Тексты
Вернуться к списку | редактировать | удалить | Создать новый | Статистика | ? Помощь
Nadežda Mičurova. “Koivikko” pajatti armahii pajoloi
Nadežda Mičurova
“Koivikko” pajatti armahii pajoloi
карельский: ливвиковское наречие
Новописьменный ливвиковский
Anuksen
uvvistetun kinoteatran zualas 1. tuhukuudu oli suuri pruazniekku .Anukselaine Koivikko-pajojoukko pidi oman vuozipäivän konsertan .Jo viizitostu vuottu "Koivikon " naizet mielihyväl kerävytäh yhteh da pajatetah čomii da syväindykoskij oi pajoloi karjalan da ven’an kielel .Joga pajattajal on oma pajo , kudai koskou hänen syväindy da mielii .Eibo ni petties vuozipäivän konsertuprogrammal oli pandu Armas pajo -nimi .
PRUAZNIEKKU , KUDAI JIÄY MUSTOH
"Koivikon " pruazniekkupäivänny kinoteatran zualu oli täčöitäyzi rahvastu .Kunnivogostien joukos oldih Ven’an Federatsien Valdivoduuman deputuattu Valentina Pivnenko da Anuksen kanzallizen piirin piälikkö Vadim Murii .
Hyvittelemäh nimipäivyniekkoi tuldih pajattajat da tansij at Anukses da Mägriälpäi .Pajattamas oldih Karjalan sotsiualukeskuksen Anuksen alaozaston Severnaja jagoda -pajojoukko , Anuksen rahvahan hora "Karjalan koivu " da "Garmonij a " Mägriälpäi .Mägriän kylän "Garmonij an pl’us " naizet da Serebr’annij e tantsi -joukko , kudai harjaittelou Anuksen eläkkehelolijoin vastavundukeskukses Škol’naja-uuličal , čomasti da nerokkahasti tansittih nygyaigazii tansiloi .
PAJOJOUKKO PITKÄN HISTOURIENKE
Tänäpäi "Koivikkoh " kävyy yheksä hengie .On sie Anuksen rahvahan horan veteruanua , pajattau naistu Riipuškalan Sudaruški-pajojoukospäi .Kai nämmä vuvvet "Koivikkuo " johtau Karjalan opastusalan kunnivoittu ruadai Jelena Kudel’nikova .Hänele tänäpäi avvuttau soittai Anatolii Ivanov .Jelena Vasiljevna kaksikymmen kaheksa vuottu pajatti Anuksen rahvahan horas vie Zoja Aution aigua .Iče häi on ven’alaine , ga karjalan kieleh hänel syväin paloi ainos .Konzu 1990-luvul ruvettih nostamah karjalan kieldy , Jelena Vasiljevna ruadoi Anuksen RONO :s inspektorannu .Häi oli enzimäzii , ken järjesti detsaduloin ruavon lapsienke karjalan kielel .Anuksen rahvahan horaspäi lähtiettyy Jelena Kudel’nikova eibo ni smiettinyh , gu konzutah luadiu oman pajojoukon .Sih dieloh händy potakoičči Anuksen rahvahan horan endine johtai Zoja Autio .Häigi ehoitti nimen tälle pajojoukole .Vuvvennu 2010 hora varustui pidämäh omua 75-vuodehistu merkipäiviä .Kuibo hyvitellä omua armastu horua ?Jelena Vasiljevna keräi yhteh kymmene naistu , Anuksen horan veteruanua , kudaman joukos oli Zoja Dmitrij evnagi .Silloi Anuksen kul’tuurutaloin laval naizet pajatettih kaksi pajuo .
HEIDY VEDI YHTEH PAJO
"Koivikon " naizii vedi yhteh pajo .Pajattajat hyvin ozutettih omua iččie rahvahienvälizis pajopruazniekois da festivualilois .Naizet oldih pajattamas Suomes , Tihvinäs , Piiteris .Hyö ainos ollah kunnivogostinnu Anuksen čupun hieruloin pruazniekois .
– Konzu minä rubein kaččomah , mi pajuo oli meil pajatettu kymmenes vuvves , kolme puolenke sivuu rodih . A viij estostu vuvves vie enämbi pajuo suitui .Myö pajatammo enimyölleh kyläläzii pajoloi , on igäviä da vesseliägi pajuo .Erähän kerran kävyimmö Oma pajo-horan harjaituksele da kuulimmo sie pajon , kudamua pajatetah stolas .Nygöi sidä pajuo pajatammo kaikkiel .Minun naizet ollah moločat .Igih da tervehyöh huolimattah ainos ollah kirmiet jallal .Tervehytty heile kaikile da himuo pajattamah iellehpäigi ! hyvitteli pajattajii Jelena Kudel’nikova .
“Koivikko” pajatti armahii pajoloi
карельский: ливвиковское наречие
Новописьменный ливвиковский
"
"