Joka paikašša heitä otettih vaštah lämpimäšti .
– Tapasima jo tuttavie ta melkein omie ijäkkähie ihmisie : erähät vielä muissettih , kuin myö ruatoma viime vuotena , šanottih volont’orit . – Hyö otettih meitä vaštah kuumalla čäijyllä ta huolittih , jotta emmä ois kohmistun . Še liikutti meitä ta šai itkömäh .Rupiemma staraimah auttua heitä iellähki , vet še on meijän elämän tarkotuš .
Netälin aikana petroskoilaiset vapuaehtoset tavattih paikallisen nuorison kera , vietettih yli kymmenen työpajua .Kalevalan kirjaštošša hyö tavattih Enšimmäisien liikkehen ošallistujien kera , kerrottih omašta ruavošta ta volont’oritoiminnan tärkieštä tehtäväštä .Yhtehiseššä työpajašša hyö luajittih juutista tulluon vuuvven simvoli .
Kepan koulušša ylioppilahat järješšettih Leningradin šalpaukšen lopettamisella omissettu tilaisuš .Šamoin paikallisien koululaisien kera hyö šuomittih Šuuren Isänmuallisen šovan aikana kuatunuijen šotilahien vellešhautaušpaikka .Nuoret kunnivoitettih heijän muisto hil’l’asella hetkellä , pantih kukkie paččahan aluššalla .Šamoin Leningradin šalpaukšen lopettamisen päivänä ylioppilahat pantih kukkie Vellešhauvalla Kalevalan pos’olkašša ta ošallissuttih muistomitinkih .
Urheiluo ta musiikkie
"Ilvekšet " löyvettih aikua tutuštuo Kalevalan muan istorijah , šen rahvahah ta perintehih .Heijän mieleštäh , mielenkiintosekši ta tiijollisekši tuli kyykän muasteri-oppi ammattipeluajalta Žanna Tikkaselta .Nuoret tultih pelikentällä , enši kertua otettih pualikkoja ta näytettih tarkkoja heittoja tarvittavah pualih .
Vapuaehtosie apulaisie yštävällisešti otettih vaštah vanhukšien ta invalidien internatissa , mih hyö yheššä Kalevalan kantelistien yhtyvehen kera tultih näyttämäh pientä konserttiohjelmua .Vanhojen kojin potilahat ei haluttu piäštyä harraštaja-artistoja , laulettih heijän kera ta ilmennettih toivuo , jotta šemmoni lämmin vaštautumini ei tule viimesekši .
Tapuamisešša "Ilvekšien " kera piirihallinnon johtaja Aleksandr Gladii ta varajohtaja Jelena Sin’kova šanottih , jotta volont’orijoukkuo vuotetah enši vuotena .Hyö koroššettih volont’orien kiitettävyä ruatuo , myönnettih nuorilla kiitoškirjasie ta yllytettih tulijah yhteistyöh .Toivottovašti še jatkuu .
Volont’orien tapuamiset Kalevalan mualla jatutah
карельский: собственно карельское наречие
Новописьменный севернокарельский
"