Тексты

Paušin Šan’uu. Iänelitkettäjän Anna Česnokovan muštpäiv

подкорпус: публицистические тексты

Источник:

Oma mua. № 6, 2026, с. 3

Paušin Šan’uu

Iänelitkettäjän Anna Česnokovan muštpäiv

карельский: людиковское наречие
Новописьменный людиковский

Tuhukuun
8. päivän
Pyhärves
pidettih
iänelitkettäjän
da
runonpajattajan Anna
Česnokovan muštole
omistettu
pido
. Täl
vuodel
hänen
rodindpäiväs
täydyy 125 vuotte
(10.02.1901-21.01.1974). Huondeksel
meiden
d’ouk
ajoi
mašinal
Petrouskoispiäi
Pyhärveh
, i
siga
ezmai
kävimme Anna
Česnokovan kalmale
. Meiden
d’oukos
oli
Tatjana Bel’ajeva – Petrouskoin
konservatorijan loppii
. Kalmalluo
Tatjana lugoitteli itkendan, ylen
vägevän, gu
d’ogahižel
kyynäled
nostih
silmih
. Moste itkenvirte läz
50 vuotte
lugoitteli Anna
Česnokovagi. Moižed
muahpainenditkud Anna
Česnokovan rodus
itkettih
buab
da
muam
, ned
siirdyttih
polvespiäi
polveh
.
Sid
omad
, gost’ad
da
Anna
Česnokovan muanmiehed mändih
kodilloh
, kus
häi
eli
kuolendassuai
. Nygyy
tämän
kodin
seinäh
on
azuttu
muštlaud, kadamas on
kird’utettu
: Täs
kodis
v. 1924-1974 eli
lyydiläine
itkettäi
da
runonpajattai
Anna
Vasiljevna Česnokova. Minä
olen
kiändäny
tämän
tekstan v. 2016. Rahvaz
pandih
svetoid
kodin
edeh
da
sit
lähtih
Il’l’u -prorokan kirikolloh. Sen
dälges
myö
tulimme
Pyhärven
kul’tuurkodih, kunne
kerävyi
äi
rahvaste
. Kul’tuurkodis oli
organizuittu pido
Anna
Česnokovan muštoks
. Kul’tuurkodin lavale
tuli
tervehtimäh rahvaste
Anna
Česnokovan bunukke
Valerii Mihailov, kudai
saneli
omas
buabas
, mušteli
, kui
lapsestuzailgan häi
ylen
puaksuh
kävyi
oman
buaballoh
. Valerii mušteli
omad
buabad
kyynäled
silmiš, starinoičči meile
buaboin
dygedas
elaigas
, i
kiitti
kaikid
, ken
muštau
hänen
buabod
. Sil
päiväl
toižedgi omamualaižed
mušteltih
Anna
Česnokovad. L’ubov’ Aleksandrovna Pelevina keraži äi
materijalan Anna
Česnokovas da
saneli
meile
, midä
on
tietty
kuulužas
muanmiehes. Sil
päiväl
laval
Virzuine-tiatteren ozuttelijad ozutettih
uuden
spektaklin "Cairin
pir" lyydin
piäpaginluadul. Pyhärveläine "Oma
randaine
" -hora
pajatti
lyydiläižid pajoid
, a
konservatorijan opastai
Svetlana Jurjevna Nikolajeva omiden
opastujidenke ozuttettih lyydiläižed rahvahansananluadindad. Moine
pido
oli
tulnu
miel’t
myö
kaikiile
, ken
oli
tulnu
sil
päiväl
Pyhärven
kul’tuurkodih. Pidon
dälges
meid
gostittih
čuajul piiragoinke, a
čajud’uondan dälges
myö
lähtimme
tagaze
lidnah
…
…Kielen, literatuuran
da
hištorijan
iänearhivas on
olemas
magnitofonah
kird’utetut itkud
, pajod
da
kerdomuksed
. Anna
Česnokovan itkendviržid
vuodel
1969 keräži
Vladimir Dmitrijevič R’agojev. Nämäd
viiztošte itkendvirte oli
painettu
Karjalaizien itkuvirzilöin -kniigah vuodel
1976. Nygyy
kai
nämäd
itkenvirded oldah
VepKar-korpusas.